ان شاء الله 307 من نصييبى

**amr mokhtar** · 03-02-2008 12:35 AM

بلاش تقلق من موضوع 308 ده .. البيجو موديلاته مش بتقدم يعنى لو انت راكب 307 و لاقيت واحد معاه 308 مش هتضايق .. انا معايا 206 و لما بشوف 207 مش بحس ان عربيتى قديمة خالص.. و إن شاء الله إختيار محترم فعلآ و ربنا يباركلك فيها

بالنسبة للون هتلاقى عليها لون أحمر غامق شوية بصراحة تحفة عليها خصوصآ مع النواكل و الدواخل البيج بتاعتها هتبقى تحفة

الفضى عن تجربة لون بيتحمل و مش بيبان فيه البهدلة بس هو لون قديم شوية يعنى الأحمر أحلى منه
و الف مبروك مقدمآ

**mohamed ibiza** · 03-02-2008 07:33 PM

307 Is A Wonderfull Car I Love It Too Much But If I Were Knt Hzwd Al Mbl3' Shwya W Ageb Sea Leon Al T7fa Aw Impareza

Ibiiiiiiiiiiiiiiiiiiiiiiiiiiiiiiiiiiiiiiiiiiiiiiii iiiiiiiizzzzzzzzzzzzzzzzzzzzzzzzzzzzzzzzzzzaaaaaaa aaaaaaaaa For Ever

**محمد ابراهيم 1** · 03-02-2008 08:25 PM

بيجو 307 هات الفضى لون جميل وميختلفش عليه اتنين

**sa3dawy** · 08-02-2008 09:09 AM

انا قريت مضوع اسمة (تجربة بيجو 307 2006 خليجى)
الصراحة قفلنى منها انتو اية رايكووو

**شاهين - بنز** · 08-02-2008 03:56 PM

مانصحكش ال 308 الشكل الجديد نازلة في 2009
وبالنسبة للعربية أنا ركبتها مع قريبي وكانت تحفة وواسعة من ورا

**auto-masters** · 08-02-2008 10:51 PM

يا أ/سعداوي ماكينة ال307 اسمها الكودي(tu5jp4)وهي 16 صباب وحلوة وكل حاجة بس قديمة شوية وهتنزل كمان في البيجو البارس الي هتجمع في مصر.
أما ال308 الجديدة ال1600 هتنزل فيها ماكينة(ep6dt)أو اسمها العامي(prince)ودي نتاج تعاون مشترك بين psa وbmw فال308 وبتنزل في الميني كوبر هتكون أجمد بمراحل.
أنا لو منك هشتري 207gti دي 1600سي سي تربو بنفس ماكينة الميني كوبر اس بس مش عارف الوكيل بينزلها ولا لأ,سيارة من الاخرررررررررررررر

**mhm** · 12-02-2008 07:39 PM

اولا الف مبروك و ربنا يكفيك شرها و يعطيك خيرها ثانيا الوانها تحفه النبيتى جميل و فى لون تانى الزهرى ده الون التفرد فى البيجو بموديلتها _ التوكيل محترم تاخدها من غبر قلق لانها بمواصفات مصرى = الشارع المصرى اما الخليجى غير مناسبة للشارع المصرى و الله اعلم

**CryptonX** · 12-02-2008 08:52 PM

نصيحة اخوية
امن عليها يا اما شيل تمنها في البنك بعد متشتريها
علشان قطع غيارها غــــــــــــــــــــــــ ـــــــــــــــالــــــــ ـــــــــــــــــــــــية جدا !

كريم زميلي معاه 307 بس ال Cc - كوبيه كابروليه

المساعدين الاماميين بحوالي 3000 جنيه
و الجنط الواحد الاسبور ( 16" ) ب 2600 جنيه مصري !

بالنسبة للسيارة
- الشكل طبعا جميل جدا
- اداء موتور غير عادي . .رياضي جدا و عمرك ماحتسمع صوته ! ابد !
- خامات التابلوه فوق الممتازة بجد شيك شيك شيك
- الكماليات عالية جدا
- ثبات لحد 220 و عن تجربة :) ( فيها نظام Eps )
- واسعة و مريحة جدا جدا جدا

العيوب :

- واطية سنة فخلي بالك من المطبات
- التسارع لحد ال 100 اقل من مثيلاتها بس فوق ال100 خيالية !
- غلاء مبالغ فيه في قطع الغيار
- سعر اعادة بيع ضعيف
- البيجو 308 نازلة قريب .
- حتتحسد للصبح :d