الموضوع: إية احسن سرعات على كل نقلة للبومة 1300 mt؟

اقصى عزم للبومه عند 4500 لفه , واقصى قوه عند 6000 لفه , موضوع سرعه معينه عند النقل ده فاشل المهم زى ما انت قولت عدد اللفات

العادى فى المشى بتاعك اللى ميبقاش قارص على الموتور وفى نفس الوقت مش مريحه قوى فتتعبه انك تنقل ما بين 3 و 3.5 rpm

اقل من كدا العربيه هتتخنق وهتحمل عليها واكتر من كدا خليه لوقت اللزوم , كل فتره والتانيه كدا لما تبقى تفتكر ابقى اطلع ل 4.5 و 5 فى مشوار كدا يعنى علشان الموتور ميبقاش مكتوم فى عدد اللفات العاليه دى , بس بلاش الجرى عمال على بطال

وكدا هتحافظ على الموتور , طبعا والاهم هو الصيانه

طول ما انت ماشى طوالى على rpm ثابت متقلقش من حاجه , حتى لو كان 4 او 4.5 , طالما دوره التزييت سليمه والتبريد تمام خلاص الموتور مش تعبان فى حاجه وهو اصلا البومه على 140 بتبقى عند 4 rpm فلحد كدا انت مش قارص على الموتور فى الجرى وممكن تمشى بيه اى وقت زى ما انت عايز على عدد اللفات ده

المواتير اللى الناس دايما مبتعديش بيها 2.5 او 2 فى الاستعمال اليومى لفترات كبيره بتبقى مخنوقه فى الجرى ومبتطلعش اداء زى اختها اللى متعوده توصل لعدد لفات اعلى كل فتره , هو ده التفتيح

المشاركة الأصلية كتبت بواسطة Hussein_Emara

الف شكر يا احمد باشا على الرد.

هو انا مش غاوي جري اصلا بس الي مخليني اسأل ان العربية اول ما بتقرب من ال 3000 RPM بيبقى الاداء حاجة تانية (شامة نفسها على حد تعبير احد الاصدقاء) فعشان كدة مبجبش نقل اعلى.
يعني مثلا 90Km/Hr على الرابع بتكون اعلا من ال 3000RPM بحاجة بسيطة بس لو جبتلها خامس بتبقى قريبة من ال 2500RPM بحس ان العربية تقيلة فبفضل ماشي على الرابع.
حضرتك قلت انقل على 3500 فهل الي بعملة دة غلط او مضر؟؟

العفو يا باشا

بص هو موتور اللانسر ال 1.3 علشان مش قوى محتاج معامله خاصه تقدر من خلالها متحسش انك راكب توك توك , لأن التعامل مع العربيه دى على عدد لفات قليل دايما هيكرهك فيها

بص كدا الصوره دى هتوضح كلامى



ما بين 2000 و 3000 لفه انت بتتكلم فى خرج قوى لا يتعدى ال 45 حصان , وده فى عربيه 1100 كجم مش كويس طبعا وهو اللى بيخليها تقيله اوى فى الغيارات الاولى ولما بتشغل التكييف بتطفس على روحها

بدايه من 3000 لفه فما فوق معدل زياده خرج القوه بيتحسن وبتدخل فى ارقام نوعا ما كويسه وعلشان كدا بتحس ان العربيه بتفوق من عند 2800 لفه فما فوق , انا شخصيا علشان اتفادى التعامل مع الاداء الزباله ده بيكون بدايه الاول بالنسبه لى فى السواقه العاديه 2500 وبعد كدا كله عند 3250 ومش قبل كدا , لو على طريق سفر بنقل على 4000 لفه بحيث ان لما اخد الغيار اللى بعده يبقى لسه فى قوه وعزم اتحرك بيهم فى استكمال التسارع بدل ما انقل على 3000 لفه وارجع ل 2000 لفه تانى حيث قمه الشلل واقرص على العربيه زياده علشان تجمع

جوا البلد فى السواقه الهاديه خليك ماشى زى ما انت وانقل بعد الثلاثه مش قبلها , يعنى حتى لو ماشى بنفس السرعه شويه وانت على 2800 ولا 3000 متنقلش وخليك زى ما انت علشان لما تحب تشد تلاقى العربيه موجوده مش راحت تنام

لو على طريق سفر انصحك ب 4000 لفه او 4500 مش اقل من كدا علشان كل غيار يبقى اللى بعده لسه فيه يحرك العربيه , وصدقنى كدا انت مش بتجهد الموتور اطلاقا