الموضوع: اخيرا.. الجنان قارب على الانتهاء.. بس لسه شويه.. مساعده بقا منكو

شكرا يا طنانى باشا.. معرفش كده الاسم صح ولا غلط
يعنى مفيش امل اركب 2000 سى سى ف الموديل ده.. امممممممم
اوك.. فى انتظار باقى المعلومات يا شباب

ماهو عشان كده انا نفسى فى 2000 سى سى مانيوال

لسه فى انتظار الاجابات عن باقى الاسئله..

المشاركة الأصلية كتبت بواسطة amraction

اولا.. السلام عليكم يا اوبلاويه..
ايه اخباركم واخبار اوبلاتكم

انا بقالى مده كبيره جدا بدور على عربيه مستعمل فى حدود 60 الف.. تكون مانيوال ومش اقل من 1600
وبعد بحث ما بين الهوندا سيفيك و الجولف 4 والباسات 99 و الاوبل 2000
ملقتش اى حاجه خالص تدخل دماغى.. لان تركيزى كان على الجولف..

المهم.. قررت الحمد لله من كام يوم انى اجيب اوبل فيكترا موديل 2000 احسن..
فعايز اعرف منكو شويه حاجات كده

اولا.. هو كل ال 2000 سى سى اوتوماتيك ؟؟.. طب لو فيه مانيوال.. استهلاك البنزين فيه اد ايه؟
ثانيا.. ايه انواع المواتير بتاعت ال 1600 وال 2000 سى سى المانيوال لو وجد؟.. سمعت ان فيه مكن ابيض ومكن اسود... ايه الفرق.. مين الاحسن..
وكل مكنه بتطلع هورس باور اد ايه

ثالثا.. ايه اكتر المشاكل اللى ممكن الاقيها فى الفيكترا المستعمل.. وازاى افاديها

رابعا.. شكرا مقدما ليكو.. ومعلش على ازعاجى الدائم ليكو ولاقسام تانيه فى نايل موتورز

خامسا.. ياريت تردو وبلاش تنفيض

فكترا بى 2.0 كلها اوتوماتيك لو لقيت مانيوال تبقى متسقطة
الموتور دة ايكوتك 2 كامة (الموتور الابيض) 16 صمام 136 حصان
الموتور دة بالفتيس الاوتو مفترى
استهلاك البنزين زيى زى ال 1.6 كامة واحد ( الموتور الاسود) جوة البلد اللتر بيعمل حوالى 10 لتر وممكن ازيد حسب سواقتك , الطرق السريعة طبعا اقل

من ناحية المشاكل فا اكبر مشاكلها انها مش بتاعة عك وفتى , تاخد عربية بيتى بنت ناس احسن لما تروح تشترى اى حاجة حتى لو كانت البيتى اغلى بس على المدى البعيد هتبقى ارخص , واهتم بالصيانة
هتسمع انها بتسخن والكلام دة ... سيبك حافظ على دورة التبريد ومش هتلاقى اى مشاكل , درجة حرارة التشغيل الطبيعية عالية اصلا 90 درجة وبالرغم من ان عربيات اوروبى كتير كد بس هى بتيجى فى الفكترا وتلزق !!

هتسمع مشاكل كهربا ولمبات بتتحرق لوحدها .. هات لمبات اصلى وسيبك من الفتر بردة , الكلام دة على اللمبات الصينى والمصرى

هتسمع التكييف وما ادراك من التكييف , بأمانة لو نضيف ومش ملعوب فية وفية شغل عك ممتااز
صيانتة مكلفة ومتاخدش عربية تكييفها مش شغال حتى لو قالك دى عايزة فريون بس بردة لأ

متركزش اوى مع العداد والعربية ماشية اد اية والكلام دة , العربية دى معمرة جدا وحمالة اسية ومعظم العدادات دلوقتى مضروبة , كمان متخليش سعر العربية يبقى الانطباع الاول عنها
كل الحاجات دى حالو العربية هى الفيصل فيها يعنى ممكن عربية اغلى شوية دلوقتى بس بعد سنين هتلاقيها ارخص من عربية تانية سعرها اقل بس متهانة وسيبك من كلمة فابريكة والكلام دة لأنها كلمة مطاطاة شويتين تلاتة الحالة والكشف الفيصل

خلى بالك الفكترا من العربيات اللى صعب شوية انك تلاقى فيها حالة نضيفة بمعنى الكلمة

تشكر يا احمد باشا

طب سوالين تانيين بقا..وخليك معايا ف الخط
اولا.. ايه الفرق بين ال cd وال gls ال 1600 سى سى ؟؟
ثانيا.. الموتور الاسود ال 1600 ايه نظامه ف التسارع وكده.. كام هورس باور؟

ثالثا.. معروض عليا واحده موديل 2000 يفترض انها فبريكه بره وجوه ماعدا رفرف شمال ورا.. والراجل طالب فيها بعد الفصال وخلافه 60 الف...
هل ده سعر معقول.. بافتراض الحاله النضيفه؟؟

المشاركة الأصلية كتبت بواسطة tananybasha

بجد جبت من الأخر
الله ينور عليك يا عم احمد

ربنا يخليك
الصراحة العربية تعبت من الاشاعات

تكييف الفكترا تعباااان والطبيعى بتاعة بايظ
طب اية رأيك الفترة دى والنهاردة كمان بلاحظ عربيات كتير وانواع مختلفة وموديلات حديثة ومنها عربيات 2007 و بعدها كمان وفاتحين الزجاج ومفيش تكييف !!
طيب راح فين التكييف بتاع العربيات اللى مبتعطلش والتكييف بيفضل 20 سنة بفريون الفابريكة ... متعرفش!!

وحاجات تانية كتيييييير