السلام عليكم
يا شباب انا حيران ما بين الفقه اللى ب158
ما بين الاثنين
عاوز نصائحكم
عرض للطباعة
السلام عليكم
يا شباب انا حيران ما بين الفقه اللى ب158
ما بين الاثنين
عاوز نصائحكم
لو تقدر تطلع لسيفيك VTI... يبقى انا لو مكانك هجيب سيفيك
لكن لو سيفيك Lxi قصاد فلوينس اعلى فئه (هاي لاين), يبقى هجيب فلوينس (لو مافيش اختيارات تانيه)
ده رأي عموما, و ربنا يوفقك للخير ان شاء الله...
شكرا يا شباب
حتى انا مرتاح نفسيا
للفلوانس
بس هى لسه جديده
و ده مخاوفنى منها بالذات ان المبلغ بالنسبه لى كبير فعاوز أجيب حاجه محترمه
و عاوز أقول مبروك ل bulka على العربيه بعد صبر طويل
شكرا
ممكن اقولكم بصراحة انكم بتعملوا مقارنة بشكل غير صحيح
دي مقارنة بالإنطباع وي مش دقيقية
لكن لو في حد عنده مواصفات كل عربية وايه اهم مميزاتها يبقي كده سليم
وتبقي مقارنة صحيحة
طيب مش تسألني يا باشا انا ليه قلت كده الأول..؟؟؟ مع كامل احترامي لرينو
الموضوع ببساطه, ان عتبي الوحيد على الفلوينس انها على نظام تعليق خلفي غير مستقل
و اللي هو (Torsion Beam), و العربيه سيدان... ده غير مقبول بالمره (في رأي)
لأن العربيه مافيهاش اي انظمه للثبات, و بالتالي احتمال التعريض وارد بقوه في مواقف كتير
و طبعا انا بتكلم عن مصر بس...
علشان كده انا مش عاجبني جزء من الأساسيات اللي في العربيه و هو نظام التعليق
علشان كده قلت (لو مافيش اختيارات اخرى), لأن الموضوع مش كماليات و بس...
و اسأل مجرب يا باشا....
اتمنى تكون وجهة نظري وضحت, و تقبل تحياتي...
الهوندا هوندا يا جدعان واليابنى يكسب مع الوقت
يا ريت طرح اختيارات اخرى اذا امكن فى نفس رنج السعر
طب ممكن نعرف ايه البيهم حضرتك اكتر في العربية ؟؟
يعني الاوبشنز , الموتور , سعر اعادة البيع , سعر و انتشار قطع الغيار , توكيل محترم نسبيا , عائلية يعني سيدان ولا ممكن هاتشباك كبيرة ؟؟
كل دي حاجات لازم حضرتك تحدد مهمة ليك ولا لأ , عشان نعرف نحدد مع حضرتك السيارة الافضل
لأن في حدود السعر دة العربيات كتير اوي , و مفيش ولا واحدة بتحقق كل الانا قلته فوق , فحضرتك بتشوف ايه الاهم بالنسبة لحضرتك و نشوف العربية الفيها الحاجات دي
عنية يا باشا .. انت جيت في الوقت الصح :w6266d ، انا مركز فيها قوي اليومين دول وعرفت كل تفاصيلها لأني ان شاء الله ناوي اغير عربيتي عشانها ...
بص يا باشا ...
السعر ... 155500 جنيه
الماركة ... سيات ( مملوكة كلياً لمجموعة فولكس واجن وتعتبر الجناح الرياضي للمجموعة )
المواصفات ...
