ارجو الافاده من زوي الخبره مع الجمارك المصريه

**أحمد كمال** · 12-05-2010 03:47 PM

المشاركة الأصلية كتبت بواسطة hondaaaa

طب دلوقتى عندى سؤالين اولا ازى 32% نسبة ثابتة ما ممكن الموتوسيكل يكون فى الخليج مثلا يبقى شحنة قليل ولو كان فى امريكا يبقى شحنة غالى ازى اتحسبت النسبة دى ؟؟؟ ثانيا الموتوسيكل موديل 94 معنى كدة انه مستعمل يعنى شارية من شخص مش من توكيل يعنى ممكن تحطوا اى سعر على مزاجواا يبقى ازى هيتحسب نسبة 32% ..كمان انا اسمع فى الخليخ مينفعش ينزل موتوسيكل الا لزم يكون اول مالك ويكون موديل عالى مش اقل مثلا من 2007....ارجو الافادة من الناس الخبرة فى الجمارك

1- النسبة 32% ثابته من سعر الموتوسيكل + الشحن

يعني لو الموتوسيكل ب 20 الف و الشحن ب 5 الاف يبقى 25 الف ..... احسب 32% منهم يبقى 8 الاف جنيه

2- فعلا في حالة المستعمل الموضوع بيبقى فصال زي سوق الخضار ..... الراجل يقول لك 50 تقول له 20 يقول لك 40 تقول له لأ 20 الخ الخ

3- مفيش حظر على استيراد الموتوسيكلات المستعملة ...... الحظر على استيراد الموتوسيكلات ذات المحرك ذو الشوطين two-stroke engine

**just_Welah** · 12-05-2010 07:00 PM

شكرا للافاده طبعا هو الموتوسكل بتاع واحد صاحبي بره وهو عايز يبيعه CBR 900rr موديل 96 طبعا في الحاله دي هوه هيبعلي بتوكيل من بره وهيشحنهولي ومن هنا انا هخلصه جمارك
انا عايز اعرف سعر الموتسكل بيتقاس ازاي يعني لو هو هيحكم بالشكل اخليه يكب علي الفاير زيت مثلا وهو بيشحنه وانا هنا اغسله بعد ما اخلص
بس هو كده كده في ورقه حته هيبقي 900 سي سي
ولا هيحكم بالمبايعه بتاعته بره . يعني انا ممكن اخليه يبيعه لحد وياخده تاني بي 200 يورو ولا حاجه
[OVERLINE]وانا كنت سالت المكنه دي ايه سعرها في مصر يعني اتكل علي الله واجبها ولا هخسر فيها وليها قطع غيار ولا لاء ؟ [/OVERLINE]
وفي مواتير 2 ستورك في مصر بس مش كتير اغلبيتها gsx r suzuki بس فيه برده aprilia
شكرا علي التقدير المبدئي للسعر طبعا لكل اللي رد وحاول الافاده بس انا بجد مهم عندي اعرف ايه ظروف المكنه دي هنا عشان دي اول مره اركب حاجه بالحجم ده سواق في الماتور او الوزن وانا مش ركيب قوي يعني اه اتعلمت وجبت مكنه كانت بتطلع عيني والاسم ياباني والصيني ليه كرامه عنها علي الاقل مبترجعش زاقق
ودي وزنها اكبر من التانيه بحوالي 100 كيلو يعني هتقطم وسطي لو اتزقت
وهيا عامله بره تقريبا حوالي 2000 يورو يا استاد احمد بالنسبه للمكن بره ال 600rr 2003 مثلا عامله 3000 يورو 954 زي بتاعت otefa ربنا يباركله فيها طبعا ويحميه من شرها بتعمل برده ال 3000 يورو
فتعتبر مش رخيصه لان اقل مكن في اوروبا هوندا 600 سي سي
في حاجات تانيه سعات اقل بس مصر ربطانا بالهوندا :S

**otefa** · 12-05-2010 07:53 PM

ليه بس مداخلة صغيرة ال 954 الي معايا جابتلي من اسبوعين بما يوازي 30000 مصري ده من غير مصاريف الجمارك والشحن ومارديتش ابيعها.....حالة الريسينج هي الي بتحكم في الأول والأخر......فيه كمان بيتباع ب 18000 بس هاتاخد حاجة خلصانة.......ال 954 الي معايا ماشية دلوقتي 8000 كيلو بسسسس.......وبالمناسبة جابتلي في مصر 45000 السنة الي فاتت وماقبلتش بالسعر علشان مش هلاقي الحالة دي بسهولة تاني.......ألا لو جبت زيرو وحرام عليا ادفع تمن الجديدة وانا مابستعملهاش يومياوالي معايا لسة بحالة الزيرو........مش عارف بصراحة انت بتجيب الاسعار دي منين.

