الف شكر على الرد يا باشا .. بس اية عناوين مراكز الصيانة دية ؟ ؟
الف شكر على الرد يا باشا .. بس اية عناوين مراكز الصيانة دية ؟ ؟
بالضبط كده
السلام عليكم انا عربيتي اكسنت 1300 وانا ماشي امبارح العربيه على الرابع بدأت تقطع كل ما اكبس بنزين وبعدين بدأت ماتسحبش خالص شويه وبعدين رجعت زي الاول على السرعات الهاديه وعلى فكره انا غيرت فلتر البنزين
ارجو المساعدة
السلام عليكم ورحمة الله وبركاته
ارجو من حضرتك معلومات عن مراكز الخدمه والصيانه التى فى الاسماعيليه او بالقرب منها فى العاشر من رمضان او الشرقيه او بور سعيد او السويس وهل يمكن ان تتم فيها جميع اعمال الصيانه الدوريه والاصلاح والدوكو وغيرها ! ام انها تتم فيها بعض الاعمال واعمال اخرى تتم بالمركز الرئيسى؟
سؤال اخير: عند استلام السياره من غبور هل يمكننى ان اغير لونها (الى لون التاكسى) خارج مركز الصيانه(فى اى ورشه دهان سيارات) وتركيب بعض الاكسسوارات الخارجيه؟ ام اننى يجب ان اقوم بهذه الاعمال فى مراكز الصيانه المعتمده من غبور لكى لا تخرج السياره من الضمان؟
وشكرا لك اخى الفاضل على تعاونك معنا وجزاك الله كل خير عنا جميعا
م/ محمد السيد
مشكلة التقطيع في العربية أسبابها متعددة .. دورة بنزين .. كهرباء .. الأفضل تجيبها أي مركز خدمة
و تقبل وفر تحياتي
لدي غبور شبكة كبيرة من مراكز الخدمة المعتمدة .. في العاشر و العبور و الأسماعيلية .. يمكن أن تتم فيها خدمة الصيانة أما السمكرة و الدهان فالأفضل لك مراكز غبور بطريقي مصر الأسكندرية الزراعي و الصحراوي .. و أيضاً كارتك بالعيور .. و مودرن سيرفس بمصر الجديدة و هما مراكز خدمة معتمدة .. و يمكنك الأتصال علي غداً لأمدادك بجميع مراكز الخدمة.
أما من ناحية تغيير لون السيارة فذلك لا علاقة له بالضمان.
تحياتي
جزاك الله كل خير على ردك السريع وارجو من حضرتك ان تحدد لى عنوان ولو واحد فقط لمركز صيانه هيونداى بالاسماعيليه لانى لم اجد اى مركز صيانه يالاسماعيليه على الرغم من انها تعتبر المحافظه الاولى فى مصر التى تستخدم سيارات هيونداى فكل سيارات التاكسى تقريبا بالاسماعيليه هيونداى وايضا75% من الملاكى هيونداى بموديلاتها المختلفه
وجزاك الله كل خير
أ عاطف : احييك على هدؤك في الردود
الاخ الفاضل م/ عاطف
اشكركم شكرا جزيلا على ردودكم على الاخوة و رقة الرد وحسن التعامل مع اي شكوى
وكان ليا استفسار:
ان شاء الله هاشتري فيرنا هاف اوبشن وخلال اسبوع على الاكثر هايكون شيك بنكي جاهز باسم بريما للصناعت الهندسية
ومكتوب بعرض الاسعار اني ممكن استلم من توكيل بورسعيد (اللي اخدت منه عرض السعر )او من ابورواش نفسها
وانا اريد ان استلم من ابورواش نفسها
بمن اتصل ؟ علما باني لم ادفع اي مبالغ لحجز السيارة حتى الان
ازيكم يا شباب ، يا ترى لو عاوز اركب جهاز انذار للاتوس برايم 2008 فى التوكيل فى قليوب فى صيانة 1000 كم يتكلف كام بتركيبة ، و هل ينفع اشترية من برة و اركبة فى التوكيل عشان الضمان و لو من برة بكام ؟ و شكرا
ممكن أن شاء الله ... بس أفضل أنك تتصل علي الرقم 16661 علشان يوضحوا ليك كامل الأجراءات.