- فتيس اوتوماتيك DSG ( نفس اللي في الجولف والباسات والجيتا 9
- تعديل وضع المقود يديويا ( تليسكوب واعلى واسفل )
- 4 زجاج كهرباء لمسه واحدة و نظام أمان إعاقة الزجاج للأطفال و التحكم بالأبواب و الزجاج و تانك البنزين من الداخل
- مساحة تخزين أمامية أسفل مقعد السائق و عدد 2 هولدر للأكواب فى كونسول الوسط
- ضوء فرامل ثالث علوى
- التحكم فى الكراسى الأمامية بالأرتفاع و الانخفاض و الأمام و الخلف و كذلك التحكم فى درجة تقوس الكرسى أسفل الظهر لمزيد من دعم منطقة الظهر أثناء القيادة + أمكانية طى ثلث الكنبه الخلفيه لزيادة مساحة التخزين الأصليه
- قفل مركزى مع تحكم عن بعد
- مزيل ضباب للزجاج الخلفى +المرايا الجانبية
- راديو سي دى مع 6 سماعات داخليه و 4 تويتر مدمج بمقابض الأبواب الأربع
- شاشت بيانات ديجيتال تعرض جميع بيانات السيارة و المشاكل و الأعطال
- تكييف تتش مع إمكانية التحكم فى قوة و برودة الهواء المتجه لليسار و اليمين حسب الرغبة ...بشكل منفصل ( Double Zones )
- جنوط كروم جنوط سيات سبور مقاس 16
- عداد السيارة 240 كم
- إغلاق جميع إجزاء السيارة الأبواب و فتحة السقف و المرايا من الريموت كنترول
- مقود هيدروليك
- مرايا كهربائية ( ضم كهربائي ) و فتحه سقف
- اضواء ضباب -فوج لايت أمامى(تلتف مع المقود حسب الاتجاه لوضوح الرؤيا) و خلفى
- بلوتوث سيستم و نظام بلو مى للتحكم فى المكلمات أثناء القيادة بالأوامر الصوتيه و مسجل يبانات للأشخاص
- مثبت سرعة
- مقياس لحرارة الجو الخارجية
- نظام تصفية الهواء- فتحة السقف معالجة لمنع الحرارة و الأشعة الضارة
- طارة الدريكيون و مقبض ناقل الحركة من الجلد الطبيعى
- جهاز انذار
- 1600 سى سى .102 حصان ( نفس موتور الجيتا والجولف ال 1600 والأوكتافيا )
- ضمان 2 سنه بدون حد أقصى للكيلومترات
دهان السيارة و العفشة معالجة ضد الصدأ و ضمان ضد الصدأ مدى الحياة
الصور
[sor2]http://4.bp.blogspot.com/_FoXyvaPSnVk/SYx97nNTKmI/AAAAAAABh4w/qW0-gVdt2J8/s1600/2009-SEAT-LEON-2.jpg[/sor2]
[sor2]http://4.bp.blogspot.com/_FoXyvaPSnVk/SYx970USDyI/AAAAAAABh44/o0lDo_KmKEE/s1600/2009-SEAT-LEON-3.jpg[/sor2]
وده لينك صورها على موقع سيات
LEON -> GALLERY
وده فيديو كمان
[youtube]http://www.youtube.com/watch?v=ltlFo0YVnb0[/youtube]
ولو عندك أي سؤال أنا في الخدمة
طب ما الليون بردة سعر اعادة البيع مش قد كدة الفلوينس لسة ما نقدرش نتكلم فى سعر اعادة بيعها يزود 2500 جنية و ياخد الفلوينس فيها كل اللى انت قولتة دة و زيادة علية كمان الاتى
6 ايرباج
كشافات زينون تلقائية التوجية حسب اتجاة السيارة ذاتية الغسيل
باركينج سينسور
فرش جلد طبيعى بتدفئة زاتية
نظام كارت رينو قفل الابواب و المرايات ذاتى و زرار start/stop
محدد سرعة بالاضافة لمثبت السرعة
تحكم كامل فى الكاسيت من الدركسيون
باور الدركسيون كهربائى وليس هيدروليكى
