مقارنة بين كيا ريو ونيو اكسنت 2006

**Karim_Monir** · 24-04-2007 04:08 PM

مقارنة بسيطة بين(ريو-نيو اكسنت)+رأيي لمشكلة وكيل كيا

دي مقارنة بين بين كيا ريو ونيو اكسنت موديل 2006 كنت عملتها بتاريخ
20/09/2006

واضفت اضافات بسيطة حسب تطور الموقف

الاتنين نفس المواصفات(نفس الشاسية ونفس الموتور وكتير من القطع الفنية حتي انا علبة الباور ستيرنج عندي عليها علامة هيونداي(مع العلم ان النيو اكسنت نزل فيها نوع جديد من الباور ستيرنج كهرباء مش زيت وده لسه ما ظهرتش مزاياة وعيوبة في مصر ومكانة حسب ما قاللي صديقي المهندس بصيانة غبور تحت علبة الدركسيون ) وده اسمه EPS
بس هيونداي اشترت كيا عشان كيا متفوقة في التكنلوجيا وليها سوق كبير في امريكا الشمالية واوروبا وبيعاها افض من هيونداي بكتير هناك
لو من ناحية السعر النيو اكسنت تكسب عشان 1600 ب 80 الف
ريو 1400 ب78 الف
موتور النيو اكسنت CVVT 1600
موتور ال ريو 1400 16 صباب 2 كامة
والريو ال 1600 ب 82 الف CVVT
في بعض الاعضاء هنا بتشتكي من خشونة عفشة النيو اكسنت
وده انا مالقيتوش خالص في ريو
الشكل الجمالي لريو(من وجهة نظري افضل من نيو اكسنت) بحس انها متميزة ومتفردة مش تقليد لحاجة تانية ودي وجهات نظر
وانا اعتقد انك مش محتاج ال 1600 لانك شوفت موتور ال 1400 عليها ما شاء الله عامل ايه(جايب بيه 180 ومعداش 5000 RPM) وكفاية استهلاك بنزين خاصة انه متوقع ان ال 92 اوكتين يبقي ب 175 قرش
الثبات في الريو كان هو سبب فتح الموضوع هنا ومش محتاج تعليق مني تاني بس في ناس بتقول الثبات مش سرعة وفي ناس بتقول الثبات سرعة
عامة في الملفات وعلي السرعات العربية ثابتة جدا معايا ومحستش باي عوامان فيها
شنطة واسعة وصالون معقول وتابلوة انيق جدا وكل حاجة في متناول ايدك جوة الصالون الصالون اوسع حاجة بسيطة من نيو اكسنت مع انهم نفس الشاسية بس اختلاف التصمي
استهلاك البنزين بعمل 275 في الصفيحة والمشي بسرعات ما تقلش عن 120 وفيها كمان داخل البلد
وفي الطوالي علس سرعة 100 وصلت مرة 330 في الصفيحة بالتكييف علي سرعة 1 وكنت لوحدي في السيارة
في النهاية هافكرك بالوكيل لانه الحصان الربح في الموضوع
كان ليا معاه تجربه في صيانة ال 5000 وممكن ترجعلها في الصفحات السابقة وباختصار هو اكتر من ممتاز ومش هاتأثر معاه حتة القضية المرفوعة وقرار منع الاستيراد لانه لسه داخلة عندة شحنة جديدة من العربيات(في شهر سبتمبر) وبيبع وبيطلعلة افراجات جمركية باسم المشتري مش باسمه وكدة يعدي من حتة القضية (يعني كله كلام جرايد وفرقعة في الهواء لصالح وليد توفيق عشان خاطر الحملة الاعلانية اللي نازل بيها لحساب المدينة الصينية اللي بعملها وطبعا لازم يجاملة عشان دي ملالالالاييين)
وللعلم خالد اباظة اللي كان بيهاجم وليد توفيق عشان خاطر عليه مديونيات بالملالالاين لاخبار اليوم هو اللي كتب خبر الحكم بتاع نصير عشان وليد توفيق دفع جزء من الديون ووقع عقد حملة جديدة للمدينة الصينية بالملالايين في اخبار السيارات
وموديلات 2007 داخلة في شهر مايو-وانا طالب وش اكصدام بفوانيس شبورة وهاتجيلي في 10 ايام فقط
يعين لو مش عارف يبيع فعلا هايعرف يدخل قطع غيار
اكيد مش منطق
انا ماشي بالعربية لحد دلوقتي 26000 كيلو وما شاء الله زي الفل وراضي عنها تماما
يعني كله مصالح واحنا الضحايا ولازم نركز في اللي بيحصل عشان ما يتلعبش بينا
وانا بعت ميل لخالد اباظة قلتلة عيب اللي انت بتعملة ده انت راجل محترم وليك مصداقية بس طبعا ما ردش
المهم محمد نصير يستحوذ علي ثقة شركة كيا كوريا تماما
بالنسبة لغبور وكيل هيونداي انا جربتة في عربيتين
اكسيل وفيرنا 1600 كوري
من اسوا التوكيلات اللي ممكن تتعامل معاه خاصة لما مشاكل العربية بدات تظهر حتي وهيا في الضمان(تخيل الفيرنا مكانش فيها فلتر تككيف لحد ما خرجت من الضمان)
ومشاكل تانية كتير وتاخيرات وعدم ظبط السيارة والناس اللي معاه هيونداي برضة تفيد في كدة
بس حتي زميلنا هاني بايو اشتكي منهم كتير قوي
الله الموفق
كريم منير

