الموضوع: اللي عنده أي سؤال في الإكسيل يتفضل

حد يعرف ايه هو الباور بيفوت ده وياسلام لو فى شرح

المشاركة الأصلية كتبت بواسطة zrzr1

لو سمحت يا باشا, انا عندي ميزانيه مجمعه وكل حساب ليه كود
وبيجيلي ميزان مراجعه وحساباته ايضا مكوده ولكن مختلفه الترتيب مع المجمعه
هل في طريقه بحيث تخلي الاكسيل يشيل الرقم المقابل للكود ف الميزان ويحطه مقابل الكود في الميزانيه المجمعه؟؟
اشكرك مقدماً

طبعا يا باشا فيه طريقة ودي من أروع الحاجات اللي بيعملها الاكسيل وهي معادلة اسمها VLookup
بنستعملها لما يكون عندنا جدولين واحد مثلا فيه عمود فيه كود الصنف وعمود فيه السعر والجدول التاني فيه عمود يحتوي على كود الصنف واي قيم تانية والمعادلة دي بتبحث عن كل قيمة مقابلة للكود من الجدول اللي فيه السعر وتحطها في الجدول اللي فيه اكواد بس
هاحاول اشرحها ويا رب اقدر بس حضرتك حاول تعمل اللي هاقوله في شيت اكسيل بشكل عملي :
الشيت الاول فيه جدول عبارة عن عمودين عمود B فيه الاكواد وعمود C فيه الأسعار ولتكن الاكواد من 1 الى 5 بس يا ريت ماتكونش مرتبة عشان المعادلة تتفهم احسن والعمود التاني حط فيه السعر قدام كل كود وبالنسبة للشيت التاني اعمل جدول فيه عمودين عمود B فيه الاكواد من 1 الى 8 برضه عشوائية مش مرتبة وعمود C حط فيه اسم الصنف
بالنسبة لطلب حضرتك بالنسبة للمثال بتاعنا كأنك عايز تاخد الأسعار من الشيت اللي فيه اكواد واسعار عشان تحطها في الشيت اللي فيه اكواد واسماء اصناف
بالتالي هانيجي في الشيت اللي فيه الاكواد والاصناف وفي الخلية اللي عايزين السعر يظهر فيها هاندوس على زرار المعدلات ونبحث عن المعادلة VLookup ونختارها هاتفتح المعادلة 4 مربعات الاول باكتب فيه رقم الخليه اللي فيها الكود اللي عايز اجيب سعره من الجدول التاني
والمربع التاني باحدد فيه الجدول اللي هاجيب منه البيانات من اول خلية في الجدول لأخر خلية يعني من اول كود لأخر سعر ولازم اثبت الخلية بعلامة الدولار وده سهل بانك تظلل اسم الخلية وتدوس F4
المربع التالت باكتب فيه ترتيب العمود اللي فيه القيم اللي عايزها تتنقل في الجدول بتاعي و في حالتنا دي ترتيب العمود هو 2 لأن العمود الاول فيه الكود والعمود التاني فيه السعر
والمربع الرابع باكتب فيه قيمة ثابتة وهي " صفر "
بعد كدة اسحب المعادلة للأسفل عشان اطبقها على باقي السفزف
هي معادلة مهمة قوي ورخمة شوية فلو ما جاتش معاك من اول مرة ابقى حاول تاني وشرفنا هنا بالسؤال لو حاجة وقفت قدامك وطبعا لو ظبطت معاك يا ريت تطمنا

المشاركة الأصلية كتبت بواسطة محمد بلال

تحياتى لحضرتك
اولا : ممكن تدلنى على طريقة استطيع بها تصميم وعمل الجداول والاتباطات على الاكسيل والاكسيس
ثانياً : انا موظف فى ادارة شئون العاملين باحدى الشركات وكنت عاوز اعمل جدول اجمع فيه بيانات موظف الشركة حوالى 600 موظف يشتمل هذا الجدول على الحقول الاتية بالترتيب ( مسلسل ـ الاسم ـ رقم الاداء ـ رقم الملف ـ منطقة العمل ـ الادارة التابع لها ـ الوظيفة ـ تاريخ آخر ترقية ـ تاريخ التعين ـ تاريخ الميلاد ـ المؤهل ـ رقم الهاتف ـ ملاحظات ـ حقل فارغ ـ حقل فارغ ـ حقل فارغ ) .
الثلاث حقول الاخيرة كاحتياطى فى حالة احتياجى الى اضافة حقول جديدة
الايميل الخاص بى سأرسله لك على الخاص
مع حالص شكرى والسلام عليك ورحمة الله وبركاته
ولو سمحتم يكون التصميم باوفيس 2003
وسامحنى ان كنت اثقلت عليك

يا باشا لا أثقلت ولا حاجة .. بس المشكلة اني باشتغل دلوقت باوفيس 2007 بس هاحاول اتواصل مع حضرتك على الايميل لأن الأكسيس لازم يتعمل خطوة بخطوة كأنك بتشتغل أونلاين

المشاركة الأصلية كتبت بواسطة motaz.habib

شوف الفيديو دة كدة ممكن يفيدك
sniplet: Excel 2007: Advanced filter tutorial - youtube


واللينك دة بردة

Apply dependent combo box selections to a filter in excel 2007 | Get Digital Help - Microsoft Excel resource

انا بس مش فاهم انت محتاج اية بالظبط

يا باشا الله ينور .. انت خدمتني قوي باللينكات دي ويا ريت تعتبر الموضوع موضوع حضرتك و تساعد الزملاء زي ما تكرمت كده