ممكن حد يساعدني و يقولي انهي احسن و ليه
ممكن حد يساعدني و يقولي انهي احسن و ليه
نفس السؤال سئلته لكن ماحدش جاوب ليه ماعرفش
بس كان سؤالى كورولا ولا لانسر وللتحديد العربيتين 2010 و1600 cc
اما الجين تو فهى رائعه بس مافيش منها عندنا هنا
والكروز حلوه وشكل جامد بس لسه جديده على السوق
كارنيز لا مجال للمقارنه مع العربيات السابقه لانها اقلهم
فياريت حد يقولنا لانسر ولا كرولا ياترى اسعار قطع غيارهم ايه واى نوع ارخص فى قطع الغيار والصيانه؟
انا وانته نستنى لغاية لما حد يتعطف علينا ويجاوبنا:36_1_50[1]::36_1_50[1]::36_1_50[1]:
ياريت حضرتك تساعدنا وتوضح اكتر عشان نقدر نساعدك
مبدأيا العربيات دى جديده ولا مستعمله ؟ مانيوال ولا اوتوماتيك ؟
تويوتا ايه ؟
وانهى لانسر الشكل القديم ولا الجديد ؟
والله اخى العزيز انا بسأل على النسر البومه 1600 اوتو
والكورولا 1600 اوتو الاثنين موديل 2010
انا بسال عن
تويوتا كورولا 2010
و لانسر 2010
1300 او 1600
اللانسر 1600 سعرها 119 و 125 و 130 و 133 اعلى حاجه
لكن الكورولا ب 145 والكامله ب 160
يعنى فى فرق سعر 30 الف
اللى هايحسم الموضوع هو المبلغ المتاح
المقارنه مش منطقيه يا باشا خالص .... يعنى فرق السعر كبير ودى حاجه ودي حاجه تانيه خالص
ثانيا الكارينز ليس لها صله باللانسر ولا الكروز ولا التويوتا
ثالثا انت مش محدد انهى فئه في اى عربيه عندك الكروز بتبدأ من 110 لــ 140 ....... اللانسر من 100 لــ 133 ...... الكرولا من 140 تقريبا لــ 160 )
حدد اكتر يا باشا انت متطلباتك ايه واستخدام ايه والمبلغ المتاح قد ايه وان شاء الله نفيدك
افضل لك لانسر بومة ياباني ذات سعر معقول ومنتشرة ومطلوبة
تويوتا :verygood:
كروز عربية شكلها حلو و جديد وواسعة جدا من جوة
انما لو عايز مثبت سرعة و اوبشنز كتير يبقى كورولا ادفانسد
شكرا اوى على المعلومات اللى حضرتكو فدتونا بيها والف شكر ان شاء الله انا ناوى على لانسر بومه 2010 لانها الوحيده اللى منتشره واسعار قطع غيارها كويسه نوعا ما وسعر اعادة بيعها مرتفع
لانسر مش هتخليك مميز
تويوتا لاتراعي التغير مفيش تجديد
البروتون بدأت في الانتشار وهي عربية هايلةبجد
ادخل ع قسم البروتون وخد فكرة
كلام تمام يا مان و ميمفعشي يقارن عربيه تكنولوجتها من 2003 بعربيه تكنولوجتها 2008 اصلا
وحد الله بس يا مان جين 2 ايه بس الي يبص عليها مع احترامي للمركه لكن التقفيل المصري مضيع العربيه خالص و حتي لو متقفله في بلادها الماتيريال و الاوبشن و الوسع و كل حاجه لانسر افضل بكتير و حتي الموتور لانسر تتفوق و هما عربيتين اصلا مش نفس الفئه عشان تقدر تقول دي احسن و دي اوحش و كمان حطيط الكورولا رصها براص الجين 2!!!!!!!!
انا رائيي تزود سنه لو انت بتحب الجري حات هندا سفك جديده عربيه خرافيه
و لو عاوز فخامه و راحه حات اوكتفيا فنتزيا
و لو عاوز توفر و تجيب العربيه محترمه و قويه و موتورها قوي و وسعه في نفس الوقت زي ما انت قلت لانسر بومه 1.6
الجين 2 تقفيل مصرى ؟؟؟؟؟؟؟؟؟؟؟؟؟؟؟؟؟ ينهار اسود
الجين والانسر مش نفس الفئة ؟؟؟؟؟؟؟ امال االجين فئة مين ؟؟؟؟
بومة اية دى يا جدعان اللى لسة بننصح بيها لحد دلوقتى دى عربية ماتت وشبعت موت وسعرها معدى باستفزاز يعنى خسارة الفلوس اللى تدفع فيها كاش اساسا اشترى عربية مفيهاش ريحة التكنولوجى فوق ال 100000 لية ؟؟؟ اقولكوا انا لية علشان احنا شعب فقير فكريا بنجرى ورا الحاجة اللى موجودة كتير وتبقى هية دى الى شغالة وخلاص
معلش بس انت بتقارن الانسر مع الجين على اى اساس اصل كلامك بصراحة استفزنى
اولا واضح ان انت معاك لانسر 1300 اللى هية اسوا لانسر خلقها ربنا مش بتاعة موتور ولا اوبشن ولا حاجة خالص بتتكلم ازاى ان الانسر احسن من الجين فى اوبشن انت تعرف اوبشن الجين اساسا اية ؟مدام تقفيلها مصرى يبقى اكيد تعرف
الفكرة اللى حضرتك بتقول حطيت الكورولا راس براس الجين الفكرة ان الراجل العربية شكلها عجبة لية الموضوع طبقى اوى كدة عند كل الناس لية اليابانى يبقى برقبة اى حاجة ولما يجى الكورى يبقى زبالة ولما يجى الاوروبى يتف على اليابانى ومش عارف اية على اى اساس الواحد بيحط المقارنة دى لية متبقاش العربية فى الاول والاخر بيتادى وظيفتها المحددة وبس بدون ما تكون يبانى ولا هندى ؟ هية مش كدة كدة بتبوظ ؟؟ وبيطحطلها بنزين ومية وبتتنفخ هوا ؟؟؟ يبقى مشكلتها فين وبعدين انت بتتكلم على تويوتا اللى الدنيا مقلوبة عليها والسنة اللى فاتت تعتبر من اصعب السنيني اللى مرت ومازالت بتمر فيها الشركة من عيوب تصنيع واضحة وصريحة فى عربياتهم (شوفت ان اليابانى كمان بيغلط تخيل واحد يبانى مش عارف يظبط دواسة البنزين ) فى النهاية انا نفسى اقول كلمة اخيرة ياريت يبقى دة المنهج بتاعنا
العربية عربية يا خوانا ( بتوصلك من مكان لمكان ياريتك كمان بتبات فيها ) لاء اخرها ترميها فى الشارع بليل :)
يابانى كورى مصرى هندى اوروبى مدام بتفى بالغرض وعاجبااااااااااااااااااااا ااااااااااااااااااااااااك بقى خلاص
مش كل ما كانت العربية غالية كانت احسن كل واحد حسب امكانياتة مش المادية الامكانيات اللى هوة عايزها من العربية بتاعتة
نفسى كل واحد يتكلم عن عربية ميتكلمش من غير ما يكون ساق العربيتين على الاقل لفترة مش قليلة ويكون الحكم موضوعى ومنطقى ميبقاش بالاسماء لانى لو جيت قلت ان الانسر فيها اوبشن اكتر من الجين يبقى نقول اية اكتر من كدة ماهى صحيح مصرى
ولله يا مان الي اعرفه انها تقفيل مصري لو عندك معلومه مختلفه ياريت تقولها و منكم نستفيد!
واضح ان حضرتك مش عارف الفئات كويس حضرتك في فئات سيارات كتير و جين 2 من فئه سيارات المدينه صغيره الحجم زي الفرنا و الافيو و اللوجن و الطقم ده كله و لانسر تبع سيارات المدينه متوسطه الحجم زي الكورولا و الانترا و الاوبترا و السفك و نروح الاكوتفيا a5 و الفكترا و الجتا دي سيارات متوسطه الفخامه و تطلع للباسات و الفكترا ال2.4 و الاكورد و الكمري و دول سيارات فاخره و تطلع للs500 و ال740i و للكزسس و دي عربيات تعقد:120146b
و لو حضرتك مش بتحب البومه او مش بتنصح بيها دي وجهة نظر بس متغلطشي في العربيه لاني من عشاقها و لو انت جربتها لفتره هتكون بردو من عشاقها صدقني لانها سياره كامله بعني الكلمه ينقصها فقد رفاهية الشارك و تاكل الجو 10 سنين كمان
العربيه عمليه فهي سياره سفر و اعمال شاقه و عائليه من الدرجه الاولي و تحدي حد يطلع منها عيب واحد و كمان موضوع الراهئه انا اصلا من الي بيقولو رفاياه يعني عربيه الماني غير كدا متجبشي حاجه فيها رفاياه الالمان بيعملو الحاجه و عرفين هي ايه و بيعملوها بجوده عاليه جدا ففقر بومه للرفايهيه فهي ميزه لي لاني شاب و مش عاوز رفايه و صيانه و صداع العربيه جديد مفهاش كمبيوتر ولا حساسات كتيره ولا صداع موتور و بدي و ده هو طلبي لو طلبك غير ده فدي مزاجات و علي رايي المثل لو فاتك الالماني الحق اليباني:ma:
و زي مقلت لك ابل كدا ليه تغلط في العربيه يعني ما تقول مش عجباك و خلاص اه انا معايا لانسر 1.3 اوتو كمان يعني زي ما بيقول الناس معزه في الجري لكن الحمد لله مفيش عربيه اوتو طلعت مني في الاول ابدا و انا اصلا هغير و اجيب بومه 1.6 منيول ب100 و ادامي سيراتو كامله بنفس السعر بس lancer 4 ever:B4_282:
و ولله غريبه اوي انك فعلا بتقارن الجين 2 بالبومه يا مان دي لو البومه رمت الds مش هتشوف فوانيها اصلا ولا لو طلعت تغريز هتلقيه بيغرز علي 160 180 و الجين 2 هنجبها من بره الطريق! انا بحب الجين 2 جدا و هي عربيه شبابي اوي و صناعتها الماليزيه ممتازه لكن التقفيل و بردو الفئه هما الي بيبعددوني عنها اوك معايا عربيه شبابي و موتور 1.6 اخري مين يعني زي ما قلت لك البومه هعلمني الادب يعني عربيه ميعتدمتشي عليها في الريسنج مع الفأت الاكبر مش زي الانترا مثلا بتطلع من اي عربيه في التسارع!
و كمان حضرتك مصمم انك تقارن بين الجين و الكورولا عموما انا اصلا لما بعد في عربيه كورولا بحس اني اعد في ميكروباص مش عربيه ملاكي و لا برتاح فيها لا شايف انها شركه تستاهل الاسم ده كله بس دا ميخلناش نقدر نقول انها مش شركه كبيره و ليها مكانه عاليه كبيره جدا و لو حصل عيب مره يبقا دا مش بيسقط العربيه من النظر لا عيب فني و هيتصلح و ترجع تاني و واضح ان حضرتك ماشي وراء كلام التلفزيون العيب مش دواسه بنزين يا مان العيب في الفتيس الاستيب ترونك و هو كان فتيس خارفي بيتجاوب مع ردود فعل السائق و بيعرف هو عاوز يجري ولا يخف ولا عاوز يحرق ولا مش عاوز يسمع صوت للموتور و بسبب التكنولوجيا دي كلها و ان الشعب المصري مش فهمها طلع فيه عيوب و تم سحبه من قبل الشركه و موجود دلوقتي الاوتو العادي و علي فكره سعر الكورولا ضعف ثمن الجين تو فأنا مش عاوز اقول الكورولا لو تفت علي الجين 2 هتحرقها لانها هتبقا مقارنه ملهاش اساس من الصح اصلا بسبب اختلاف الفئات
و عموما انا عارف نظريت حضرتك دي و في ناس صحابي بيفكرو كدا و بيجيبو سيراتو و الانترا و الحجات دي و اكون اعد كمبهم و يجرو و يخرزو و يقولو ما هي ثابته اهه ولله اعد ادحك دحكولا يقولو ماتيرليل الكوري زي اليباني مفيش فرق و الفرق الوحيد الي لحظه لما ساق بتعتي عن الانترا ان بتعتي اريح شويه بس!!!!!!!!!1
حسبنا الله و نعم الوكيل فيهم ولله
هو بالنسبه للمشاوير و كدا بردو كل واحد بيرتاح في عربيه و انا من الناس الي مربرتحشي الا في الالماني و الانسر بس من الياباني
لكن العربيه بالنسبه لي فهي بيتي الثاني و اعز اصدقائي متسمعشي الي بيقول ادي لعربيتك تديلك! فأنا اهم حاجه عندي المركه و الصناعه طبعا و ده موضوع يطول شرحه اوي و طبعا عمري ما اتخيل نفسي راكب الانترا ولا سيراتو لانها مش هتكمل معايا سنه و الموتور بقا نصين و ياريت تبص علي العربيات الكوري اواخر التسعينيات و هي مشيه في الشارع بس و تبص علي الانسر بطه ولا عيون صافيه و بص علي المرسيدس ايام السبعينيات و هتعرف يعني ايه صناعات
علي كدا يا مان نجيب عربيه الفا روميو و عربيه هيونداي كوبيه و نقول هما الاثنين عربيات رياضيه و نبدء نقارن!
ولا نجيب عربيه اوبل استرا و نجيب عربيه سياراتو و نبدء نقارن
ولله يا مان الصناعه الكوريه بتحترمك جدا لانك بتعلي من شأنها و بتحطها في نظرك امام العربيات دي مع انها عرفه انها كلبه بالنسبه ليهم و ابقا سلملي علي الجنط 17 في السيارتو و العفشه في الانترا:satelite:
بص انا طبعا المقال اللى انت كتبتة دة كلة مجاوبتش على حاجة من اللى انا قلتهالك واللى هية سبب انى اساسا رديت عليك وهية انك قلت جين اية دى اللى تتحط ومش عارف اية ؟؟؟ وجاى زعلان ان انا غلط فى عربيتك امال انت عملت اية فى الاول
وتانى حاجة انت بتقول ان معلوماتك انها تقفيل مصرى صح ؟ وانا بقولك تانى انت متعرفش اى حاجة بمعنى كلمة اى حاجة عن الجين 2
جيت قلت ان البومة اوبشن وكل حاجة عن الجين 2 ودة بياكد كلامى انك فعلا يمكن كمان متعرفش شكل الجين 2
حضرتك ادخل كدة بروتون ولف لفة واعرف بس شكل العربية
وبعدين اذا كنت انا معرفش تقسيمة العربيات اللى حضرتك عملتها لوحدك دى لانى مش عارف هية فين من ارض الواقع لان حتى البومة كسعر المفروض ان سعرها ميزدش عن سعر الجين كتير وبيتهيالى ان فى اجماع من كل الدنيا ان سعرها دة مبااااااااالغ فية جدا ومتستاهلوش من كل النواحى بس ارجع تانى واسالك سوال عندك اى خلفية عن كماليات الجين 2 مقارنة بالبومة
انا عمرى ما اقدر اقول ان البومة عربية وحشة ولا مش اعتمادية ولا الكلام دة نهائى انا اعتراضى عل طريقة سخريتك من عربية تانية اعلى منها فى الكماليات واحلى منها شكلا واقوى موتور وبكرر واتحداك .واذا عندك عربية بومة 1300 انا العربية دى اعدت معايا شهرين واوتو بردة وقصة انها بتشد اساسا مع نفسها دى تنساها خالص مع احترامى ليك لانها عربية ضعيــــفة جدا جدا فى الحكاية دى ويمكن هية اساسا مش معمولة لكدة ودة عذرها
مين قالك ان انا بشجع الصناعة الكورى هوة انا جبت سيرة اى حاجة تحسسك انى بحب الكورى عن اليابانى اساسا ؟؟ انا بتكلم على الجين وعلى كلمة واحدة قلتها وانا مبحبش اى حد مش متاكد من معلوماتة يقول اى كلام وهية الاوبشن اللى فى البومة نفسى اعرف اية الاوبشن دة وان الجين تقفيل مصرى مش عايز اوصفلك اول ما قريت الجملة دى قلت مش معقول ارد عليك بس خفت ليكون حد بيفكر فيها يصدقك ودة منتدى الناس اللى فية متعودين منهم يقولوا كلام متاكدين منه علشان فى ناس كتير اوى بتاخد بالكلمتين اللى ممكن تكتبهم دول وانت مش عارف اذا كانوا صح ولا غلط وعموما بعد كل كلامى دة انا شايف ان لا كان لية لازمة انى ارد بعد المقااااااال اللى انا بصراحة زهقت فى ربعة لانى مفهمتش انت بترد على اية فية من كلامى لدرجة انى بقيت بدور على الرد وملقتوش بس لقيت كم عربيات كتير كدة ملهاش دعوة بحاجة وتقسيمة فئات صغيرة عائلية وعائلية متوسطة عموما مش موضوعنا اوعى تكون زعلت يا مان :))):ma: الا قولى صحيح هوة انت بتقول مان دى كتير لية ؟ انت عندك كام سنة ؟؟ انا بهزر عادى يعنى :satelite:
هههههههههههههههههههه
عادي تعود يا مان و مان يعني راجل يعني بدلع الشباب:shyy:
عن الجين 2 و الانسر هو اولا انا مقلتش اوبشن اكثر و انا كتير من صحابي نصحوني بالجين 2 الاول و قالو ان العربيه شبابيه بحت و اعدو يقولو فيها قصايد بس زي ما قلت لك اخري مين يعني الانسر 1.6 هتعلمني الادب زي ما قلت لك
و ياريت تقول لي الاوبشن الكتير جدا الي انت بقتول عليها انا عارف اه ان فيها كماليات اكثر بس انا حاسس في كلامك انها اتسب ترونك و شاشه ديفدي و سي دي شارشر 6 استوطانت و انظمه امان و نظم تعليق بتاعت بي ام!!!!!!!
ولله الناس شيفه انها غاليه بس ده في صلحي لاني ببيع دلوقتي:36_7_7[1]:و بردو مسامح في ال100 الي هدفعهم في ال1.6 منيول و فكرت كتير اجيب ايه جديد اقوي من دي ملقتشي
و ياريت تقول لي انت شايف تقفليها ايه لان الي اعرفه انها مصري و حاسس انك هتصدمني و تقول هي تقفيل مليزي من بلادها!
و مش عارف انت ليه بردو بتقارن الجين 2 بالانسر انا شايف انه ميمفعشي تيقرنو
ماتيريال طبعا لانسر افضل
تقفيل لانسر افضل
كماليلات اسبرنزا احسن منهم هما الاثنين:vctry:
موتور طبعا لانسر اقوي
ثبات طبعا لانسر افضل
وسع طبعا لانسر اوسع
راحه طبعا لانسر اريح
مركه طبعا متسوبيشي اعرق
يبقا انت منين حاطط الانسر في وش الجين 2
هو جميل طبعا انك تحب عربيتك اوي و شيفها احسن عربيه في الكون بس متجيش تقول للناس دا الجين 2 احسن من الانسر و الكورولا!!!!
و ياريت تجيب لي الكلام الغريب الي انا قلته ولا الي بره الموضوع ده
انا يا مان طالب كليه حقوق:Y_hi_3[1]:
تويوتا هى الافضل فى خدمه ما البــــــــــــيع
الله ما قارنت انت اللى بتقلل منها ودة اللى خلانى ادخل اتكلم من الاساس
التقفيل مااااااااااااااااااليزى ومتتصدمش ولا حاجة ربنا مايجيب صدمات خاماتها بلاستك وخامات البومة بلاستك فمتتصدمش عادى يعنى
الكماليات الاتى
امبوليزر (من ضمن انظمة الامان )
2 ايرباج
دريكسيون مالتى فنكشن
فرامل abs+ebd
مرايات كهرباء
ريموت وانذار (انذار كامل و متعدد الوظائف مع قفل خاصية تشغيل المحرك , عدم تنشيط المحرك للعمل بدون فتح نظام الأمان , إقفال مركزى يفتح الشنطة من داخل كابينة القيادة , فتح تانك البنزين من داخل كابينة القيادة .)
حساسات ركن
cd mp3
كمبيوتر رحلات (نظام آلي لحساب استهلاك الوقود ( بالكمبيوتر) , انذار صوتي لعدم ربط احزمة الأمان , انذار صوتي لترك أنوار السيارة في حالة عملها , عجلة قيادة قابلة للتعديل مع نظام باور ستيرينج )
جنوط سبور مقاس 15
اكيد 4 زجاج كهرباء ولوك اول ما تنزل فرامل اليد اوتماتك ولوك للاطفال وفتح الشنطة والتانك من جوة وعلى فكرة بتفتح الشنطة كهربا بالريموت بردوا من برة العربية :)
على فكرة كل دول بينزلوا ستاندرد فى العربية يعنى مفيش فئة هاى لاين ولا لو لاين هية بتنزل كدة سواء اوتو او مانوال
نيجى باة نقطة اخيرة لنظام التعليق بس اللى انت بتستخف بية شوية لو تسمع عن شركة لوتس (اقرا عنها شوية بردوا لف لفة حتعرفها ) هية اللى عاملة العفشة ونظام التعليق بالكامل فى العربية لانها مملوكة لبروتون (يعنى شركة انجليزية متخصصة فى المحركات ونظم التعليق الرياضية مملوكة لشركة بروتون الماليزية ويكفى ان بروتون اسلامية 100 % الواحد ميحبهاش لية يعنى وحاجة اخيرة واسال بردوا برة مصر الجين 2 سعرها من سعر الكورولا والماذدا 3
دى تقريبا الكماليات ان مكنتش نسيت حاجة بس قلت اقولهالك لانك حبيت تعرفها :)
قارنها باة بالبومة تانى :)))))) تحياتى
ودة مش معناة انى بقارن انا برد على كلام مغلوط وكان فية تقليل للعربية مش اكتر لكن لا بحب البومة ولا بكرها ولا بموت فى الكورى ولا بطيقة انا بحب الجين بس
انا هسأل في موضوع التقفيل ده تاني و اقول لك اصل صحبي معاه العربيه و بيقول مصري و باين فعلا عشان تقفل باب العربيه لازم ترزعه و بيقولو اصوات في العفشه و الكراسي سعات بيطلع فيها عيوب و كلام غريب جدا!!!!!!!
انا علمت لك علي الحجات الي مش في الانسر الي في الانسر بقا
عتب و زوايد و سبويلر و تسجيل و سي دي شارشار 6 استوانات و فوانيس شبوره و فرش جلد فاخر و عفشه رياضيه للحمال الشاقه و فتحته سقف و 4 سمعاعات طبعا و زرار تعليه و توطيه نور الطبلو و زرار لتعديل مكان اضائه النور الامامي و مسند يد و الكنبه الي ورا قابله للطي و اكصدامات عريضه(من 2007 بس)
يعني كماليات لانسر اكثر:mad2:
و عن العفشه عارف الحوار ده كله يا مان بس من ملاكي بروتين لانسر اثبت:36_1_40[1]:انا عارف انها ثباتها جميل لكن مش بقوه الانسر
و علي موضوع اسلاميه علي كدا يا مان انا المفروض اكره الفا روميو لان في علامتها صليب!!!!!
و عن السعر انا كنت بوري صدق لي في السعوديه تعديل لبروتين قال لي ان العربيه دي عنده مش بفلوس اصلا و بيقول يعني هو تعديل علي عربيه محدش يسمع عنها اصلا(يعني عاوز يشوف تعديلات لشركات كبيره)
في النهايه يا مان دي مزاجات و عادي انت معجب بعربيتك بيس لكن انا متأكد انك لو جربت الانسر هتحس بالفرق و انزل الشارع بس و كل غرزه ولا الب نور لشاب معاه لانسر و شوف هيعمل معاك ايه:Oc_sun1[1]:
ممنوع استخدام اللون الأحمر فى الكتابه
تم تغيير اللون
19/5/2010
2:45 am
مشرف 12 ب
الجين 2 فيها عتب وزوايد واسبويلر وفوانيس شبورة وعفشة رياضية و6 سماعاتوزراير تعلية وتوطية نور التابلوه والفوانيس الامامية
الواجا بقى فيهازيادة طي المرايات بالكهرباء ومسند يد خلفي
وعلى فكرة انا واحد صحبي معاه بومة 2009 1600 سام وساق عربيتي وقال انها اثبت من عربيتو على السرعات العالية
نسيت اقول ان انا طلعت من صحبي وهو معاه 1600 منوال في طريق طويل
ماشي يا مان يا تكنولوجيا 2008 و فرقت عن 2003 بحجات بسيطه
و انا في الاول كنت قلت اوبشن ممكن الجين 2 تكون اعلي لكن واضح انها مش أعلي بكتير يعني
عن موضوع الثبات فدي اراء لكن انا شايف ان لانسر من اثبت سيارات فأتها
1.6 و منيول كمان يا راجل دا باين ان صحبك ملهوش في السواقه خالص تفضل دي هي ال1.6 منيول بسم الله ما شاء الله ثور الله في برسيمه:khd:
[youtube]http://www.youtube.com/watch?v=8omxZDvOlxs&feature=player_embedded#[/youtube]يا راجل دا انا لو معايا العربيه دي مش هخليك تشوف فوانيسي هو عداد الجين 2 كام و انت جبت بيها كام؟
ههههههههههه
اوك بيس مزجات بردو يا مان:B4_033:
بس ياريت يا مان لو عندك مصدر اعرف منه انها فعلا تقفيل مليزي مش مصري ياريت و هو تسارع العربيه في كام يا مان و كام نقله اوتو و فيها ds او s ولا لا ربنا يسهل مش ممكن نوفر و نجبها:Oc_sun1[1]:
جين 2 من 0 الي 180 اظن فرق كبير
YouTube - PROTON GEN2 CPS 1.6(M) 0-180kmh
يااخى سبحان الله بعد ما شوفت كل الكلام دة بردوا بتقاوح عموما العربية بتجيب من 0الى 100 فى 11 وفى ناس جابوها فى 10 والفتيس4 سرعات زية زى الجديد بالظبط بتاع البومة 2010
ومفيهوش ds وعلى فكرة هوة فتيس موتسوبيشى اساسا وبالنسبة لموضوع التقفيل بصراحة حاجة تضحك بس حقولك هاتلى انت مصدر بيقول انها مصرى غير صاحبك الى اكيد العربية دى بتاعة صاحبة مش بتاعتة وبعدين يباشا انا يهمنى انك تفضل فى الانسر متجيبش الجين لانها عربية وحشة اوى :) (انت مش قلت انك لانسر فور ايفر يبقى ازاى ربنا يسهل وتوفر وتجيبها دة السيراتو والالنترا مترضاش تركبهم تركب جين ياراجل :) خليك فى البومة احسن زى الفل كدة
GEN.2 تقفيل مصري ما شاء الله عليك بجد
طيب الواحد يناقشك ازااي وانت ااصلا معندكش اي معلومات علي السيارات وبتقاوح وخلاص
بس واضح فعلا ان جين تعباك اوي:dontudear:
وكلامك كله يوضح كده
ده غير انك بصراحه حتي معندكش اي رغبه انك تدخل علي قسم بروتون وتحاول تصحح معلوماتك الخاطئه
من اولها لاخرها
هقولك نصحيه ابعد عن الجين لانها وحشه اوي
واكيد هي متحبش انك تركبها ولا حتي تعرف اذا كانت تقفيل مصري والا ماليزي
يا مان:C_laugh[1]:
ههههههههههه
ولله الي اعرفه انها في 12 بتفكرني بواحد بيقول انا بجيب ببطه 1.3 التسارع في 7 ثواني!!!!
و كمان فتيس متسوبيشي صباح الاحساس باني راكب عربيه صيني
انا مستغرب اوي كل الملاك هنا مستغربين اوي من موضوع التقفيل اني اسمع انه مصري و الي اكد لي الكلام ده خش قسم بوتون و الناس كلها بتشكي من تقفيل العربيه؟
و عموما الكلام الي في الاخر ده خارج و لاني في موقع محترم بس هوقل فقد تعوي الذئاب و تسير القافله
الله ايه الكلام ده دا انت عسل اوي اهه ولله عاوز منك 2 في الصلون:F_eyeb1[1]:
انا معنديش خبره في السيارات و انت انت هتعلمني الله ولله احنا في زمن العجايب مع اني مكنتش عاوز ارد عليك اصلا لاني كدا بقلل نفسي بس عموما انا في العالم ده من سنين و ابعت لي رقم عربيتك لو شفتك و ملبستكشي في عمود ولا شجره يبقا انا يا عم حمار و مليش في العربيات و لو تحب تطلع عماره دور تالت تحت امرك من عنيا الاثنين و ولله بس بردو لاني في موقع محترم مش عاوز ازود في الكلام بس عموما بص علي اسمي و اقرئه كويس و هتعرف انك ليك الشرف انك تكلمني اصلا لا انت ولا الجين 2 يلزموني في حاجه و غلي فكره شركات معدوده من السيارات في العالم الي برفع لها القبعه و مش بدور وراها في حاجه زي مرسيدس مثلا بس اي شركه يباني او كوري طبعا لازم افصص العربيه حته حته و ان كان المليزي الي من 1985 ههههههه بقت موجوده لكني بحترمها الحقيقه لكن العين متعلاش عن الحاجب زي ما بيقولو
يا مان الي بيفهم في حاجه او عنده خبره مش بيترق علي الناس التنيا الناس هنا لما قال انا تقفيل مليزي اتكلمت عادي و بتناقش معاهم و بحاول اتأكد من المعلومه دي و لما واحد يقول ادامي معلومه غلط مش بعد اتريق ولا اهزق فيه لا بكلمه عادي جدا و بشرح له وجهة نظري المتواضعه في هذا العالم و هو بمزاجه يقبلها او لا يخلص الكلام و بس مش يقول لي انت مبتفهشي في العربيات ولا العربيه تستعر انك تركبها ولا الكلام الي مش بسمعه الا من ناس معينه انت عرفها بس!
و اقفل بقا الكلام لانك واضح انك مش بتحترم الي قدامك و سوري ماما قالت لي متكلمشي الناس الوحشه دي:brn:
يرجى استخدام اسلوب أرقى وعدم شخصنة الحوار
20/5/2010
1:55 am
مشرف 12 ب
سوري يا مان انا الحمد لله لحد دلوقتي مفيش حد عرف ياخد مني حق ولا باطل في الكلام
و لانسر ايه و جين 2 ايه الي انا مش شايف قدامي غرهم الحمد لله الواحد ساق عربيات بالعبيط من كل الصناعات و عارف كل عربيه كويس و اتفرج علي اوتوكروسات كدا و شوف ايه العربيات الي بتكون موجود بي ام و لانسر هما عربيتين المحبوبين في ايدي اشباب و الحمد لله الواحد عنده خبره كافيه في مجال العربيات الي من خللها يعرف هو بيتكلم عن عربيه ايه و هيدفع المبلغ ده كله في عربيه تستاهل ولا متستهلشي
و ياريت تجيب لي جمله قلت فيها الجين 2 وحشه انا بحب العربيه جدا لكن ليها حدود يعني زي ما قلت لانسر ولا كورولا هيعلموني الادب اصلا و ديقه و تقفيل وحش و ده مكتوب في الموقع هنا انا من كلام الناس في الموضوع هنا عنها بدئت اميل لها و قلت اجيب واحده منيول فضيه و اظبها بالباقي لكن لما نزلت بصيت علي قسم بروتن اتصدمت و لقيت ان كل كلامي صح و قلت خلاص هي لانسر زي الاول هي الافضل
مبدأيا انا صلحتلك شوية كلام عربى لان واضح ان العربية عندك بعافية شوية (طبعا شغال يا ماااااان طول الوقت :POINTIy2[2]:)
هوة بس فى تصحيح بسيط علشان صباح الاحساس بالعربية الصينى هوة كل ما فى الامر ان كان فى شراكة ما بين ميتسوبيشى وبروتون فى فترة زمنية معينة فى صناعة المحركات للعربية وادوات الجر ففين باة حضرتك احساس الصينى دة انت مش لاقى يا عينى حاجة تقولها خالص غير يا مان وصباح و صينى وبطة تقريبا هية دى كل معلوماتك عن اللغة واداب الحوار والعربيات كمان عموما مش دة موضوعنا ولو انى كنت اتوقع من طالب الحقوق انة يبقى على دراية اقوى من كدة باصول اللغة والتحاور ( دة انت المفروض حتبقى محامى كمان شوية يا ماااان :8954[1]:)
فين بس الكلام الخارج اللى انا قلتة ياريت تقولى انا قلت اية خارج وان الموقع المحترم مش حيستحمل كلامك بعد كلامى (اللى اعرفة من كلامك ان مفيش حد بياخد منك حق ولا باطل ودة اكيد على فكرة مش علشان انت قلت كدة بس لاء علشان انت تفتقد لكم هائل من المنطقية والموضوعية فى كل كلامك تقريبا ومتزعلش منى اسلوبك عامل زى الاولاد الصغيرين اللى ميعرفش يرد او يقول حاجة تطلع غلط خاااااالص يروح مدخل الدنيا فى بعضها ويغير الكلام وبردوا لما ميعرفش يرد يروح رامى اللى فى ايدة ويقول واللهى ما لاعب معاكوا تانى ويجرى على ماما وماما تقولة متلكمش الولاد الوحشين دول ( طبعا انا بقول مثال مبقولش انك قلت كدة فعلا ولا حاجة :3mla:)
وكون ان حضرتك قريت فى مشاركة فى قسم بروتون ( واحنا اتشرفنا لما بركتك حلت علينا فى القسم طبعا ) على عيوب فى التقفيل فانا احب اوضح النقطة دى
لما تكون عربية بكل الكماليات اللى قلتهالك واللى الاخوة كملوا عليا كمان لانى كنت نسيت بعضها وبقوة الموتور والفتيس والصاج والشكل الرائع اللى ميختلفش علية اتنين فى اداء وسحب او شكل وميكانيكا ونظام تعليق من افضل الشركات فى مجال نظم الثبات والتعليق الرياضى عالميا وبالسعر دة (85000 مانوال و92000 اوتو ) ويطلع فى عيوب تقفيل بس بيتهيالى دة ينطبق على امثالك المثل اللى بيقول ( ملقوش فى الورد عيب .......) وتصحيح كمان معلش حضرتك بتقول كنت عايز اجيبها فاضية هههههههه هية مين دى اللى فاضية يا ماااااااااااااان :POINTIy2[2]: مش بقولك معلوماتك عنها زيرو حضرتك فى مشاركة سابقة سردتلك فيها كل كماليتها وقلتلك دة الاستندارد بتاعها مفيش هاى لاين ولا لووو لاين يعنى العربية مبتنزلش فاضية وانت تظبطها لانها مش محتاجة ظبط الا لو حتركب عليها البدى كيت ال r3 بس
مش حرد عليك تانى واسف اذا كنت ضايقتك من كلامى الخارج اللى انا لحد دلوقتى مش شايفة واتمنالك انك تلبس كل الناس فى عواميد لان انت واضح انك بتلبس الناس حلو يا مااااان كل ما اسال عليك يقولوا راح يلبس واحد بالبومة ال 1300 وجاى على طول وخلينا نشوفك تحياتى
ههههههههههههههههههههههههه هههه
عيب تقفيل بس ولله جميله اوي يا مان دي علي وزن عيب التيوتا فتسها بيضرب بس!!!!!!!!!!!!!
هو ايه الي عيب تقفيل بس هي شربه يا مان يعني ايه تقفيلها مش كويس ادفع 92 الف في عربيه تقفيلها وحش ايه الجمال ده و دي من الاثباب الرئيسيه الي خلتني ابعد عنها اصلا و اجيب لانسر اليباني الي تقفيلها يباني 100% الي مفهوش غلطه
و معلومات زيور مش بقول لك انت بتغلط في الناس و انت مش ملاحظ يا مان طب ليه الكلمه دي يعني حد قال لك اني شغال في توكيل بروتين ولا من ملاكها ولا من محبيها عشان اعرف هي فئاتها ايه و ان كنت انت قلت لي انها مفهاش فأت يا عم اعتبر بقول فضه يعني مش فرش جلد ولا جنط!!!
و هو التظبيط بقا ازاكهربه ولا سنتر اليومين دول ولا حاجه!
تظبيط يعني تقم سوند و جنط و اسبوير و عتب و زوايد و شغل علي العربيه كلها كلام و كدا و زينون دا هو الي اسمه تظبيط يا مان
ولله انا مش بلبس كل الناس ي عماويد ولا حاجه الراجل بيقول لي اني مليش في العربيات و اعد يتريق علي قلت له طب و ريني نفسك علي الطريق يا شاطر و علي فكره انا مش برخم ولا اخلي حد يلبس في حاجه عادي كدا لازم اكون مديق منه اوي زي الشاب للزيز ده
و يا مان لو تسمع عن مقوله بتقول العربيه سواق يعني انا بال1.3 الحقيقه الي مش عجباك دي طالع من عربيات بالعبط مش هقول طالع منهم مواتير لا لعب في الطرق و لله طالع من عربيات بعدد شعر راصي و علي فكره كتير اوي فكرني 1.6 من اللعب الي انا بلعبه بالعربيه و زي ما قلت ابل كدا ادي لعربيتك تديك و انت محسسني ان ال1.3 اوتو دي يعني مش بتمشي ولا مش بتجري يا مان تسارعي في 13.4 و في ناس قفلت العداد بيها يعني مش كلبه ولا حاجه و انا الحمد لله مفوق الموتور عندي و مظبطه و الحمد لله قايم بالواجب و لعجز الي بحس بيه بيكون في النقله ال2 بس اما الطلعه العربيه بتنط فيها و ال3 بتفتح جامد فيه و طبعا الرابع مش بتحس بالموتور خالص بيطير لوحده
انا مش هقول لك انها موتورها جامد لا هو اه ضعيف بالنسبه لل1.6 و ده فرق سعه لتريه و ده عادي لكن هو موتور من اقوي مواتير فئه ال1.3 دا لو مكني اقواها اصلا
انا قلت مش حرد خلاص تانى
أنا نفسى أرد بس مش هضحى بعضويتى هنا :)
ايه يا رجاله صلوا على النبى
خلاص انا اجيب توكتوك احسن عشان ماتزعلوش
واحب اوضح نقطه صغيره
اللى بيفكر يشترى عربيه بيدور على ايه
عربيه عمليه ومعمره وقطع غيارها منتشره واسعارها معقوله وكمان سعر اعادة البيع بتاعها يكون ممتاز
فياترى الكلام عالى مين؟؟؟؟؟؟؟؟؟؟؟؟؟؟؟؟؟؟
الكورولا ولا اللنسر؟
ومحدش يقولى فرق السعر بينهم لان المهم موش المهم الكلام اللى قولته يكون متوفر فيها
اما الكلام اللى بيتقال ده مايهمنيش ذى ايه؟
ناس بتحب شكل عربيتها يبقى مميز
وناس بتحب الاوبشن يبقى عالى
وناس تحب الفخامه
وناس تحب عربيه كبيره
وناس تحب عربيه عاليه
وطبعا ازواق ولولا اختلاف الازواق لبارت السلع
بس انا بقى لازم اقول
واحد كل معلوماته عن العربيات غلط وابرزها ان البروتون جين 2 تقفيل مصرى
و نفس الشخص عربيته 1300 سىسى يعنى سحبها فالضياع وبيقنع نفسه انها اسرع من اى عربية رغم ان اغلب العربيات فشوارع مصر 1600 سى سى يعنى فالشد كله هيعلم عليه
بس بعربيته ال 1300 سى سى ممكن يسبيق و يلبس فالعواميد و شغل السيرك ده عربيات زى السوزوكى ماروتى مثلا
و بعدين ايه شغل يا مان و مش يا مان والكلام ده مع ملاحظة انه اساسا من مدينة ريفية لا حضرية زى القاهرة واسكندرية مثلا
هو الريف المصرى اتطور كده!!!!!!!!!!!!