24-04-2007 06:20 PM

تسلم ايدك يا كيا ريم قصدي يا كريم بس بالله عليك يا اخي وحياة كنزي عندك بطل جري بسرعة

**fahd_628** · 05-05-2007 11:21 PM

شكرا يا باشا على المقارنة الجميلة دية

**sokasoon** · 11-05-2007 03:58 AM

بس دلوقت النيو اكسنت ال1600 سى سى ب78990 ومانيوال

وانا عن نفسى افضل الكيا عن النيو اكسنت

**Karim_Monir** · 12-05-2007 02:04 AM

هيا فعلا افضل بكتير من النيو اكسنت
بدليل انها وصلت ال 1400 80,500
والنيو اكسنت ال 1600 في معارض بتبيعها ب 78 الف فوري
يبقي فعلا الاقبال علي الكيا رغم عدم توفرها بسهولة

**wafer** · 07-07-2007 08:47 PM

من فضلك اخ كريم انا عرفت ان كان معاك ريو الجديدة 2006
و انا عايز اجيب واحدة و عملت موضوع عشان استفسر عنها
ياريت انا محتاج اسءلك عن حاجا ممكن تكلمني على
mohamed_salah23@hotmail.com
mohamed_Salah_23@yahoo.com

**Ahmed Anwer** · 28-02-2008 02:09 PM

و أنا بقلب في النت ،،

لقيت المقارنة دي

http://www.caranddriver.com/reviews/...omparison_test

و زي مانتوا شايفين مختارين ،، الريو قبل الإكسنت و قبل حتي الياريس

Seventh Place: 2006 Suzuki Reno

Sixth Place: 2007 Dodge Caliber SE

Fifth Place: 2006 Hyundai Accent GLS

Fourth Place: 2007 Toyota Yaris S

Third Place: 2006 Kia Rio5 SX

Second Place: 2007 Nissan Versa 1.8SL

First Place: 2007 Honda Fit Sport

و رغم إنهم ذاكرين إن الأكسنت و الريو نفس الباور ترين و الشاسية ،،

لكن فضلوا الريو

A Kia beats a Toyota? What's next, Dick Cheney mistakes a lawyer for a quail?

The Rio and the Accent share the same drivetrain and platform, and thus should have felt like the Doublemint twins. They did not. Although they have identical wheelbases, the Kia's body is 10.4 inches shorter, it benefits from tiny suspension tweaks, and it rides on Hankooks instead of Kumhos. Every tester felt the difference. The Rio tracked better than the Accent, offered better on-center feel, was slightly less sensitive to crosswinds, and its struts and springs mustered a modicum of discipline in the snaky byways above U.S. Grant's cottage — all without compromising ride.

At the test track, we proved we weren't hallucinating: The Kia's skidpad grip surpassed the Hyundai's, and the Rio5 zipped through the lane change 1.3 mph faster. What's more, the Kia's braking distances were the shortest in this comparo.

We even preferred the upstart's styling, and its cockpit benefits from subtle dabs of more youthful textures and shades. Small differences, to be sure, but in this class you grab sportiness wherever it's offered.

مية مية يا باشمهندس كريم ،، مقارنتك زي مقارنة CAR&DRIVE

**Karim_Monir** · 28-02-2008 04:06 PM

الله يكرمك يا ابو حميد على ذوقك
ايه الاحراج ده هذا من فضل ربي
الريو انا شوفت معاه احلى ايام وعمرها مكسفتني في شد او غرز وكنت باخد بيها غرز موووت قطم على طريق مصر الاسماعيلية مع الكبار تريلات وسوبر جيت
وطريق مصر اسماعيلة مليان شبابا صغير بعربيات جامدة سواء من جامعة مصر الدولية او معهد العاشر او اكادمية الشروق
والعربية كان لونها احمر وشكلها مستفز لاي حد والاقي ناس بتسخن تشد معايا وبرضه ماكسفتنيش
ربنا يبارك لصاحبها فيها
المقارنة دي عندي في فايل PDF رائعه فعلا
وجايبين كل حاجة بالتفصيل
شكرا ليك مرة تانية وفكرتني بايام جميلة