صالون اوسع و شنطة مهولة 530 لتر بالاضافة الى الستائر الخلفية
1600 سى سى 105 حصان
ضمان 3 سنوات
توكيل مميز بشهادة الجميع
الليون بردو فيها 6 ايرباج
وبردو تحكم كامل في الكاسيت من الدركسيون وكمان تحكم كامل في الموبيل من خلال كاركيت كامل
الباور الهيدروليكي ( كهرباء وزيت مع بعض ) وده احسن من الكهرباء فقط
وبردو فيها مثبت السرعة
الفوج لايت ذاتي التوجيه حسب اتجاه العربية والكشافات يمكن تعديلهم من الداخل عادي
صالون الليون واسع ومريح جداً ،
غير الفتيس ال dsg واللي طبعا يتفوق بكتير على فتيس الفلوانس
أضف الى ذلك ان نظام التعليق في الليون احسن من الفلوانس لأنه متعدد الأذرع وده مش موجود في الفلوانس ،
فوق ده كله ، لا شك إن اعتمادية السيارات الألماني وخصوصا فولكس واجن جروب اعلى طبعا من الرينو وأكثر جودة وتحمل ، وبصراحة كمان تصميم الليون اجمل بمراحل من الفلوانس بكتيييييييييييييييييييييي يييير وطبعا النقطة دي اذواق
وفيه حتة كمان بسيطة يمكن متفرقش مع ناس كتير ... عندك الفلوانس اول فئة ب 113000 تقريباً واعلى فئة ب 158000 ، يعني هتلاقي نفسك وانت ماشي في الشارع لو انت جايب الي ب 158000 هتلاقي زيك زي اللي راكب ام 113000 وكمان في البيع هتلاقي فرق السعر بينهم في المستعمل بسيط قوي ...
لكن الليون فئة واحدة وبريستيجها اعلى واشيك واكثر تميز ..وبردو الليون سعر اعادة بيعها افضل من الفلوانس
وطبعا في الأول والىخر احنا بنعرض وجهات نظر ممكن تفيد صاحب الموضوع مش اكتر
انا دخلت على موقع سيات ملئتش أى ليون بموتور 1.6 اوتوماتيك خالص ؟؟؟
الأثنين الموجودين 1.6 مانيوال و الـقدرة القصوى ليهم 98 , 102 حصان
الفتيس الـ DSG موجود بس في الـ 1.8 & 2.0
بالنسبة للـ Steering بتاع الليون هو Electromechanical Steering اللي هوا الـ Electric Steering .... نفس الموجود في الفلوانس
انا عاوز عربيه سيدان
لعائله فيها اوبشن
سعر اعاده البيع مش مهم التوكيل يكون كويس انا مش هبهدلها و أقعد ألعب بيها
دلوقتى المقارنه بقت ما بين ليون و فلوانس
شوف يا باشا بغض النظر عن موضوع الليون و الفلوانس عموماً مفيش حاجة أسمها أحسن عربية
أهم حاجة العربية تكون best value for money
و موضوع الـ value ده من وجهة نظري طالما العربيات اللي بتقارن بينها كلها ماركات محترمه ممكن يختلف من واحد للتاني
يعني ممكن واحد يشوف حاجات معينة في عربية من وجهة نظره تعتبر أهم حاجة في العربية و مش ممكن التنازل عنها مقابل أي مميزات تانية موجودة في عربية اخرى و حضرتك تشوف العكس
خلاص اتوكل على الله و احجز الفلوانس
عندى سؤال هيا فيها
فتحه سقف ولا لا
ايه اقرب فرع للتوكيل من مدينه نصر
شكرا
أولا: يا باشا الليون 1600 سي سي, 102 حصان, عزم 148 نيوتن.متر
و هو هو موتور الجيتا و الجولف الـ1.6l, و الأوكتافيا...
ضيف على ده فتيس أوتوماتيك ستيبترونيك + سبورت مود 7 سرعات dsg
ثانيا: في فرق بين الباور الكهروهيدروليك, و الباور الكهرباء فقط...
