الموضوع: اللي عنده أي سؤال في الإكسيل يتفضل

جذاك الله خير أخى الكريم

طب لو سمحت ممكن شرح مبسط لـ معادلة الـ if دى أكتر حاجة تعباني فى الإكسيل

المشاركة الأصلية كتبت بواسطة Fouad Ezz

طب لو سمحت ممكن شرح مبسط لـ معادلة الـ if دى أكتر حاجة تعباني فى الإكسيل

بص يا باشا

معادلة IF مش صعبة وهي اساسها 3 اجزاء
الجزء الاول هو اختبار الشرط
الجزء التاني هو حالة تحقق الشرط
الجزء الثالث حالة عدم التحقق

مثال :

لو عندي خلية فيها رقم وليكن XX والخلية دي مثلا هي A1
واحنا عايزين نختبر ان الرقم ده اكبر من 400 ولا لأ
نكتب المعادلة بالشكل ده :=
( if(A1>400;A1-400;400-A1

نفسر المعادلة :
الجزء الاول اختبار الشرط بيسأل اذا كان الرقم في الخلية A1 اكبر من 400
الجزء التاني بيقول لو الشرط ده اتحقق يعني الرقم ده اكبر من 400 اديني نتيجة عبارة عن الرقم مطرح منه 400
الجزء الثالث بيقول لو الشرط ما تحققش اديني نتيجة عبارة عن 400 مطروح منها الرقم

ونجرب نغير الرقم في الخلية a1 اكتر من مرة ونشوف النتيجة في الخلية اللي كتبنا فيها المعادلة

وممكن نغير الجزء التاني والثالث من المعادلة يعني ممكن لو الرقم اكبر من 400 نخليه يكتب yes
وبالنسبة للجزء الثالث لو الرقم اقل من 400 نخليه يكتب NO
بالشكل ده : =
if(A1>400;yes;no
(

لو مش واضحة قول لي

اناة حاليا باخد كورس اكسيل في المحاسبه
وبأذن الله لو احتاجت حاجه هقول لحضرتك :) :)

شكرا لمجهودك

هاجرب عملى وأقول لحضرتك ... شكرا جزيلا

المشاركة الأصلية كتبت بواسطة baskota

جميل جدا الموضوع ده فعلا
شكرا دكتور بحرى على الاشارة اليه
شكرا بدرى على مجهودك الرائع
بما انى لسة بحاول اتعلم الاكسيل
فكنت عاوزة اعرف ازاى اعمل معادلة
وده فهمته من المشاركات السابقة ازاى بقا اثبت المعادلة دى واطبقها

لا شكر على واجب انا اللي باشكر الدكتور بحري انه نوه عن موضوعي
ويا انتي أي حاجة عايزة تعرفيها حتى لو كانت بسيطة ماتتردديش واسأليها
وانا لو كنت في اسكندرية ماكنتش اتأخر اني اشرح لك الاكسيل وعلى فكرة انتي لو مركزة كويس ممكن فعلا توصلي لمستوى مش بطال في يومين بس لازم حد يبسط لك المعلومة ولو محتاجة كتاب كويس فيه عندك مؤلفات دكتور مجدي أبو العطا