الموضوع: ترضى تتجوز انسانه بتحبها وحماتك طبعها وحش اوي ؟؟

المشاركة الأصلية كتبت بواسطة fouad ezz

بسم الله الرحمن الرحيم
أولا ... أشكرك ... لية؟ لإنك ريحتني من كتابة مشكلتي ... نعم كل ما عرضتة بالحرف هو ما مريت به على مدار 8 سنوات زواج الأن ... وقبل الزواج كانت كل المشاكل من تسلط وطول لسان وتجبر حماتي ,,, وقلت لنفسي بعد الزواج لن تملك شيئ في أن تضايقني ولكن لا وألف لا حدث العكس تماما ...
أخي الفاضل الرجل أو المرأة (في مجتمعنا المصري) لا يتزوجن فرد بفرد بل عائلة بعائلة .. ستضطر لتقديم تنازلات كتير فيما بعد عشان تحاول ترضي أهلك أو علي الأقل تجنب المشاكل ... وإنت من دلوقت مش عايز تحكيلهم عشان ما تعملش مشاكل

ثانيا ... نصيحتي لك ... إنفد بجلدك ... والله لو رجع بي الزمن 8 سنين لورا لكنت لغيت الجوازة دي نهائي ... مع العلم إن زوجتي جميلة + محترمة + مصلية + قارئة للقرأن + تحبنى جدا + وكل شيئ مثالي ... ومع ذلك عندنا مشكلة أو خصام بمعدل كل أسبوع أو إثنين ... بعد زياراتها لإمها ... التي مازلت تجاهر بقولتها المأثورة لى ... (أنا مش طايقاك ... لإنك أخذت روحي وبنتي الوحيدة مني)

أسف للتطويل ... ولك طبعا كامل الحرية فى إتخاذك القرار المناسب ....
وشكرا مرة أخرى لكنك قلبت علي المواجع:_alshmokh08[1]:

انا اسف اني قلبت على حضرتك المواجع بدون عمد او قصد مني بس والله انا حاسس بكل كلمه حضرتك بتقولها ربنا معاك ويعينك بس هو حضرتك ملقتش حل للمشكله دي خالص حتى بعد 8 سنين

المشاركة الأصلية كتبت بواسطة keemvip

هههه هو حضرتك متجوز ؟ يا فندم ربنا يكرمك ويطمن قلبك

للاسف لا

لكن انا بحكيلك من واقع التجربة العملية لشخص عزيز عليا جدا

اللى يبص من بعيد يقول مراته ديه بلسم و هو ظالمها تييجى تدخل فى مشكلة او تحتك معاهم فى مشكلة عن قريب تشوف الوجه الاخر للشخصية المتسلطة اللى ماكنتش كده قبل الجواز و سنة اولى جواز و متحلوش الا بعد ما جه اول طفل راحت قلبت على امها و بقىعايزة تفرض سيطرتها على حاجات تافهة جدا و تسمع مشاكلهم تلاقيها حاجات تافه و هايفة و متستهلش حتى تتناقش لكن بسبب التفاهه ديه بقوا دلوقتى واقفين على الطلقة التالتة
انت مبتتجوزش واحدة و حتهرب بيه

الجواز جواز عيله بعيله
اختار عيله متزنة نفسيا
الراجل فيها هو راجل البيت و الست هى ست البيت مش العكس
و قبل ما تسال عن اخلاق البنت اسال عن اخلاق عيلتها مع بعض و نوعية المشاكل بتاعتهم ايه


و الا حتلاقى نفسك نسخة مكررة من الحاج والدها البركة و شوية بشوية عشان المركب تمشى و ترحم نفس من النكد حتسمع الكلام و ترييح دماغك

زي ما الشباب أفادوك

حماتك هيا مراتك بعد عشرين سنة ،،،

حتي لو مراتك شخصيا بتنتقد حماتك

هتلاقيها بتكرر أفعالها

دي النصايح اللي قالوهالي أصحاب الخبرة قبل الزواج

و لا تنسي الاستخارة