-
هو انا غلطان ؟
السلام عليكم يا جماعه
امبارح كنت ماشي في صلاح سالم على الضهر و كده فجاه العربيه اللي قدامي وقفت انا ملكت نفسي و بقف قبليها بحوالي نص متر ببص ورايا لقيت ميكروباص طاير و بيفرمل و مش لاحق نفسه و حيخش فيا فكنت سايب الفرامل و العربيه في اخر الفرمله و دخلت في اللي قدامي ببراحه مش جامد علشان ادي المكروباص مسافه يلحق نفسه فيها بدل ما يلبس فيا و البس في اللي قدامي وتبقى سلسله حصلت معايا قبل كده
المكروباص لحق نفسه بغرزه:_Alshmokh08[1]:وسابنا و مشي
و نزلت الحمد لله العربيتين محصلهومش حاجه و لا البويه اتاثرت الراجل لسه جاي يتكلم قعدت اعتذرله و ابينلع الوضع بس غالبا مهتمش بكلامي و قعدت اعتذرله و معرفتش انقله الصوره صح
اللي انا عملته ده كان اتقال ليا قبل كده ان اعمله لو على كورنيش الاسكندريه و ان لما افرمل لازم ابص ورايا مش قدامي:ma:
تفتكروا انا غلطان رغم النتيجه ان مفيش اصابات حصلت لا بشريه و لا في السيارات و لا ايه العمل
-
هو اكيد حضرتك الغلط الوحيد ان لازم تبص في المرايه قدامك ووراك وربنا يكفيك شر طريقك
-
لأ هو اللى انت عملته مش غلط لان انت عملت حل وسط لا يؤذيك و لا يؤذى من امامك و المفروض الراجل اللى قدامك طالما محصلش حاجة لعربيته كان يقول حصل خير و خلاص لكن طبعا لان احنا عندنا قاعدة اللى ورا تملى هو الغلطان عشان كده هو كان زعلان لانه مركز على حتة ان انت اللى خبطت فيه و هو شايف ان ده غلط حتى لو ما اتسببلوش فى خساير....
بس خلى بالك لو عربيتك فيها ايرباج لان ساعتها يفضل تسيب اللى وراك يخبط فيك احسن من خطر ان الايرباج يفتح لو الخبطة الامامية كانت جامدة..... انا اخترت كده لما حصل موقف زى بتاعك ده
-
بص هى عملية تقديرية فى الاول والاخر وربنا ستر
-
اعتقد انك مكنتش لازم تلمس العربيه اللي قدامك لان المكروباص لو دخل في العربيه مش كان الجزء الصغير هيحوش الخبطه عموما حصل خير.
-
لأ ما كانش لازم تلمس العربية اللي قدامك
أكيد ماينفعش الواحد يسبب ضرر لواحد تاني ملوش ذنب
زي اللي يبقى داخل فجأة على حفرة ولا حاجة في الأرض ..تلاقية قام رامي نفسه شمال ولا يمين علشان يتفادى الحفرة ومفكرش إنه ممكن يتسبب لنفسه ولغيره بضرر أكبر من الحركة اللي عملها
-
-
تمام كده بس هو الفكره ان لو مكنتش ريحت كانت الخبطه طالتني و طالت اللي قدامي لان الحاجات ديه لما بتحصل مش بتاخد عربيه واحده
وربنا يسترها علينا كلنا و شكرا جدا لكل الاعضاء للايضاح
-
حل كويس من وجهة نظرى لانة كدة كدة لو كان الاخ بتاع الميكروباص دة دخل فيك يعنى لاقدر الله كانت عربيتك هاتزحف وتخبط فيه برضة
فانتا لما خفف الحمل بتاع الفرامل كانت هاتريح الخبطة شوية وتحمى نفسك واللى قدامك
وربنا يستر طريقنا جميعا
-
Content Relevant URLs by
vBSEO 3.6.0 PL2