انا حجزت صيانة 65000 عند السبع يوم الخميس القادم انشاء الله وربنا يستر انتو قلقتونى من مستوى الخدمة لما ارجع انشاء الله هكتبلكوا اللى حصل بس لى سئوالين ليه م/ حاتم مشى وراح فين و ليه التوكيل اتسحب من العوضى
عرض للطباعة
انا حجزت صيانة 65000 عند السبع يوم الخميس القادم انشاء الله وربنا يستر انتو قلقتونى من مستوى الخدمة لما ارجع انشاء الله هكتبلكوا اللى حصل بس لى سئوالين ليه م/ حاتم مشى وراح فين و ليه التوكيل اتسحب من العوضى
مهندس حاتم مهندس طيران و كما قيل لي جاتله شغلانه فى مجاله..
المهندس كريم ايضا ترك الشغل لأانه إشتغل فى شركة بترول..
الشغل فى مراكز الصيانه محطات للأحسن بالنسبه للمهندس
ربنا يستر , على مستوى الخدمة فى السبع ,مفروض انه من احسن مراكز خدمة نيسان
كلامك مضبوط يا أستاذ أيمن أنا أنصح الجميع بتغيير الزيت والفلتر خارج مركز الصيانة للإطمئنان وقصر مراكز الصيانة على عملية الصيانة الدورية أو الإصلاحات.
بالنسبة للسبع و هو المركز الوحيد الذى تعاملت معه فاستقبالهم جيد وتشخيصهم للأعطال سىء ويجب أن يستضيفوك 3 ساعات على الأقل (فى توكيل دايهاتسو الإنتظار للصيانة الدورية ساعة كحد أقصى) و مثل ما قال الأستاذ مرسى فأنت لا تلاحظ السيارة فى جميع مراحلها فعلاً أنا قررت بإذن الله أجرب مودرن أبو رواش لأنه أقرب لى و إذا بقى الحال على ما هو عليه سأرجع للأسطى بلية زى زمان و أمرى لله.
روح ابو غالى افضل
انا بتعامل مع التوكيل من اول ما جبت العربيه و ضمانها خلاص فاضل شهر و يخلص
و قررت عدم التعامل مع التوكيل الا فى الحاجات الكبيرة
بصراحه حاسس انى بادفع فلوس كتيرة
كل اللى كان بيخلينى اصبر عليهم انى ماليش فى اللف علشان قطع غيار اضمن انها اصليه
للأسف الشديد كل مراكز الخدمة و الصيانة بمصر ليست على المستوى و ذلك لأنهم يفتقدوا ثقافة الـ Customers Satisfaction و هى سياسة و فن إرضاء العميل فهم يؤمنون بسياسة كلمة حاضر بتريح و سياسة خده على قد عقله المهم يدفع و خلاص لكن أمانة فى العمل لا ، لكن نزاهة فى تلقى المشكلة و العمل على حلها لا ، يجيدون و محترفين فى الكلام و الخداع المهم العميل يدفع و خلاص و يمكن نحن كملاك سيارات نتكاتف مستقبلاً ضد التوكيلات و مراكز الخدمة السيئة هذه بعمل شكاوى جماعية ضدهم لجهازحماية المستهلك على الأقل و أضعف الإيمان سنكون إيجابيين و على فكرة سعة خزان البنزين ليس 40 لتر و لا 50 لتر و لكنه 45 لتر و هذا الكلام عملياً بغض النظر عن اللى مكتوب فى الكتالوج أو اللى بيتقال فى مراكز الصيانة و أخيراً ألف مبروك و عقبال صيانة الـ 100000 إن شاء الله
للأمانة واستكمالا لتقيمي لمركز السبع:
بالأمس إتصل على المتابعة بتاع مركز السبع فكنت بصلي الظهر فبعثوا لي رسالة بأن لو لي ملاحظات عن الصيانة أرسلها لهم على نفس الرقم ، فأرسلت لهم الملاحظات الأساسية بخصوص الزيت ومياه التبريد وعدم الأهتمام بالشكاوي فلقيت النهاردة المهندس معتز مدير الصيانة عندهم بيكلمني والراجل كان مهتم وطلب مني أروح لهم وهيقوموا بتغيير الزيت وسائل التبريد وإنه مصمم إني أجي علشان أحذ حقي كامل ، بس بصراحة أنا مش فاضي أروح ولكن مع تصميم الراجل قلتله خلاص خليها في صيانة ال 5000 كم.
أنافي بداية كلامي معه قلتله إن أنا كنت رايح مركز السبع وعندي إنطباع جيد عن المركز من اللي بسمعوا لكن إنطباعي إختلف بعد اللي حصل معي فالراجل إعتذر وكان متفهم للكلام جدا ، وطلبت منه ان الشكاوي دي تتحل وألا المتابعة تبقى خرجت عن معناها فالراجل قال إنه أتخذ تعليمات لحل كل المشاكل (أفلح إن صدق) وإن إنشاء الله في توسعات مستقبلية ، فإن شاء الله هبقى أكتب تقييم تاني بعد صيانة ال5000 كم وأقولكم اللي حصل.
وياريت رجاء من كل اللي حصل له مشكلة أو تقصير في الخدمة يرسلهم ملاحظاته على الرقم 0199919105 وإن حصل واستجابوا يبقى إحنا المستفيدين في الآخر
[justify]
مش كده ولا إيه
[/justify]