الموضوع: يوميات بهدله مع الأسترا

السلام على اجدع عصابة فى الدنيا
دى الحلقه الاولى من مسلسلى (انا و الدينامو)
للأجابات ارسل على ص.ب. اكتب فى اخر الصفحه و خلاص
انا قضيت يوم خميس فى بهدله جامده اوى
قبلها بيوم كان فى حاجه غريبه فى النور بتاع الكاسيت والطبلوه
لما العربيه تبقى دايره النور يضعف و لما تتبطل النور يزيد المهم نفضت وقولت انا مش فاضيلك
تانى يوم بقى
ابويا كلمنى بيقولى العربيه بتمشى زق تعالى من الشغل جرى شوف مالها
لما روحت لقيت العربيه بتدور بالعافيه و بعد كده على طول زق
المهم دارت و فجأه لقيت كل حاجه فى العربيه ضعيفه
البور تقريبا مش شغال التكييف ولا ليه ريحة اللازمه العربيه ضعيفه اوى مش قدره تمشى و وقفت من على المطلع بتاع الكبرى و كان يوم .......... فى عز الشمس لما اتسلقت
لقيت بعد كده نور البطاريه اللى فى الطبلوه شغاله
ايوه هو مافيش غير كده الدينمو مش بيشحن
بعد حوالى 3.5 او 4 ساعات و قوف فى الشمس و بهدله اخر حاجه
نجدنى صحبى بعربيته وزقينا العربيه لكهربائى بيقولوا كويس
.فكينا الدينامو و عرفنا ان اللى اللى بايظ هو كاتاوت الدينامو
فكيت الكتاوت و رحت لواحد اسأله لقيته بيقولى ريح نفسك مش هتلقيه
ولو لقيته هتلقيه فى حدود 500 جنيه اصلى
روح هات دينامو استيراد احسن وريح دماغك هتخدوه فى حدود 350 400 حسب حالته
سألت عند مستر اوبل فى طنطا قالى نفس الكلام
المهم روحت جبته استيراد صد رد من عند حسام اوبل فى طنطا ب 400
و تم التركيب و تمام التمام و كله بقى 10/10
بس السؤال بقى
هل السعر بتاع الدينامو ده تمام ؟
و هل ممكن مساعده من العصابه لو حد لقه الكتاوت ده بتاع الدينامو ممكن يسقالى على السعر
عشان انا عايزه لان حرام الدينامو بتاع العربيه يترمى بسبب حاجه هايفه
و الى اللقاء فى حلقه اخرى مع التكييف اللى خنقنى