الموضوع: ملخص مقابلة السبت 8-5 -2010 لملاك m11

يامحمود ابراهيم باشا لو بصيت فى بعض مشاركاته هتجد انه بيناقض تفسه

مره يقول اتها لما ميكنشى ضابط رجليه باسك ولما يضبك رجله ماتسكش فى الاخ هيما ربنا يباركله فى عربيته

التوكيل اعترف بعيوب العربيه ومازال هو يجادل ان مفيش حاجه من دى فى عربيته فربنا يبارك فيها ليه

بس لاسف انه اقنع ناس معاها العربيه انها مفهاش حاجه والناس اقتنعت

بكده وبقو يضبطو رجليهم كنهم طلعين على الغيار التالت مش الاول


وربنا يبارك لكل اللى مقتنع بى العربيه

المشاركة الأصلية كتبت بواسطة samehsalem

فين بيطلع كل يوم عيب ده يا ريت توضح بس بعد ازنك عشان الناس تستفيد مش اي كلام وخلاص.

الأخ الفاضل.. ممكن أعرف ليه ردودك كلها فيها شىء من الحدة والعصبية دايما...
احنا مش ناس دخلاء ولا عاوزين نشوه سمعة عربية كويسة.. العربية فعلا عاملة زى بيت جحا ( أنا بتكلم عن عربيتى ) كل لما أحس انى لقيت الطريق مفتوح قدامى,, بعد شوية الاقى باب ازاز فى وشى قفله تانى....
سيادتك انا شارى عربيتى فى شهر 11/2009 يعنى من 6 شهور.. و لو حضرتك تحب هأوريك عدد ايصالات الصيانة اللى معاى.. و بحسبة بسيطة هتلاقينى باروح مركز الصيانة كل شهر اما للصيانة أو أعطال مفاجئة.. و لسه فى حاجات ما اتصلحتش...
أنا احترمت رد الأخ هيما جدا فى ان الموضوع مايهموش قوى لأن الحمد لله عربيته كويسة..
و حضرتك برضه عربيتك كويسة... فبيتهيألى المفروض ان تفاصيل المقابلة ماتهمكش قوى..
فالمفروض انك بدل ما تحتد علينا .. أولا تحمد ربنا على عربيتك ( ربنا يحفظهالك)..
و ثانيا تدعى لنا بالتوفيق...
احنا ماقلناش التفاصيل المملة حفاظا على جدية الاجراءات .. و قلنا كل لما نتقدم خطوة هنقول يا جماعة احنا النهاردة عملنا كذا و كذا..
سيادتك عارف ان المنتدى من أشهر منتديات السيارات فى مصر.. و كل توكيل عنده ناس دايما بتدخل عليه وتبلغهم بالأخبار و رد فعل الناس.. و أنا واحد من الناس جالى مكالمتين على التليفون من ناس بتدعى ان عندهم العربية .. و من خلال المكالمة أقسم بالله العظيم انى متأكد انهم حد من التوكيل.. لأن المكالمة كلها كانت واخدة شكل التحقيق...
و فى الاخر لو الموضوع يهم حضرتك قوى .. الحكاية مش هتكلفك أكتر من مكالمة تليفون لأى واحد من الأخوة الأفاضل و هو هيقولك على كل التفاصيل...
لكن مش منطقى اننا نتقابل مرة واتنين و ناس تيجى من البحيرة وكفر الشيخ و نروح نتسحل فى عز الحر فى أبورواش ونتخانق.. و حضرتك زعلان ومستغرب اننا محتفظين بالتفاصيل مؤقتأ!!!

المشاركة الأصلية كتبت بواسطة medoragab

مفيش عربيات m11 مبتسكش او مش مصابين دة لو بتعرف اكتر من رئيس الاستقبال في ابو الفتوح
رئيس الاستقبال قال كل عربيات m11 بتسك ومفيش حاجة اسمها مفيش عربية مبتسكش
طبعا بردة حتقول عربيتك مبتسكش
ربنا يبارك فيها ويكفيك شرها
مش عارف اسدق مين رئيس الاستقبال في ابو الفتوح ولا حضرتك
ولو عربيتك مبتسكش مجتشي لية في المقابلة الاولي او في المقابلة التانية
او حتي ترد علي تلفونك
بص يا سيد ابراهيم انا عملت تقرير عن العربية قلت فيها الايجابيات والسلبيات عشان يبقي في مصداقية في المنتدي والناس تستفيد ولما تكرر موضوع السكة قلت لازم اعمل حاجة ايجابية في المنتدي عشان بردة الناس تستفيد

والله المستعان

يا عم محمود كبر دماغك....

