الموضوع: رينو فلوانس ولا هوندا سيفيك

المشاركة الأصلية كتبت بواسطة adfarouk

انا دخلت على موقع سيات ملئتش أى ليون بموتور 1.6 اوتوماتيك خالص ؟؟؟
الأثنين الموجودين 1.6 مانيوال و الـقدرة القصوى ليهم 98 , 102 حصان

الفتيس الـ dsg موجود بس في الـ 1.8 & 2.0

بالنسبة للـ steering بتاع الليون هو electromechanical steering اللي هوا الـ electric steering .... نفس الموجود في الفلوانس

أولا: يا باشا الليون 1600 سي سي, 102 حصان, عزم 148 نيوتن.متر
و هو هو موتور الجيتا و الجولف الـ1.6l, و الأوكتافيا...

ضيف على ده فتيس أوتوماتيك ستيبترونيك + سبورت مود 7 سرعات dsg

ثانيا: في فرق بين الباور الكهروهيدروليك, و الباور الكهرباء فقط...

الليون باور كهروهيدروليك, و الفلوينس باور كهرباء فقط... الاثنين مش زي بعض

و هناك فرق....

المشاركة الأصلية كتبت بواسطة stormboy

انا عاوز عربيه سيدان
لعائله فيها اوبشن
سعر اعاده البيع مش مهم التوكيل يكون كويس انا مش هبهدلها و أقعد ألعب بيها
دلوقتى المقارنه بقت ما بين ليون و فلوانس

لو المقارنه بين ليون و فلوينس فقط, و حضرتك عايز سيدان... يبقى فلوينس ببساطه

المشاركة الأصلية كتبت بواسطة bukla

طب ما انت قولتها سيدان عائلية مليانة اوبشنز و توكيلها كويس مش مهم سعر اعادة البيع يبقى انت بتوصف الفلوينس
الليون عربية جميلة بس مش سيدان ولا عائلية (شبابية اكتر) و توكيلها بصراحة ماعرفوش لكن ما اعتقدش انة حيبقى افضل من توكيل رينو

تعقيب صغير يا باشا... الليون تعد من السيارات العائليه على فكره...

الليون بتصنف كعربيه هاتش باك كبيره عائليه

الفلوينس بتصنف كعربيه سيدان عائليه متوسطه

و اتأكد من كلامي بنفسك, و راجع ابعاد الليون الداخليه يا باشا...

ناس كتيييير في اوروبا اتجهت للسيارات الهاتش باك زي الجولف و الليون لأنها
عربيات عمليه جدا, و في نفس الوقت عائليه و حجمها الداخلي كبير, و شنطه معقوله

يا رب اكون قدرت اوضح وجهة النظر... تقبل تحياتي

المشاركة الأصلية كتبت بواسطة adfarouk

يا باشا أنا عارف انها 1600 طبعاً ....... أنا بقول ان على الموقع بتاع سيات مواتيرالليون الـ 1600 الموجوده كلها مزودة بفتيس مانيوال فقط

برده الـ Steering من على نفس الموقع هو electromechanical steering مش كهروهيدروليك زي ما حضرتك كاتب

على حسب معلوماتي المتواضعة ان الـ electromechanical steering هو نفسة الـ electric steering

يا ريت لو انا غلط تصححلي المعلومات اللي قولتها علشان كلنا نستفيد و نفيد صاحب الموضوع

لا يا باشا في فرق بين الاتنين أكييييد... و هقولك الفرق بشكل مبسط و بالبلدي كده

الباور الكهروهيدروليك, و هو هو (Electromechanical Steeing)
ده باور زيت و كهرباء في نفس الوقت... و ليه مميزات الاثنين

انما الباور الكهرباء فقط, و هو (Electric Steering) و اختصاره (EPS)
ده باور كهرباء فقط, و مالوش اي علاقه بالباور الهيدروليك, و مش على ضغط زيت
ده بيكون على بورده و سينسورز و عليه بتنتقل الاوامر من الدركسيون للبار المسؤل عن الحركه
----------------------------------------

بالنسه لصاحب الموضوع, انا رديت عليه بالفعل, و قلتله طالما انت طالب سيدان
و بتقارن بين الليون و الفلوينس و السيفيك.... و مافيش مجال تجيب سيفيك VTI

يبقى انت كده حسمت المنافسه لصالح الرينو فلوينس يا باشا...

و ربنا يوفقك للخير ان شاء الله....

يا ريت تقرأ مواصفات الليون كويس يا باشا... و تقرأ تحديداً الصفحه الشمال في النص

((( نظام التوجيه الالكتروهيدروليك باور ستييرنج )))