الليون باور كهروهيدروليك, و الفلوينس باور كهرباء فقط... الاثنين مش زي بعض
و هناك فرق....
لو المقارنه بين ليون و فلوينس فقط, و حضرتك عايز سيدان... يبقى فلوينس ببساطه
تعقيب صغير يا باشا... الليون تعد من السيارات العائليه على فكره...
الليون بتصنف كعربيه هاتش باك كبيره عائليه
الفلوينس بتصنف كعربيه سيدان عائليه متوسطه
و اتأكد من كلامي بنفسك, و راجع ابعاد الليون الداخليه يا باشا...
ناس كتيييير في اوروبا اتجهت للسيارات الهاتش باك زي الجولف و الليون لأنها
عربيات عمليه جدا, و في نفس الوقت عائليه و حجمها الداخلي كبير, و شنطه معقوله
يا رب اكون قدرت اوضح وجهة النظر... تقبل تحياتي
يا شباب مفيش واحد
يحطلى مقارنه ما بين
الاثنين جنب بعض علشان انا دخت و حاسس انهم قريبين اوى من بعضهم
هنا ابعاد الليون ومواصفاتها
http://6ljfbw.bay.livefilestore.com/...9/leon%202.jpg
وهنا ابعاد الفلوينس اظن الفرق فى الحجم واضح
http://img38.imagefra.me/img/img38/6...5m_9955460.jpg
اما لو عايز مواصفات الفلوينس شوفها بنفسك
http://img40.imagefra.me/img/img40/2...om_ebac0d9.jpg
فين ابعاد الليون الداخليه يا باشا..؟؟؟!!!
انت قارنت الأبعاد الخارجيه ببعض..؟؟؟ مش ده القصد, انا بتكلم على مقصورة الركاب
و على فكره, انا بقولك هتلاقي الليون ابعادها الداخليه كبيره و كافيه جداا, بس ماقولتش انها اكبر من الفلوينس
لأن اكيد مش اكبر من الفلوينس, بس ده بردو مايمنعش انها سياره عائليه من فئة الهاتش باك الكبير
أرجو اني اكون وضحت وجهة نظري..
انا اعتقد ان السيارة العائلية يعنى سيدان يعنى صالون واسع يعنى شنطة كبيرة (الليون 341 لتر الفلوينس 530 لتر ) يعنى مش مهم قوى التسارع و الجرى و الحرق و الفتيس dsg
كلامى مش معناة ان الليون مش عاجبانى لكن انا مش قادر انى اقتنع انى لو عايز عربية عائلية حختار ما بين سيدان و هاتش باك
ارجوا ان تكون وجهة نظرى انا كمان وضحت
نفسي أعرف ايه علاقة الشنطة بالجواز والخلفة وانها تكون عائلية ..
يعني مثلا اللي متجوز ومعاه اولاد هيحطهم في الشنطة بتاعة العربية ؟؟؟؟
فعشان كده عاوز شنطة كبيرة ومش مكفيه شنطة 350 لتر زي اللي في الليون وكمان يقدر يطوي الكنبة وتبقى بحر لو هو مثلا ناوي ينقل عفش بيته في العربية !!
