وائل باشا
بص كل الجداول والحجات اللى مفروض تتعمل موجودة فى المانوال بتاع العربية الباب 8 صفحة 20 الى 22.
انت استلمته مع العربية ؟
لو مش معاك هعمله قريب ان شا الله و ابعته
انت حظك حلو ما شاء الله لان غبور عامل حملة مجانية من 15 مايو لاخر مايو
بانصحك تروحلهم و يكشفو عليها و اهم حاجة تبقى متابعهم ايه محتاج يتغير و ليه
مكانه فى ابو رواش طريق مصر اسكندرية
بالنسبة لتغيير الزيت وفلتر الزيت ده كل 8000 ال 10000 حسب استخدامك
انا شخصيا بغير كل 8000 و خلاص و ده احسن للموتور
والاتنين دول تعملهم فى اى محطة بنزين محترمة شل او موبيل
الزيت افضل شل الترا تمنه 235 يليه موبيل وان فى نفس الحدود
فلتر الزيت الاصلى من دمشق ب 55 جنيه
ويارب غبور يكون ظبط الاسعار ان شاء الله
فيه حاجات تبص عليها بعينك انت كل اسبوعين مثلا او شهر زى مقياس الزيوت فى العربية
زى زيت الفرامل و زيت الفتيس و زيت الموتور وزيت الباور
نفس الكلام بالنسبة لمياه الريداتير ومياه المساحات لو خلصت
نفس الكلام للبطارية كل فترة كبيرة
مفروض بالنسبة لصيانة ال 60 الف تغير فلتر هواءو فلتر تكييف و تعمل فحص على كا حاجة فى التوكيل او فى سمارت :
السيور
الخراطيم
منسوب سائل البطارية
خراطيم ووصلات الفرامل
سائل الفرامل
فرامل الانتظار
تيل الفرامل خد بالك من النقطة دى عشان متبوظشى الطنابير
الكاوتش وحالته و عمل تدوير من الامام للخلف فقط كل 10000
جميع الزيوت طبعا
--
اللهم انى ظلمت نفسى ظلما كثيرا فأغفر لى فإنه لا يغفر الذنوب الا انت
المفضلات