عدل فانوس البومه بنفسك

**أبو إياد** · 12-05-2010 04:57 AM

السلام عليكم ورحمة الله وبركاته

اخيرا تم الانتهاء من اول تجربه لتعديل الفانوس الخلفى للبومه وطبعا النتيجه مش هاتكون 100% الا انها كبدايه انا شايفها مقبوله وناس شايفاها كويسه جدا وناس شايفاها مش اد كده
المهم انى حاولت ونفذت واللى شجعنى على كده ان اساسا الفانوس مكسور وراميه فى البيت ومالوش لازمه عندى

الكسر كان فى الوش بتاع الفانوس ركزت فيه لقيت ان في كفر على شكل عدسه داخليه فى الجزء الكبير العلوى من الفانوس اللى هما بتوع النور وبتوع الفرامل ياعنى كده كده اللمبه مش هاتتسرق قولت يبقا اشيل الوش بس لقيت ان الجزء السفلى هايكون معرض لسرقه اللمبات منه فجاتلى فكره انى احتفظ بالجزء السفلى من الوش لكن كتجربه اولى فصلت الجزء العلوى عن السفلى بطريقه غريبه اوى وغير متقنه ودى اول مشكله
المشكله التانيه ان اطراف الوش بتخدم على صاج السياره فلما شيلت الوش اصبح فى فراغ كبير بين الفانوس وبين جسم السياره

مساعدتكوا بقا فى فكره جديده نحل بيهم المشكلتين دول
والصور هاتبين كل الكلام ده
علشان انا عاوز انفذهم فى فانوسين على رواقه ونظافه

1- شكل الفانوس بعد فصل الجزء العلوى وطبعا لان الفانوس بايظ هنلاقى ان الوش فى الجزء السفلى اصفر

..

2- هانلزق الاجزاء اللى مش هاتترش زى اللى فى الصوره

..

3- شكل الفانوس بعد فك اللزق

..

4- الشكل النهائى مع تفييم الجزء السفلى احمر ولو ابيض هايكون اشيك

..

5- ده الفرق اللى سببه عدم وجود الوش

..

التكلفه
اسبراى اسود مط 8ج
بكره لزق 5ج

**m_waheed** · 12-05-2010 10:41 AM

دايما الإبداع والإبتكار هما طريق التميز والنجاح

**Xander2010_Evo** · 12-05-2010 11:56 PM

أنا شفت واحد عامل نفس الشكل ده بالطريقة دي بالظبط
بس ف بومة فضي ف إسماعيلية
ماشاء الله بداية جميلة
إستمر ف إبدعداك يابو إياد

**devilishtigers** · 13-05-2010 03:01 AM

ما شاء الله عليك يا ابو اياد افكارك حلوة. ومستنين افكار تانية.
بالنسبة للجزء المفارق انا مش عارف بصراحة بس يا ترى الحليات النيكل اللي بتركب على الفانوس تنفع ولا لأ.؟؟؟ وهل ممكن تترش.؟؟؟

**Ahmed Nouh** · 13-05-2010 12:36 PM

تسلم ايدك يا ابو اياد والله

بالنسبه لحته الجزء بتاع الاشاره فدى سهله اظن لو فكيت الوش كله برا وبعدين قطعته على الحز الفاصل بينهم هتظبط معاك , بس تبقى مشكله الفروق دى عايزه حل

مينفعش مثلا تسيب اطراف الباغه ماسكه بسيليكون وتقطع انت من جوا على اطراف البلاستيك بتاع الفانوس نفسه بحيث يبقى الوش من برا موجود ومدارى الفروق بس من جوا بيت الفانوس نفسه شفاف ؟

**أبو إياد** · 13-05-2010 07:57 PM

صح يا احمد فكره جامده بس مش انا اللى هاقطع الوش انا سالت واحد بتاع فايبر قالى هاته وانا اقطعه وبكده هايقدر يعمل فريم علشان الفارق باذن الله لو كده هاشترى فانوسين صينى واعمل فيهم الكلام ده

**Ralliart** · 15-05-2010 01:13 AM

فكره جامده وشفت واحد مطبقها في نيسان صني قبل كده
بالنسبه للمشكله بتاعت الوش ممكن تروح مصنع الاهرام للبلاستيك اللي في التوفيقيه وقولهم يصبو الفريم والحته بتاعت الاشارات بس وهيعملوهالك من غير قص ولا حاجه وهيبقى شكلها احسن من انها تتقص ،والوش كان ب7 جنيه

**kasten** · 15-05-2010 01:20 AM

ممتاز يابوإياد

-

الموضوع: عدل فانوس البومه بنفسك

LinkBack

أدوات الموضوع

عرض

-

-

المواضيع المتشابهه

فانوس لادا 2107 امامى حتة واحدة (مش اشارة +فانوس)

حد عنده فانوس او وش فانوس فيات ماريه او برافا شمال

للبيع 2 فانوس خلفى لانسر ارنبه و2 فانوس اشاره صغير وفوانس شنطه

فانوس led للساجا احسن من فانوس الفيس لفت الجديد

غيير شكل الجنوط بنفسك...ادخل وشوف بنفسك...وقول رأيك ؟

الكلمات الدلالية لهذا الموضوع

المفضلات

المفضلات

ضوابط المشاركة