بص يا أخ هيما... زى ما قلتلك قبل كده مواضيعك الكتييير على المنتدى عن العربية كان له دور فى ان ناس اشترتها من بين عربيات كتير كانت بتفكر فيها...
و اللى احنا مستغربينة فعلا مش موضوع ان عربيتك كويسة ولا أى حاجة من دى....!!!!!
الحاجة فعلا اللى استفزت ناس كتير ان مع بداية ظهور مشاكل عند بعض الملاك ناس كتير كلموك علشان يناقشوا معاك الحاجات لأنك شارى العربية قبلهم و ممكن يستفيدوا منك...
و انت مابتردش على حد و لما عرفت من خلال المنتدى انهم كلموك كتير برضه مافكرتش تكلم حد...!!!!!!!!!

انت مش ان الحكاية دى غريبة شوية و كمان مستفزة.. الناس دى ماكانتش عاوزة منك حاجة غير النصيحة و المشورة و بس ..( كان الله فى عون العبد ما دام العبد فى عون أخيه )

هى دى النقطة اللى مزعلة الناس منك و بس.. لكن اوعى تفتكر ان فى حد زعلان علشان انت عربيتك كويسة ولا مش كويسة.. الحاجات دى أرزاق من عند ربنا.....

و بعدين انت كاتب فى ردك ان ربنا كرمك علشان بتحاول تتقى ربنا... يا سيدى ربنا يزيدك..
بس أحب أقولك انى أنا كمان ولله الحمد بأتقى ربنا.. بس عربيتى فيها مشاكل.. و الحمد لله المؤمن دايما مصاب..

أنا لما اتصلت بيك يوم مقابلة حديقة الأزهر و قلت ان عندك ظروف .. قلت ربنا يعينك..
لأن كل واحد فعلا ممكن تحصل عنده ظروف تمنعه من الخروج,, لكن ماتمنعوش انه يرد على الناس فى التليفون أو على الأقل يكلمهم لما وقته يسمح...!!!!!!!!

يا باشا انا اسلوبي عادي ومفيش حدة ولا حاجة خالص بس انا شايف هجوم عالعربية بطريقة غريبة انا ولا من التوكيل ولا عندي مصلحة من حاجة انا شاب عادي عندي 22 سنة ..لكن انا بقول اللي انا شايفه ممكن حضرتك تفهمني ازاي هو نفس موتور 516 وفي عيب السكة ده الكلام يتعقل برده..ممكن يكون في عيب تاني هو اللي عامل كدة في العربية زي الكهربة او طقم الدبرياج لكن ازاي الموتور...وانا مش بقولك ان التسقيف مش بيحصل معايا ..بيحصل فعلا بس كل فين وفين وبرده انا بحسها بسبب رجلي والله وانا بتكلم بصراحة معاك عشان انا دافع فلوس في العربية زيك بالظبط ولو ليما حق لازم ناخده بس من غير خناق مع بعضنا وتريقة علي بعض...وربنا يوفق كل واحد بيدور علي حقه ويوصله ان شاء الله

المشاركة الأصلية كتبت بواسطة samehsalem

يا باشا انا اسلوبي عادي ومفيش حدة ولا حاجة خالص بس انا شايف هجوم عالعربية بطريقة غريبة انا ولا من التوكيل ولا عندي مصلحة من حاجة انا شاب عادي عندي 22 سنة ..لكن انا بقول اللي انا شايفه ممكن حضرتك تفهمني ازاي هو نفس موتور 516 وفي عيب السكة ده الكلام يتعقل برده..ممكن يكون في عيب تاني هو اللي عامل كدة في العربية زي الكهربة او طقم الدبرياج لكن ازاي الموتور...وانا مش بقولك ان التسقيف مش بيحصل معايا ..بيحصل فعلا بس كل فين وفين وبرده انا بحسها بسبب رجلي والله وانا بتكلم بصراحة معاك عشان انا دافع فلوس في العربية زيك بالظبط ولو ليما حق لازم ناخده بس من غير خناق مع بعضنا وتريقة علي بعض...وربنا يوفق كل واحد بيدور علي حقه ويوصله ان شاء الله

سيادتك لو بصيت على كل مشاركاتنا مش هتلاقى فيها خناق ولا حاجة.... و بجد طالما عربيتك الحمد لله كويسة.. خلاص شيل الموضوع من دماغك خالص .. ما حدش فينا عاوز يقفلك من العربية زى ما انت بتقول.. ببساطة لأن مافيش حد هيستفيد من كده.. احنا ملاك نفس العربية زيك بالظبط و المناقشة دى للناس اللى عندها مشاكل و بتدور على طريقة للحل أو علشان تاخد حقها.. يعنى المفروض اللى عربيته كويسة يدعى لنا بالتوفيق....