تحياتي
لمعرفة عنوان و هواتف وكيل الخدمة المعتمد بالأسماعيلية ... أرجو الأتصال علي 16101 و هو رقم الخدمة الموحد لغبور.
تحياتي
يا شباب : كنت سمعت عن طلاء دواسات الفرامل و الدبرياج و البنزين بطبقة من النيكل لحمايتها من التأكل مع استمرار الضغط بالحذاء فهل هذا صحيح و اعملة فين و يتكلف كام و هل هذا يؤثر على الضمان .. للسيارة اتوس 2008 ؟ مع الشكر
ما هو نوع البنزين الخاص بالسياره فيرنا 1500موديل 2006
أنا كنت بأستعمل بنزين 92 هل يمكن أغير ل90
أضافة أي طلاء لدواسات الفرامل أو البنزين و كذلك الدبرياج من شأنه أن يعرض للكثير من الأخطار و لاسيما أن الغطاء الكاوتشي للدواسات روعي فيه قدرته علي التماسك مع أحذية السائق و ذلك لتفادي أي أنزلاقات بين قدم السائق و الدواسة ... لذا أنصح بعدم طلاء أو تغيير الغطاء الكاوتشي للدواسات.
تحياتي
حسب كتيب التشغيل المرفق بالسيارة يمكن أستخدام بنزين 90 فما فوق ... و لكن من تجربتنا مع الـ 90 أنه يسبب تسقيف للماكينة أحيانا و ذلك طبعا متعلق بجودة البنزين ... فيفضل أستخدام 92
تحياتي
شكرا على الرد و الاهتمام ..
ألف شكر يا باشمهندس على الرد
هو لو زجاج العربيه حصل فيه سرطان واتفشفش ... ده يرجع تبع الضمان عشان عيوب صناعه و لا ايه؟ أصلى قريت فى الجرايد يا فى التليفزين انه هيبقى تبع الضمان!!
هى العربيه بتاعة ابن عمى.. و الكلام ده كان حصل مع اخته برده (فيرنا) من سنه يا اتنين.. بعد ما جابوها برده
العربيه النترا 2008 ماشيه 2000كم
لو سمحت انا عرفت ان معظم عربيات الفيرنا فيها مشكلة الحدفة اليمين او الشمال مش فاكر بس المهم انها معظمها بتحدف وفى ناس بتقول المشكلة دى بتتحل بتغير الجنوط وفى ناس بتقول تروح الضمان وترجع بنفس الحدفة يعنى مالهاش حل
اية اخر الاخبار بنبسة لموضوع الحدفة دى
السلام عليكم
بالنسبه للحدفه عندي في العربيه بتاعتي فيها نفس العيب و ظبط زوايا بس بعديها بحاجه بسيطه بتهيقلي اسبوع و رجعت تاني علي طول يا تري دا عيب في العربيه ولا ايه
العربيه اكسنت موديل 2000 استيراد الخارج بس شكلها نفس شكل الفيرنا فيفا بالظبط خارجيا حتي في الفوانيس الاماميه و الخلفيه
وعندي مشكله ثانيه و لمبه check مضائه و الاستهلاك عالي للبنزين حيث داخل البلد تستهلك كل 100 كيلو في حدود 18 لتر بنزين و كان السبب حساس الاكسجين كما قال لي مركز صيانه في بورسعيد حيث لا يوجد لهيونداي مركز صيانه في بورسعيد و العيب كان كالتالي
P0422 Main Catalyst Efficiency Below Threshold Bank 1
وبقول مهندس المركز عليا تغير حساس الاكسجين اللي هوا حساس الشكمان اللي علي الفرن
و دورت علي الحساس في بورسعيد و ملقتش غير مستعمل لكن لا امل و لمبه (check( لازالت مضائه
و عند خلع الحساس القديم قطعت الاسلاك
و كشفت عند مركز اخر كان العيب
P0135 Oxygen Sensor Heater Circuit Malfunction (Bank 1 Sensor 1))
المشكله ان الاسلاك مقطعه فالله اعلم العيب طلع كده عشان الحساس مش متوصل علي كمبوتر العربيه ولا ايه
ارجو الافاده هل الحساس موجود في التوكيل و كم ثمنه و هل العيب كده عيب حساس و لا ايه بالظبط
علما باني غيرت فلتر البنزين و البوجيهات و السيور
شكرا و ارجو الافاده
الزجاج في الضمان شرط أن يكون سبب (الفشفشة) من الزجاج نفسه يعني مش طوبة أو خبطة
تحياتي
عربيتك خليجي ... و فيها Catalyst و ده جزء بيركب بالشكمان علشان التلوث .. هاتها لأي مركز خدمة و نقدر نعرف ايه مشكلتها.
و ممكن تكلمني علي 0126778884 علشان أشرح لك أكتر
تحياتي
الحدفة ممكن تكون من العجل (يعني كاوتش أو جنوط) ... أو التعليق ... أو الطريق نفسه اللي العربية حدفت عليه ... أرجو أبدال الأطارات X و جرب.
تحياتي
اول كلامى اشكر المهندس عاطف واحد ممثلى المبيعات فى فرع غبور بعمارات العبور وهو مشكورا الوحيد الصادق والذى يتعامل مع العميل بشافافيه تامه
وابداء الحكايه بعد معاناه شديده واللف على المعارض لشراء سياره فى حدود امكانياتى المتواضعه وبعد ان بيعت سيارتى الممتازه الانوس التى لاتعوض وبالسؤال الكثير استقر بى المطاف غلى العربيه الماتريكس ونظرا لانى جمعت باقى الثمن بصعوبه شديده فكنت حريص على وضها فى مكان امين بعيدا عن غش معارض السيارات وتجار السيارات الذين لايعرفون الحرام حيث انى اكتشفت اثناء بحثى فى المعارض ان اصحاب المعارض يقومون بتغيير كاسيت السياره بكاسيت عادى وكذا الكاوتش بمستعمل .....الخ وكأى واحد خايف على فلوسه اقترح على احد الاقارب ان اتعامل مباشرتا مع الوكيل حتى لايكون هناك اى شك فى اى شيء . وبالفعل ذهبت الى فرع العبور وهناك لقيت ترحيب شديد وسرعه فى إجراءت تسديد قيمة السياره بالكامل حتى يتم التسلم فى مده اقصها 10/5/2008 والحقيقه انى من يوم 1/5 وانا اتصل بيهم ويكون الرد العربيه فى الطريق وحتى يوم الخميس 8/5 كان الرد الله ورسوله اعلم . وعندها تذكرت الموظف الامين الذى كلمته واوضح لى انى لايمكن ان استلم قبل 15يوم على احسن الاحوال .
والغرض من رسالتى هذه انى ليست حزين على انى سوف اتاخر فى الاستلام شهر او اثنين ولاكنى حزين على انى لجات الى الوكيل الوحيد وصاحب التاريخ المديد فى مصر ولاحظت انه لايعرف اى شيء عن السيارات التى يتم تجهيزها عنده حيث انى عندما سألت الموظف عن موقف السياره الحالى قال لى انا مقدرش اعرف سيارتك فين ووصلت فين الا لما يبلغن السواق انه راكبها وجى المعرض . طب والنبى ده كلام ينفع مع وكيل بالحجم ده ؟؟؟؟؟؟؟؟؟ المفروض انى لما احجز سياره يدينى رقم الشاسيه وانا مأتصلش خالص بالمعرض انا ادخل على موقع غبور واكتب الرقم واعرف منه مكان السياره فين ولما اشوف على النت تمام وصول للمعرض اذهب لااستلم فورا .......
