أخيرا النت رجعت تاني بعد سقوط النت في مصر كلها..تصورا مصر كلها مكانش فيها نت
الحمد لله على السلامة
عرض للطباعة
أخيرا النت رجعت تاني بعد سقوط النت في مصر كلها..تصورا مصر كلها مكانش فيها نت
الحمد لله على السلامة
طيب ده من ايه أصلا؟ أول مرة تحصل :confused:
صح النت كانت واقعة في مصر كلها
مصر الجديدة - مدينة نصر -المعادي - وسط البلد -المهندسين - الجيزة
دي المناطق اللي وصلي منها الخبر ان النت وقعة فيها
وفي مناطق تانية لسه النت مارجعتش عندهم كاملة
انا شغال بالعافية في مدينة نصر ولسه بطيئة
فعلاً فالمعادي كانت واقعة خالص، هنا في مدينة نصر بطيئة جداً جداً
طيب حد يلحقنا بأنبوبة اكسجين من بتوع هنيدي :)
وهل نربط ما بين القاعدة وقطع النت عن مصر :D:D (حتة أمريكانى)
بجد ايه بقا اللى حصل ؟؟؟؟ :o
الصبح النت كان شللللللللل :(
مدينة نصر لسه بيطئة جدا
و لسه بطيئة فى المقطم، الداونلود سرعته 605 Bit بعد ما كان 28 KB
يا شباب ، الإنترنت مقطوعة عن جمهورية مصر العربية بالكامل بسبب خلل اصاب كابل الفبير اوبتك البحرى بين الإسكندرية وباليرمو وهو الكابل الرئيسى الذى يربط مصر بالعالم كله الكترونيا،
حاليا النت فى مصر شغالة على بعض وسائل الإتصال الإحتياطية لكنها لا تفى طبعا بالباندويدث المطلوب لتغشيل احتياجات مصر بالكامل وهذا سبب الخنقة
الأهم من ذلك ان الإمارات الأنترنت فيها واقعة تماما لنفس السبب وحتى الآن مافيش اى اخبار انها رجعت للعمل، ويقال ان وقوع الإنترنت فى الإمارات سبب تراجع ملحوظ للبورصة هناك
وده رابط لخبر سقوط الإنترنت فى الإمارات بسبب كابل مصر البحرى
http://arabic.cnn.com/2008/scitech/1...net/index.html
كالعادة سبقتني يا خالد
فعلا خط الربط بالالياف البصرية اللي بينا وبين ايطاليا وقع النهاردة
وطبعا كان النت طول النهار بطيء زفت
بس يمكن عشان السرعة اصلا عالية عندنا في الشغل ماحستش بفرق قوي بس الى حد كبير كان بطئ
في البيت بقى لعنة ولسه ماتعدلش
بس في طريقة تخليكم تتصفحوا الموقع هنا بسهولة لحد مالنت ترجع التاني
بس بعد ما ترجع رجعوا الطريقة تاني
باختصار قوي نفتح من فوق :
وصلات سريعة
تحرير الخيارات
خيارات عرض المواضيع
عناصر المشاركات المرئية :
هانلاقي تحتها 3 خيارات متعلم عليهم نشيل العلامات دول الخيارات دي هيا :
عرض التواقيع
عرض صور الأعضاء
عرض الصور (متضمناً الصور المرفقة والصور في رموز الصور)
ده هيشيل عرض الصور والتواقيع مؤقتا ويسرع التصفح كتير لانه هايبقى كلام بس
اي خدمة
كريم منير
فعلا الاخبار دى صح
و المشكلة هتفضل حوالى اسبوعين
بس الناس كلها دلوئتى خارجين عن طريق مسارت بديلة من خلال الهند و ايطاليا
بس السرعة مش كاملة
يعنى مثلا عندنا فى تى اية داتا بعد ما كانت الناس كلها خارجين بى حوالى 20 جيجا
كلة اتجمع فى حوالى 5 جيجا و هتتوزع على باقى الشاريكات منهم
فا استحملو البطئ دا بالكتير إن شاء الله اسبوعين
السرعة عندي دلوقتي معقولة نسبيا.. بس الموضوع عايز شوية صبر :rolleyes:
اتصلت با شركة تى دتا قالو انا الخدمة واقعة فى مصر كلها والشرق الاوسط ولحد دلوقتى بطى جدا
ألسرعة زىىىىىىىىىىىى الزفت عندىىىىىىىىى .... مافيش غير ياهو بس هو الى بيحمل .. ودخلت هنا بأعجوبة بعد حوالى 4 دقائق تحميل .. بس فعلا فكرة كريم منير كويسة ... انا جربتها ونوعا ما الصفحة بتحمل اسرع من الاول .................