ثانيا: أنا بجد مش هأقدر أفهمك ازاى الموتور فيه سكة و هو نفس موتور ال 516 لأنى دكتور مش مهندس ميكانيكا... حضرتك ممكن تروح للمهندس أحمد (رئيس مهندسى الأستقبال) فى أبورواش و تناقشه فى الحكاية دى ..لأنه قالنا بنفسه ان العيب ده موجود و مالوش حل...
و أعتقد ان كلامنا كله معقول جدا.. مافيهوش أى تأليف أو افتراء....

و لو سمحتم يا جماعة احنا عملنا الموضوع ده للتواصل والأفادة.. و احنا مش مطالبين اننا نحلف لكل واحد على المصحف علشان يصدقنا....
ياريت اللى مش واثق فى كلامنا يشيل الموضوع خالص من دماغة أو يشرفنا فى أى مقابلة تانى علشان تبقى كل حاجة قدام عنيه....!!!!!!!!!

المشاركة الأصلية كتبت بواسطة ahmeddarhos

ياريت اللى مش واثق فى كلامنا يشيل الموضوع خالص من دماغة أو يشرفنا فى أى مقابلة تانى علشان تبقى كل حاجة قدام عنيه....!!!!!!!!!

أشفقت عليك يا دكتور احمد والله من كتر الكلام عمتا احنا وضحنا كل حاجة
أخر الكلام :-
مفيش عربية مظبوطة و تطلع السكة و مفيش حاجة اسمها غلطة من رجلي
الي يقول كدة يبقي ميعرفشي ياعني اية سكة متور فميفتيش كتير عمال علي الفاضي

يا ريت يا جماعة نبطل النقاش دة ونركز في الي حنعملة الي عاوز يشارك يشارك والي مش عاوز يا ريت ميشاركشي في الموضوع دة

عشان نستريح شوية من الفتاوي الفظيعة من اصحاب الخبرات الي فاهمين اكتر من مهندسين التوكيل

يا باشا انا مش بنفتي وياريت الاسلوب يبقي احسن من كدة انا بتكلم عادي باسلوب كويس ومش بفتي وبقول اللي عندي في العربية ...وعموما ربنا يوفق ويهدي الجميع للخير

انت كدة اكيد عايش في مصر

المشاركة الأصلية كتبت بواسطة samehsalem

يا باشا انا مش بنفتي وياريت الاسلوب يبقي احسن من كدة انا بتكلم عادي باسلوب كويس ومش بفتي وبقول اللي عندي في العربية ...وعموما ربنا يوفق ويهدي الجميع للخير

يا استاذي الفاضل انا موجهتش لك الكلام تحديدا انا بكلم بإسلوب عام عشان الناس الي مش عاجبها كلام مهندس الصيانة وبتعدل علي كلامة
ياعني كبير مهندسي الاستقبال لما يعترف بوجود عيب في كل العربيات و تطلع ناس تقول لا بالله عليك دي مش افتي
طيب تسميها اية خبرة زايدة او تسميها اية ؟؟؟
لما يكون رئيس الاستقبال في كل من تكنو سيرفس الاسكندرية و عيسي طنطا و ابوراش القاهرة يقولو نفس الكلا يبقي اية بس اةةةةةة
المهندسين الي في التوكيل يروحو و الناس دي تيجي مكانها و يحلولنا المشكلة

اةةةةة يا بلد


احنا كدة بقي اكيد في مصر

ياريت يامحمود انتا والدكتور احمد تريحو نفسكم شويه اللى عايز يصدق يصدق واللى مش عايز هوه حر فى دماغه

وزى مانا قلت انا مش هضبط رجليه لانى مش بطلع على الغيار التالت


فااللى عايز يشارك معنا اهلا بيه واللى مش عايز برده اهلا بيه بس ياريت يسبونا فى حلنا وميلعبوش فى دماغ الناس اللى نويه تشترى

العربيه ويقولو انها مفهاش عيوب لان العربيه فيها عيوب تصتيع وده اعتراف من مدير صيانه مركز ابو رواش

وهو المهندس احمد وده كان امام الشرطه والناس الموجوده


وحسبنا لله ونعم الوكيل فى اى حد يوقل غير الحق