اخوانى الاعزاء فى المنتدى المحترم
سلام عليكم ورحمة الله وبركاته
انا اشتريت مازدا 3 ايرو 2006وكانت عاملى 58000 كم
والحمد لله خدتها التوكيل وكشفت عليها وكانوا مبسوطين منها
بس هما قالولى لما تيجى تعمل الصيانة هنضبطلك شوية حجات
قالولى قاعدة ماتور يمين –مساعد امامى يمين وشمال –فلاشر ايرباج
معرفش ده فعلا حاجة مهمة ولا مجرد تفتيح شغل لكن عموما هما ناس محترمة جدا
المهم الولد اللى كنت شاريها منه وهو انسان محترم قالى ما تغيرش الحجات دى دلوقت
قالى بس عند صيانة 61500 تغير زيت وتغيير فيلتر الزيت وتربط عفشة وضبطزوايا وممكن تبص على تيل الفرمل ومش لازم تروح فى دى التوكيل ممكن تروح بنزينة اون ذا رن ا وموبيل
انا بصراحة محتاج نصايحكم لانى مش عارف
المفروض اغير ايه كل قد ايه يعنى هل فيه حجات لازم اشيك عليها كل اسبوع مثلا ولا كل 1000 ك ولا ايه
و ايه هى الحجات دى يعنى السيور و تيل الفرامل و الزيوت و الميا ه الخضرا ء و غير اشيك عليهم فين وكل قد ايه و ايه الانواع اللى اجيبها (يا ريت بالاسماء الماركات)
وتقريبا يكلفونى قد ايه وهل اروح اعمل ده فى التوكيل سمارت ولا فين وايه يتعمل فى التوكيل و ايه يتعمل فى البنزينة
يا ريت جدول بالحجا ت اللى المفروض اعملها اسبوعيا او يوميا او شهريا لان معنديش اى خبرة خالص
اشكركم واسف للاطالة