الموضوع: ارخص اكصدام اصلى فى مصر (لانسر بومه)

السلام عليكم ورحمة الله وبركاته

بعد معاناه من تغيير وتصليح الاكصدامات اخيرا لقيت انسب واوفر حل
طبعا اغلب الناس بتعانى من كسر ومن تجريح الاكصدامات ياعنى تلاقى عربيه موديل السنه والاكصدامات توحى ان العربيه موديل قديم وده بسبب ظروف بلدنا والركنات ومبداء الزق الاكصدام فى الاكصدام علشان محدش يدخل ادامك
وانا بسبب ظروف مكان شغلى العربيه بركنها صف تانى وطبعا بتكون على المور وكل شويه تتزق والاكصدام يتجرح
جربت الاستيراد وجربت التايوانى بس التكلفه كانت بتكون عاليه

نيجى نحسبها للاكصدام الخلفى
الاصلى سعره تقريبا 1400ج + رش + تركيب = 1650ج تقريبا
التايوانى او الصينى 250ج + رش + تركيب = 500 ج تقريبا

الاصلى طبعا افضل شىء برغم انه غالى بس زى ما بتاع العربيه بيتكسر باردو اللى هايركب هايتكسر
التايوانى او الصينى اولا شكله مابيكونش مظبوط ثانيا اى تريحه عليه بيطق ويتشرخ وحرام فيه التصليح

لقيت حل حلو وجامد جدا ورخيص جدا

اكصدام اصلى سعره 200ج + التركيب = 250 ج واصلى

ازاى ؟

خلع تأمين

ياعنى ايه خلع تأمين ؟

اصحاب مراكز الخدمه اللى بيشتغلوا تبع التأمين لو شاف اكصدام فيه شرخ او خرابيش او كسر فى ودن الاكصدام يخلعه ويجيب واحد جديد طبعا على حساب الشركه وكمان علشان يعمل شغل

المهم فى محلات فى الحرفيين متخصصه فى بيع قطع الغيار الخلع التامين كلها اصليه وعيوبها لا تذكر
انا شوفت حاجات اتوهمت
اكصدام امامى 300ج
خلفى 200ج
فانوس امامى 250ج
خلفى 200ج
شنطه كامله 800ج
والمفاجاءه بقا >>>>>>>>>>>>>> تكلمه اكصدام اصلى سعرهم 400ج امامى وخلفى

انا اشتريت اكصدام خلفى نفس اللون فاريكه اصلى بـ 200ج وركبته بـ 50ج
ومش محتاج رش ولا اى حاجه
والصوره تتكلم

..

..

..

..

فى الحرفيين امام بلوك 9 كل المحلات اللى هناك دى بتبيع الكلام ده كله وعلشان تعرفهم هتلاقى عند كل محل هرم اكصدامات فوق بعضه
اغلبها لانسر