الموضوع: فين الرابطه فين- الرابطه راحت فين

المشاركة الأصلية كتبت بواسطة byby

اخوانى اصحاب البولو السلام عليكم ورحمة الله وبركاته
اقتراح تم اقتراحه ورأيته وقرأته فى المنتدى قبل شرائى للبولو
اقتراح جميل ولكن لا ادرى لماذا تم التغافل عنه وعدم تفعيله الا فى مره او مرتين لماذا لا يكون هناك تفعيل دائم لرابطه اصحاب البولو خاصة وان هناك اشخاص مثلى لا يفقهون شيئ عن هذه السيارة الجميله غير ان شكلها يستهوى القاصى والدانى ولكن بمجرد ان يركبها اللواحد يحس انها عربيه غير العربيات والله ولو حتى عربيه 2010 من الماركات الاخرى
المهم يا اخوانى والله الواحد وجد من الاخوه الاعضاء على هذا المنتدى كل مساعده وكل خير من الصغير والكبير وبصراحه انا فرحت جدا لما وجدت هذه الروح الطيبه نحسبهم جميعا كذلك وجدت حبا فى فعل الخير والمساعد لدرجه ان احد الاخوه وهو ميشو اسكندرانى كان بيتصل هو بيه كل يوم يسألنى عن اخر تطورات الصيانه لعربيتى ولا انسى صاحب الفضل الكبير بعد الله سبحانه وتعالى اخونا محمد مصطفى فقد ارهقته واتعبته واثقلت عليه فى كثرة من المكالمات التى ربما تفوق الخمس مرات فى اليوم الواحد وتستمر لدقائق كثر ولم يبخل بمعلومة وان لم اسأله عنها واخونا ابو حمزة جزاه الله خيرا
الجميع والله لم يبخل بمعلومة ولا بأرشاد الى الصواب وان جانب رأيه
فلماذا لا نفعل هذه الروح لتشمل اكثر واكثر ونلتقى جميعا فى لقاءات وديه تعارفيه عسى الله ان ينفع بنا فى امور كثيرة لاتخطر ببال احد منا وحسنه قليلة تمنع بلاوى كثيرة
وخاصة ان هناك روابط لاصحاب سيارات اخرى مثل الايبيزا والبيتلز لهم رابطه ويتجمعون شبه مستمرين
ارجوا المشاركة والتفعيل لاحياء الرابطه مرة اخرى رغم مشاكل الحياة والعمل

المشاركة الأصلية كتبت بواسطة mesho_kimi

والله هى فكره رائعه وانا معاك فيها ، ... و أنا معملتش معاك والله غير الواجب وهنا القسم كله ناس محترمين ودائماً متعاونين للغايه وكلهم ساعدوني أما جبت عربيتي سواء بشكل غير مباشر ( عن طريق الردود ) أو إتصالات وبالأخص محمد مصطفى اللي ساعدني كتير من ساعة أما جبت العربيه وعرفني كل حاجه عنها عشان ميتحورليش ( طبيعه الصنايعيه فى مصر ) وطبعاً ردود الأستاذ اسامه موسي ومحمد اوريجينال والقسم هنا عمتأ تحس انه الروح فيه حلوه والناس كلها بتحب المساعده

المشاركة الأصلية كتبت بواسطة wael_mega

انا معاكم وبجد انا بشكر كل المنتدى وبشكر حبيبى الى انا سعيد بمعرفتة الى فادنى وتقلت علية بس والحمدلله هو شخص جميل محمد مصطفى

المشاركة الأصلية كتبت بواسطة elshrpeny

وانا معاكوا يا جماعه بس موعدكوش بأنى هقدر أتقابل معاكم لأسف لانى بعييييييييييييييييييييييي ييد فى أقصى شمال مصر ههههههههههههههه

وأحب اوجه كامل الشكر والأمتنان للأعضاء المحترمين الجمال الى ساعدونى كتير فى كل حاجه كنت أسألهم عليها ومديئوش منى ابداً
- المهندس أسامه موسى الى ليه وحشه كبيره اوى وأرجو أنه يكون بخير
- الأستاذ عماد ( Ibiza ) الى كل فين وفين اما بيخش عندنا هنا فى القسم أرجو انه يكون بخير أيضاً
- الأستاذ محمد مصطفى العضو النشيط والمفيد دائماً
- الأستاذ أسامة ( أوريجنال ) إلى كل قطع غياره أوريجنال هههههههههههه النشيط والمفيد أيضاً
- وأخيراً وليس أخراً الأستاذ ميشو الى معرفش أسمه لحد الأن ههههههههه أرجو يكون بخير .

الشكر كل الشكر ليكم انتم على دعواتكم الجميله وانا مبعملش حاجه غير الواجب المفروض عليا أعمله
لأخوانى واحبائى فى الله ويارب دايما أبقى مفيد وتكون معلوماتى صحيحه بأستمرار
وانا عن نفسى معنديش اى مانع من تكوين الرابطه وكنت اقتراحتها قبل كدا بس الموضوع نام
فأنا تحت أمركم ظبطو الدنيا وانا معاكم
الكل بيشجع وبولو معاهم هههههههههههههههههه