بعد تشغيل التكييف متى الكمبروسر يفصل .......ولا هو مايفصلش
وهل بيفصل لما العربيه تكون مكيفه .....ولا مالهاش دخل
عرض للطباعة
بعد تشغيل التكييف متى الكمبروسر يفصل .......ولا هو مايفصلش
وهل بيفصل لما العربيه تكون مكيفه .....ولا مالهاش دخل
المفروض انه يفصل ذى تكييف البيت بس انا شخصيا عمره ما فصل معايا على اى درجه
و انا كمان عمرة ما فصل انا شوفت فى عربية صينى و هو بيفصل اشمعنى بقى:_Alshmokh08[1]::_Alshmokh08[1]:
مش بيفصل
و التعديل فى درجات الحرارة بيكون عن طريق ادخال كمية من الهواء الساخن من سربنتينة السخن عن طريق زرار التحكم فى الحرارة
فعلا مبيفصلش الا فى حالة واحدة انك تدوس بنزين على الاخر بسرعة ساعتها الكومبيوتر حيفهم انك عايز قدرة عالية دلوقتى حالا ( بتشد يعنى ) فيقوم فاصل الكومبريسور ( من غير ما المبة تطفى ) و يرجع يعشقه تانى لما تريح رجلك شوية من على البنزين ( و لو انت دقيق الملاحظة حتسمع صوت تعشيقته تانى )
بس فعلا هو فى اللانوس مش زى تكييف البيت بيفصل بثرموستات لما يوصل لدرجة الحرارة المطلوبة
لا بيفضل معشق على طول طالما معملتش موضوع الشد ده
لا يوجد ترموستات
يعني الكلام الاخير الكمبروسر بيفصل ولا مش بيفصل لان كان في زملاء هنا في المنتدي في مشاركات عن التكييف ان الكمبروسر بيفصل ولو بيفصل نعرف ازاي انه فصل ولا نشغل التكييف شويه وننفصله شويه نرجو من الاخوه الخبراء التوضيح
انا اسف يمكن لخبط الناس
كومبريسور تكييف اللانوس لا يفصل و انا بخبرتى المتواضعه لا انصح بفصله يدويا بغرض اراحته متخافوش مش حيحصله حاجه انا بقالى 195000 كم بشغله و مبفصلوش غير لو فعلا مش محتاجه ( الجو بقى حلو )
اما موضوع دوسة البنزين الفجأيه للاخر فده حاجة تانيه خالص خاصة بكمبيوتر العربية بدون تدخل السائق
لان طبعا تشغييل التكييف يعتبر حمل كبير على الماتور و طبعا كلنا بنحس ان العربية بتبقى ادائها اقل بالمقارنه بعدم تشغيل التكييف
فشركة دايو علشان متزعلش واحد فى موقف طارىء (بيعدى من تيرلا مثلا ) ساعتها بيدوس بنزين على الاخر (هو مالوش دعوه هو عايز يشد بسرعه و خلاص ) فالكوميوتر بيساعده انه ياخد اقصى استفاده من الماتور فى اللحظات الحرجة دى فيقوم من نفسه يفصل تعشيقة الكومبريسور مؤقتا لغاية لما اخينا السواق يخلص التسارع بتاعه و الكومبيوتر يرجع يعشق الكومبريسور تانى و المفروض الركاب مش حيعرفوا ان الكومبريسور فصل لان اللمبة بتاعة زرار التكييف a/c حتفضل منوره و المدة الى فيها الكومبريسور فاصل بتكون قصيره ( 5 ثوانى مثلا الى هى مدة الشد بالعربية ) فالسوقوعية مش حتلحق تقل