المشاركة الأصلية كتبت بواسطة otefa
بص ياباشا .........واحد صاحبي لسه جايب الأيدج عربية ظريفة بس هاقولك ملاحظاتي المبدأية عليها
-poor materials for interrior بلاستيك معناه بعد فترة صغيرة جدا ومع شمس الخليج الحلوة الدنيا هاتبقي تكتكة(تك تك تك) انا عارف انك عملت تيست درايف بس جربت تمشي بيها فوق مدقات خفيفة حاجة زي الكات اي هاتسمع شوية اصوات كأن العربية قديمة ومفككة.
-الجير(الفتيس) مش مظبوط تحس انه بيدور علي النقلة الصح لو بطأت شوية ودوست بنزين تاني هاتحس بيها قوي.
-ميزتها تحس بخصوصية زي العربيات الاسبور (الزجاج الجانبي مساحته صغيرة)
-الكراسي الخلفية مريحة بالنسبة لانها عربية متعددة الاستخدام.
الباثفيندر مركبتش الجديد بس القديم سمعته تحفة وخصوصا ابتداء من 2003.
الباجيرو ناعمة ثبات مش قوي وشكلها مابيعجبنيش عاملة زي الكولت ونفخوها ورفعوها.
اليوكن عربية رهيبة جدا واعتمادية بس بلاعة بنزين كان معايا الباب الواحد 5.7 ليتر قعدت معايا 3 سنين ثبات وعزم احسن بكتير من الجراند شيروكي 8 سلندر 5.3ليتر
عيب الامريكي فتيسه مابيستحملش العزم الجامد بتاع المواتير الكبيرة و نقطة ضعف في العربيات الامريكي .....مواتير معاك لفوق ال300000 علي ماتقول دي محتاجة حاجة وخصوصا الجيمسات
وفيه موقع حلو عن استطلاع راي الناس في الماركات المختلفة هاحطلك اللينك بتاعه