فى النهايه انا قمت بتاجير سياره حتى ان يريد الله ان احد يرف سيارتى فين او احد السائقين يتصل بالمعرض يقوله انا معايه عربيه رقم كذا شوفو ده بتاعت مين .....ولاعزاء للمصريين
حاجة غريبة
ماهو عشان المبيعات كبيرة بيعملو كدة
والله انا شايف ان غبور دة المفروض يكون افضل توكيل فى مصر عشان هو اكثر مبيعا ومكسب عشان طبعا معظم العربيات بتتجمع عندو يعنى المكسب دوبل
مش عارف فى اية ولما تيجى تتكلم معا بتاع المعرض يقولك هو النظام كدة مش انتا لوحدك ويحسسك انك رايح تشترى حاجة بخمسة جينة مش مثلا ب80 الف وان الواحد جمع الفلوس بتعب والشغل وكل دة وتلقى الموظف بيتعامل معاك ببرود
يا جماعة انا قربت اعمل صيانة الالف الاولى لسيارتى اتوس و بصراحة من اللى سمعتة و قرأتة فى المنتدى بقيت خايف جدا انة يتنصب علية فى الصيانة او اروح بالعربية سليمة ارجع بيها مبهدلة .. و مش عارف اعمل اية ؟ و كنت عاوز اشترى انذار من برة و اركبة عندهم مع صيانة الالف و لكن سمعت ان التركيب بس ب 200 ج و دة حرام ؟؟
حرام ليه ؟
أولا:ً اللي بيركبك الأنذار فني هيونداي ... يعني خبرته ليها قيمة و مصروف عليها ... و ده بيضمنلك أن الفك و التركيب و المواد المستعملة (فيش ... وصلات ... الخ) كلهم معتمدون من هيونداي .. و الأهم بدون فتاوي.
ثانياُ: كل اللي هيتعملك مضمون ضمان الوكيل اللي هو ضمان السيارة.
ثالثاً: و الأهم اي أضافة أو أصلاح في كهربة العربية أو بالأحري الـ Electronics يجب أن يتم لدي الوكيل لأنه ببساطة أي مشكلة تتربت علي سوء التركيب أو الأصلاح ممكن تكلف كتير و هنا السؤال .. الشاب اللي علي الرصيف اللي ممكن يركبهولك بـ 20 جنيه ممكن يدفعلك ثمن الـ ECU أن راحت بسبب سوء التركيب؟
أما عن نوع الأنذار فأرجو قبل أن تشتري الأنذار أن تستشير مهندسي الصيانة عند صيانة الألف .. فهناك أنواع تسبب (قفلة) بكهربة العربية و ممكن تبوظلك الدنيا ... و يفضل النوع المعتمد من غبور
أرجو الأتصال علي 16101 لتحديد حجز لصيانة الـ 1000 بسيارتك .. و هي مجانية للأجور فقط.
و تقبل وافر تحياتي
شكرا على الرد .. هل يمكن تركيب الانذار فى نفس يوم الصيانة ؟ و هل توجد اى طريقة لمعرفة نوع الانذارات الكويسة لاشترية قبل الذهاب للصيانة ؟
السلام عليكم انا ليا شكوى لاستاذ عاطف ياريت يبصلها باهتمام شويه هى
انا معايا فيرنا عامله 7500 كيلو متر و من ساعه ماجبتها و فيها صوت فى الفتيس عباره عن تخبيط حديد فى بعضه قولتلهم فى الصيانه قالولى دى ضبيعى علشان ده صوت الاسطوانه و الديسك بتوع العربيه لكن الصوت زاد اوى اليومين دول و الصوت ده بيجى فى الطلعه بس هاتقولى رجلك ناشفه هاقولك ان مش انا لوحدى اللى جرتها ولقيت الصوت ده انا و والدى واخويا الكبير جربوها كلهم و كمان فى سمعات فصلت مابتشتغلش
السلام عليكم ورحمة الله وبركاته
تحيه لكل المشاركين بهذا المنتدى المتميز.
عندى استفسارات ، لو سمحتم بخصوص مياه التبريد.
السياره : فيرنا 1600 عامله حوالى 3500 كم وعملت صيانة ال1000 من شهر
- لم اقوم بالكشف على مياه التبريد بالرادياتير مباشرة واكتفى بملاحظة مستوى المياه بالقربه وتبين لى التالى :
1- لون المياه التى بالقربه ( ازرق ).
2- منذ حوالى اسبوع فتحت غطاء الرادياتير لأول مره للاطمئنان ، وجدت المياه عديمة اللون ، ولها رائحه مميزه.
3- فتحت غطاء قربة المياه لمراجعة اللون ، وجدتها عديمة اللون ايضا ، مع وجود رواسب بقاع القربه ( وللمياه بالقربه ايضا رائحه مميزه ).
4- لاحظت انه مع الوقت يحدث نقصان للمياه بالقربه ( حوالى 4سم فى شهرين).
الاستفسارات :
1- هل لون مياه التبريد هو الدليل على انها هى المياه ذات المواصفات المطلوبه لسائل التبريد ، ام ان هناك انواع عديمة اللون.
2- هل رائحة المياه هذه ، هى للاثيلن جليكول واضافات مانعة الصدأ، ام هى ناتجه عن طول فترة تخزين المياه ، وكيف يمكن التعرف عليها.
3- هل هناك مشكله لو كانت المياه الموجوده حاليا ليست مطابقه للمواصفات.
4- هل نقصان المياه بهذا المعدل يعتبر طبيعى ، ام زياده ( لم الاحظ اى تسريب بالوصلات).
معذره للاطاله مع جزيل الشكر للجميع.
والسلام عليكم ورحمة الله وبركاته.
غبور مصر فعلا سياستها سياسه مش هتنجح علي المدي الطويل للاسف
انا يوم ما بروح التوكيل بيبقي اسوا يوم في عمري
يا بشمهندس عاطف حضرتك ماردتش عليا ارجو الافاده
يا ترى يا باشمهندس عاطف : هل يمكن تركيب الانذار فى نفس يوم الصيانة ؟ و هل توجد اى طريقة لمعرفة نوع الانذارات الكويسة التى لا تسبب مشكلة فى كهربة السيارة لاشترية قبل الذهاب للصيانة ؟
السلام عليكم ورحمة الله وبركاته الساده أعضاء المنتدى الكرام الساده ملاك سيارات هيونداى
فى البدايه إسمحوا لى أن أتقدم بجزيل الشكر للسيد المهندس عاطف عبد السميع مدير خدمة العملاء بهيونداى والساده مهندس الإستقبال والساده مهندسى الصيانه والساده الفنيين العاملين بمركزغبور أوتو أبو رواش
الموضوع إنى كنت بأعمل فحص مجانى للسياره الخاصه بى هيونداى فيرنا موديل
2006 يوم السبت 10/5/2008فى مركز القاضى بالعاشرمن رمضان المهندس هيثم ومن لحظة دخوله السياره وأمسك الدركسيون والسياره متوقفه وقالى فى مشكله فى الإسكترا(علبة الدركسيون)فسألته والحل قاللى هنفحص ونرد عليك وبعد الفحص قاللى الأفضل تروح أبو رواش فقمت على الفور بالإتصال بالسيد المهندس عاطف عبد السميع ولم أكن قد تشرفت بمعرفته من قبل والذى رحب بى (على الرغم أنه كان فى أجازه ) وقاللى أنا فى إنتظارك بكره فى أبو رواش ورحت إمبارح وأول ما وصلت المركز وأخبرتهم بأنى إتصلت بسيادته فرحبوا وللعلم لم أكن قد حجزت موعد لديهم فأدخلونى وقام المهندس عمرو بقسم الإستقبال بفحص السياره وقاللى لواالعلبه محتاجه تغيير هتتغير وبالفعل تم تغييرها بالكامل ولم أدفع ولا مليم وبعد ذلك قابلت المهندس عاطف وتوجهت له بالشكر فقاللى ده حقك وما حدش عمل حاجه زياده وشهاده لوجه الله تعالى الرجل فى قمة الأخلاق والإحترام وأنا شخصيا تشرفت بمعرفته وهذه شهاده لوجه الله تعالى