بسم الله الرحمن الرحيم
انا فكرت كتير قبل ما اكتب الموضوع دا بصراحه , بس دايما الانسان محتاج نصايح الناس اللي اكبر منه وعندهم خبره في الحياه , ولان المنتدى دا بيت عيله كبير للكل حبيت ابدا اتكلم بعد صمت دام اكثر من سنتين منذ اشتراكي بالمنتدى حيث اكتفيت بالمشاهده فقط والبعد عن الفتي لاني مش بحب اقول نصيحه غير عن تجربه فقط فقط ....

معلش طولت عليكم ندخل في الموضوع انا اولا اخوكم كريم من طنطا ربنا هداني وقررت اني اخطب , رغم كميه الانتقادات اللي سمعتها والاحباط اللي السمه الغالبه على البشر بس قررت اني اخد القرار واخترت زميله في الكليه ولاكن مع الوقت كنت بفوق من كل صدمه وصدمه من مشاكل والدتها اللي كانت دايما بتطاردني من اول الارتباط بصراحه استحملت كتير اوي والله ربنا بس اللي يعلم , ربنا يسامحها مش حقدر اتكلم عنها لاني بعتبر دي نميمه بس انا بجد البنت متمسكه ومتعلقه بيا جدا جدا وانا كمان كنت كل ما والدتها تعمل حاجه كنت بتمسك بيها اكتر , والايام بتعدي وان شاء الله ناوي اخطب في الصيف قعبال الجميع والكل معزوم طبعا , بس انا مش عارف من كتر السكوت حاسس اني حنفجر محتاج اتكلم مع حد مقدرش اقول لاهلي حاجه علشان ميكروهاش ومن الاول والله ساكت ومستحمل انا عارف ان فيه ناس كتير حتقول ان للي بيتجوز بنت بيتجوز امها وانا مقدرش اتخلى عن البنت اللي اتحدت الدنيا علشان خاطري انا كدا صح ؟؟؟

ياريت المشوره والنصيحه من اخواتي اللي اكبر مني وشكرا