من كام يوم كده عربية فيتارا مركبة ديفندرات و سايقها بهيمة ريحت على العربية جامد
بس الحمد لله سليمه الشنب اللى تحت الفانوس اليمين فى الداير اتطبق و الفانوس ستر ربنا القاعدة اتكسرت و بس على كده
يوم الجمعه نزلت اشترى فوانيس اشارة بدل الخربانة اللى عندى و جبتهم ب 70 جنيه و ركبتهم
بس كنت زعلان ان الفانوس الرجل اللى تحت مكسورة و بيرقص
مروح البيت و رحت قلت والله لأفكه
بيبة 8 و رحت مطلعه قلت بالمرة التانى عشان اضبطه زى اخوه
و طلعت فوق على السفرة و رحت فاكك كلبسات الأزاز الستة و شديت الأزاز لقيت العواكس زى الفل سيبتها فى حالها
و خدت الأزاز بقى قلت لمراتى ينضف ازاى ده قالتلى استنى و راحت ملية طبق مية و حطت كلور على اريال اتوماتيك على شوية جلانس و اديتنى فرشة بلاط ناعمه و قالتلى عيش انت عشان لو اتكسروا متعمليش مصيبة
و الله المية بقت سودا و هى مية سخنه من السخان
و اتكلت على الله بالفرشة الناعمة دى رجعتهم الماظ تانى
و ركبت الجوان مكانه و رحت مركب الكلبسات
و مسكت الرجل المكسورة و بمير و طفى سجاير و اديها و بعدين فى مادتين اسمهم ايبوكسى معجون و عملت عليهم اطار بقوا زى الفل و الحمد لله
و ركبت الفانويس و ووصلت الكابلات و الحمد لله
فرقت مليون فى المية و الصفار اللى فيها راح بنسبة كبيرة
بكره فى النهار هاصورهم و اصورهم تانى باليل و ارفع الصور
المفضلات