**otefa** · 12-05-2010 08:05 PM

وفي الاول والاخر دي ارزاق ربك مقسمها وكل واحد بياخد رزقه.

**just_Welah** · 12-05-2010 08:16 PM

المشاركة الأصلية كتبت بواسطة otefa

ليه بس مداخلة صغيرة ال 954 الي معايا جابتلي من اسبوعين بما يوازي 30000 مصري ده من غير مصاريف الجمارك والشحن ومارديتش ابيعها.....حالة الريسينج هي الي بتحكم في الأول والأخر......فيه كمان بيتباع ب 18000 بس هاتاخد حاجة خلصانة.......ال 954 الي معايا ماشية دلوقتي 8000 كيلو بسسسس.

ده عشان سعادتك بتركب المكنه ترفيه انما انا ال 945 اللي شوفتها واتكلمت عليها كانت ماشيه 18000 وال cbr900rr اللي انا بقول عايز اخلي صاحبي يبعتهالي ماشي حوالي 40 الف وكسور بس بصراحه مدام استعمالك كده حرام تبعها مكنه كويسه جدا 10/10 وبحالتها وانت من كلامك ان عندك خبره كبيره وكمان سنك مش صغير يعني مش هتهينها
وعلي فكره محدش بيبيع ريس غير ل 3 اسباب
1 فتح بقه
2 هجيب حاجه احسن
3 هيبطل ركوب
وانا شايف ان انته والريس اللي معاك بعاد كل البعد عن ال 3 اسباب دول

ياريت لو حد يرد عليا ويقولي ال 900 rr بالحاله اللي عمال اقولها في الموضوع وممكن ارفعلها صوره كمان تعمل كام في مصر لاني ممكن متاقلمش مع مكنه بالماتور ده فعلا ووزنها 253 كيلو انا كنت راكب cbr 250 وزنا حاوالي 160 كيلو
سني 25 سنه انا هادي مع الناس مجنون مع نفسي وبخاف مش شيطاني بصراحه لانه لو اتلم علي المكنه دي مش عارف ايه اللي هيحصل :S فممكن بعد مجبها ابيعها او ادخلها في حاجه اقل 400 فاير مثلا حاجه اضمن اني اتحكم في قوتها 200% بس ده في حاله واحده اني اعجز اني اتعامل معاها وربنا ميوصلناش للنقطه دي
وقطع غيارها .. معلش انا بلح في الموضوع ده والله عشان انا الواد مستني مني تليفون يشحنهالي ومش عارف اقعد من غير مكنه لان علي اد ما ال 250 كانت مطلعه عيني علي اد ماتعودت علي الركوب ومش عارف امشي بصرف اكتر من مصروفها تكسيات ومواصلات وحاسس ان في عيل من عيالي تايه ( اتا مش متجوز الحمد لله ) بس حته مني رايحه

**otefa** · 12-05-2010 08:24 PM

تمام ياباشا وضحت الصورة........بس علي فكرة ال954 وزنها فاضية 176 كيلو بس أزيد 10 كيلو من ال250.....موديلات اواخر 80 واوائل ال90........وربنا يوفقق في حاجة كويسة أن شاء الله

**just_Welah** · 12-05-2010 11:03 PM

المشاركة الأصلية كتبت بواسطة otefa

تمام ياباشا وضحت الصورة........بس علي فكرة ال954 وزنها فاضية 176 كيلو بس أزيد 10 كيلو من ال250.....موديلات اواخر 80 واوائل ال90........وربنا يوفقق في حاجة كويسة أن شاء الله

انا دورت علي الموديل ده اواخر 80 اوائل 90 حتي اواخر 90 ملقتش والله في البلاد اللي ممكن حد يبعتلي منها ولا حته واحده توحد ربنا لقيت كله 2002-2003 بس وولاسف اللي اعرفه ان اللي فوق ال 2000 ده جمركه بيبقي وحش اما يبقي 954 كمان ده يبقي تيييييت
وانا في اسكندريه كبيري احط التالت بتاع المكنه دي علي الكورنيش ال 900rr ممكن احط الرابع
بس مشكور وشرفتني بردك ومرورك