يااارب يعنى حتى المتنفس الوحيد لينا دلوقتى ... باظ بجد الحياة من غير نت زى الحياة فى الصحرا.......ربنا يسهل واسرعة النت ترجع بكامل طاقتها فى اسرع وقت
هما شكلهم جايبيين كابل نت صيني علشان كده اتقطع
هو احنا وامارات معتمديين على الكابل ده ؟؟؟
احنا هنعقد في المشكلة دي اسبوعين دول كتيير أوي ؟
ده النت بقى زي الهوا ومياه والاكل محدش يقدر يستغنى عنه
القطع على بعد 13,300 كم من الاسكندرية
من الواضح بسبب احد السفن المنتظرة فتح بوغاز الاسكندرية
اسبوعين دا تقدير مبدئى من شكر Flag المالكة للكبل دة بس ممكن جدا يتصلح فى وقت اقل
للعايز يعرف معلومات اكثر عن الكبل ممكن يشوف اللنك دى
http://www.seamewe4.com/inpages/cable_system.asp
نتمنى التصليح فى وقت أقل
لا حول ولا قوة الا بالله
انا من بعد العصر حتى الان بعمل ابلود لـ30 ميجا حرااااااام العطلة دي.
وحسبي الله ونعم الوكيل:(
أكيد دي حملة امريكية يهودية اسرائلية علي العرب و المسلمين .
Xd
Lol
يا جماعة دا مش إحنا بس دا كمان السعودية و الإمارات و البحرين و قطر
انا فى السودان والنت بطيئه جدااااااااااااااااااااااا ااااا من امبارح ... ياترى ده برضه ليه علاقه بكابل مصر؟؟
الله هى الدول العربيه كلها متوصله على كابل مصر وللا ايه؟
يعنى النت غالى و مقطوع كمان ,كفاية حرام , طيب مين حيعوضنا عن العطلة اللى حصلت دى و الخساير اللى حصلت بسبب الموضوع دة , دى سنة ببلاش مش حتكفى تعويض عن البهدلة دى , ازى مافيش كبل احتياطى لكبل مهم زى كدة , معقول النت تقطع فى معظم الدول العربية بسبب كبل .
طيب يا جماعة هي الارقام القديمة 09 مش 07 لسة شغالة؟
انا جربت رقم طلع خارج الخدمة لو لسة شغالة وحد يعرف ارقام انترنت تبدأ بـ09 يقولي لو سمحتم.
جميع الآرقام و جميع وسائل الاتصال شغالة من نفس الكابل يا استاذ نادر مش فارقة DSL او Dialup
الا اذا كان عندك Satelite
http://www.menasat.net/
حتى الهند كمان، انا النت عندى انهارده فى المقطم معقوله، امبارح كانت ضايعه خالص.
" الإصلاح مش قبل إسبوع بس حيبقى في تحسن تدريجي كل يوم لحد ما يتم إصلاح الكابل. يعني النهاردة مفروض يحصل تحسن بنسبة ٤٠ ٪ و بكرة ٨٠ ٪ لحد مايحصل الإصلاح الكامل " ... الكلام دة على لسان طارق كامل وزير الإتصالات من جريدة 24 ساعة
أنا عندي في الشركة محستش بالموضوع دة خالص
في حد قالي في الشركة إن وزارة الاتصالات وزعت الجزء الاكبر من bandwidthالحالي للشركات طبعا عشان ال-business في مصر ميقعش
والله أعلم :confused::confused::confused:
يعني كدة كملت:(اقتباس:
جميع الآرقام و جميع وسائل الاتصال شغالة من نفس الكابل يا استاذ نادر مش فارقة DSL او Dialup
الا اذا كان عندك Satelite
http://www.menasat.net/
لله الامر من قبل ومن بعد -_-
Menasat is closed since 2003 , i was working there !
CryptonX , i am very impressed with your knowledge of existence of such a company or services because it is not popular in Egypt. anyway , i am still in the same field but all business is outside Egypt.
انا جربت نمر كتير من 07 ومنهم نمرة سبعاوي نت دي، بس الظاهر مفيش فايدة:(
عندي في الشغل النهادرة من 8:30 لحد 9:30 قبل مانزل كان زي الفل ولا كان النت مقطوعة ولا في مشاكل
هنا في البيت بطيء فعلا بس ارحم من امبارح
شكلى هاطلع على المكتب جمعة وسبت اقضيها في الشغل بقى خاصة المبنى هايبقي فاضي والسرعة هاتكون ليا لوحدى
لول
رينا يعين يا جماعه...
ده النت مشلول شله ما بعدهاش خالص..
الواحد عشان يفتح موقع لازم يقعد مش اقل من 5 ل 10 دقايق حتى يادوب صفحه النت تظهر كامله..
يعني كنت النهارده بشوف لاخويا نتائجه في موقع الجامعه ما اقدرتش ادخل موقع الجامعه خالص و قادر افتح صحفه الدرجات ..الحاله صعبه جدا جدا..
دلوقتي النت بئااا سريع وحلو
اخيرا التصفح دلوقتي شغال كويس :rolleyes: