اشتريت gen2 مستعمل بس في مشكلة ؟؟؟؟؟؟

**aammiinn** · 03-02-2008 03:36 AM

اشتريت gen2 مستعملة بس المشكلة اني مسكت كتيب الضمان لقيت الراجل صاحبها الاولانى ما رحش الضمان ولا مرة و لعربية عاملة دولوقتي 52000 km مش عارف هيكون في مشكلة لما ارووح ولا لا ؟؟؟؟؟
هي العربية اساسن ضمانها احد كاااام km ؟؟؟؟؟؟؟؟؟
شكرا

**fady204** · 03-02-2008 03:49 AM

انا مش عارف بالظبط ضمانها اد ايه بس على اى حال لا تقلق اهم حاجه روح اطمن على الزيت و الفلتر والميه و ممكن تتصل بالتوكيل تتأكد ولو لك اى ملاحظات على العربيه ممكن تشاركنا و الف الف مبروك ربنا يكفيك شرها

**tutankhamoun** · 03-02-2008 08:00 AM

بص ياباشا
أنت عادي جدا تروح التوكيل تعمل الصيانات و متقلهمش على أي حاجة
مفيش حد بيختم كتيب الضمان تقريبا

و تروح و عامل أهبل و عبيط و متعرفش حاجة ( آسف على هذا التعبير ) و لكن أعتقد أنك فاهم قصدي

المهم متعملش مشاكل مع حد هناك علشان أمرك ما يكشفش

بالنسبة لمدة الضمان
3 سنوات على السيارة أو ستون ألف كيلومتر
5 سنوات على المحرك و صندوق السرعات أو مائة ألف كيلو متر
---------------------
و ألف مبروك على العربية و ربنا يباركلك فيها
بس أنت مقلتش على التفاصيل ..... اشتريتها بكام و موديل كام و كدا يعني
.........
و لو محتاج أي خدمة راسلني على الخاص

**TAG_Turbo0** · 03-02-2008 10:34 AM

زى ما الأخ توت ألك الضمان
3 سنوات على السيارة أو ستون ألف كيلومتر
5 سنوات على المحرك و صندوق السرعات أو مائة ألف كيلو متر
على كل موديلات بروتون
بس انت روح وأطلب منهم يعملولك شيك على العربيه على أساس انك حاسس انها مش مظبوطه
وألهم مكنتش أعرف انى لازم آجى أعمل الصيانه الدوريه بس محدش حط إيديه فيها لاميكانيكى ولا كهربائى
ان شاء الله مفيش مشاكل

**mohamed el hussien** · 03-02-2008 03:17 PM

مبروك يا باشا
الاول

وممكن يكون اللي انت اشتريتها منة بيروح التوكيلويعمل صيانة
وممكن يكون مش بيروح وبيعمل برة
وممكن ولا برة ولا جوة

بس ان شاء الله خير

اطمن انت تروح التوكيل
تقول انا عايز اعمل check up علي العربية عشان العربية انا حاسهها مش مظبطة
زيوت وسيور وكلة

بس ولا تقول اي حاجة زيادة
ولا جديدة ولا مستعملة
وعادي جدا
انت موا ظب علي الصيانة وكلة تمام
ولو في حاجة في العربية تتغير
غير وقول انك كنت بتعمل صيانة مثلا لو انت في الصحراوي
قوول في المهندسين
ولو المهندسين قوول الصحراوي
كدة يعني

وعايز بقي تسيبك من كل الكلام دة

روح اعمل check up
في امير وجوزيف او اوتو ماجد
في مدينة نصر وجسر السويس

بس كدة ولا تحط في دماغك

وعلي فكرة ختي لو قولت انك شاريها مستعملة عادي
محدش لية حاجة عندك
بس منعا للاستهبال بس

وفكك من كتيب الضمان دة ولا لية لازمة

**aammiinn** · 03-02-2008 04:19 PM

الف شكر يا رجالة والله و بالنسبة ل tutankhamoun انا جبتها ب 70000 هي موديل 2006 و ماشية 52000 و حالتها حلوة و مافيهاش حاجة متهانة الحمدلله بس هو استهلاك البنزين عالي شوية يعني واصل 14 هي الصراحة اول ما جت كانت 8.7 بس هي العربية عموما محترمة جدا و ثباتها حلو جدا

**ashour100** · 04-02-2008 12:15 PM

سيدي العزيز

أعتقد عند القيام بشاء عربيات مستعملة موديلات حديثة، يبقي لازم يكون فيه سؤال أساسي وهو أخبار الصيانة الدورية ايه؟، وبما انك تغاضيت عن هذا السؤال لسبب او آخر ، يبقى محاولة علاجه الآن لا يكون بالتحايل أو ما شابه.

بمعنى روح التوكيل تعمل check أو صيانة معتادة دون الخول في تفاصيل، لو الموضوع مشي خير وبركة، لو حصل استفسارات أو عقبات أي ما كان نوعها، قول الموقف كما هو و رزقك على الله. وإن شاء الله تكون كل الامور على خير