بجد مش فاهم ايه وجه الربط بين الشنطة والعيلة ، ايه المانع انها تكون هاتش باك وشيك وشبابي وعائلية بردو .. دي حتى كده تبقى حاجة جميلة .. ولا هوه الواحد اول ما يتجوز ويخلف لازم يعيش في مود رب الاسرة اللي راجع من الشغل بجرنال تحت باطه وشايل بطيخة في ايد وبجنية عيش في الأيد التانية .. ولازم لو اشترى عربية تكون بشنطة عشان العيال حنى لو صالونها مش واسع ولا حاجة ، وحتى لو الهاتشباك كبيرة وصالونها كبير ومريح لعيلة وكل حاجة .. بس بردو لازم الشنطة ، امال ايه ! هيودي العيال فين يعني ! ولا يقعدهم في الصالون عشان يبهدلوه .. لأ طبعا لازم شنطة يحط فيها العيال ؟؟:F_eyeb1[1]:
نسيت تقول الاتى :
DSG الفتيس دة كلة مشاكل فى اوروبا ...و ظهرت فى مصر كمان فى بعض مودلات الفولكيس ::majd(4):
Volkswagen GTI Transmission Problems - CarSpace Automotive Forums
Scirocco Central • View topic - problem with dsg
Calling all DSG owners - Audi Forums
http://www.nilemotors.net/Nile/146613-dsg-7-shift.html
-الليون تصميم قديم 2006 ...حتستبدل قريبا "موديل قديم "
- اربع نجوم فى الامان "مستوى متواضع مقارنة بارقام 2010"
- نظام التعليق متعدد الوصلات لا يوفر اى ميزة اضافية فى الثبات "بالعكس دة بيقلل الثبات "
باختصار الليون عربية ظريفة لكنها تقريبا فشلت فى مصر و مبيعتها متواضعة جدا ..دة غير توكيل متواضع المستوى و قطع غيار غالية جدا "و مش متوفرة كمان "
الشنطة مش بيحط فيها العيال لكن بيحط فيها متطلبات العيال و بعدين العيال بيكبروا يعنى بيحتاجوا مساحة مستريحة يقعدوا فيها من غير ما يضايقوا بعض و بعدين انا مش عارف لية انا حاسس من لهجة حضرتك انك متعصب شوية المسألة ملهاش علاقة ببطيخة و لاجرنال اعتقد فى بعض الامور اسأل المجرب انا عندى اسرة مكونة منى انا و زوجتى و لد و بنت و عارف يعنى اية سفر لمصيف او مشتى و احتيجنا لمساحة كبيرة فى الشنطة
يا باشا اعذرني .. ايه البطيخ اللي انت كاتبه ده .. معلش والله متزعلش .. بس بجد ده بطيخ ..
1- الليون لسه معمولها Facelift 2010 يعني مش قبل اربع او 5 سنين لما يفكرو يغيروها ، ده غير ان تصميمها حتى لو من 2006 ولكنه حديث وعصري ومشوفتش اجمل منه ولا احدث حتى الآن
2- مين يا باشا اللي ضحك عليك وقالك ان النظام متعدد الوصلات مش بيوفر اي ميزة اضافية ... لأ وكمان بيقلل الثبات .. اذا كان هو احسن نظام في الراحة والثبات مع بعض وكمان لما تنفيذه يكون من VW يبقى صباح الثبات الذي لا يقارن ، معلش يا باشا الحتة دي بالذات شادر بطيخ
3-مين اللي قالك أن توكيل سيات متواضع المستوى و قطع غيار غالية جدا "و مش متوفرة كمان " ، الكلام ده خطأ تماماً ، وكل اللي معاهم سيات بيشكروا جداً في التوكيل وفي خدمات الصيانة ومهارة العاملين به على اعلى مستوى ، وقطع الغيار عمر ما حد اشتكى منها ولا من وفرتها واسعارها ممتازة واقل من مثيلاتها بفرق واضح ، وارجع لقسم سيات وشوف اسعار قطع الغيار وانت هتعرف انه كلام فعلا بطيخ .
وأخيراً ، الفتيس ال DSG فعلا ظهرة فيه مشاكل وده كان مع الموتور ال TSI وتم تلافيها في موديلات 2010 ، وهو فتيس ثورة في حد ذاته وآدائه لا يقارن باي فتيس تاني ومحطوط في أغلى العربيات في العالم ، لكن مش تقولي كله مشاكل ، في ذمتك مش بطيخ ..
وأخيراً اوعى تزعل مني ، أحسن ازعل منك ، انا بتكلم معاك كده عشان احنا هنا كلنا اخوات :w6266d
تم حصولك على " تنبيه " لمخالفة القاعده 13
13/5/2010
4:30 am
مشرف 12 ب