اطلب المساعدة فى مشاكل شيفروليه لانوس 2010 هام وعاجل

**MIMIC** · 12-05-2010 09:21 PM

والله انا مش متأكد انك لواتصلت بحماية المستهلك هيعملو حاجة بس للضمان بدام بتروح عندهم وبيغرو كل حاجة ومعترفين بغلطهم يبقى خليك وراهم وامرك لله بس نصيحة اي فاتورة او ورق تصليح تعملو عند التوكيل خليه معاك علشان يبقا ليك الحق وانت بتطالب بيه .... وعللى العموم متقلقش العربية كويسة وحمالت أسيه انا في اقل من سنه عامل بيها 35 ألف كم على العموم خليك وراهم للآخر بس ابقا حمر عينيك شويه لأنهم مش بييجو إلا بالسك بس ده لو في حالة انك حسيت انهم ركنينك او مطنشينك قول انك عايز تقابل مدير المحطة وبعدين هددوا بالإتصال بحماية المستهلك وده رقم الخط الساخن 19588

**MMamdouh** · 13-05-2010 01:35 PM

المشاركة الأصلية كتبت بواسطة islamnasser10

حتى لو كان العيب فى الدبرياج او الموتور؟
علشان قريت فى اقسام تانيه واحد لقى عيب فى دبرياج عربيتة اللى لسه شاريها زيرو
والتانى موتور عربيتة بياكل زيت والعربية زيرو برضه
والاتنين رافضين تصليح العربية وعايزين عربيات جديده او فلوسهم ترجعلهم
اية رأى حضرتك؟

واحد تالت برضه اشتري عربية لقى فيها بارومة فى كذا مكان
كل ده فى عربيات جديده امال المستعمل يبقى عامل ازاى

مفيش توكيل بيبدل عربيات... هو فقط ملزم بتغيير القطعة المعيبة

و فيه قصة مماثلة حصلت لواحد صاحبى و كانت تخص طقم دبرياج ثم بكرة كرنك ثم اويل سيل كرنك و تم تغيير جميع الاجزاء مجانا لكن لم يتم تبديل السيارة

MMamdouh

**hugan** · 13-05-2010 02:47 PM

المشاركة الأصلية كتبت بواسطة محمد ابراهيم 1

إعتماد الشركات بشكل مبالغ فيه على المكونات الصينية من اجل خفض التكاليف هو السبب فى ظهور هذه الأعطال

ده حتى تويوتا بتصنع مواتير العربيات الكورولا الجنوب أفريقى فى الصين

+111111111111

**islamnasser10** · 13-05-2010 09:12 PM

المشاركة الأصلية كتبت بواسطة mmamdouh

مفيش توكيل بيبدل عربيات... هو فقط ملزم بتغيير القطعة المعيبة

و فيه قصة مماثلة حصلت لواحد صاحبى و كانت تخص طقم دبرياج ثم بكرة كرنك ثم اويل سيل كرنك و تم تغيير جميع الاجزاء مجانا لكن لم يتم تبديل السيارة

mmamdouh

فيه فرق بين ان القانون فى مصر لا يسمح باستبدال السيارة باخري او ان القانون موجود ولكن محدش بيعرف ياخد حقه علشان الاساليب الملتوية والتحايل على القانون
حضرتك تقصد انهى واحده منهم؟
المفروض فيه بند فى العقد ان السيارة تستبدل باخري خلال 14 يوم فى حالة انها اتصلحت 3 مرات لنفس السبب؟ بس المشكلة ان مراكز الصيانة مش بيدوا حد امر التشغيل او اللى يفيد بان السيارة اتصلحت 3 مرات لنفس السبب علشان فاهمين كده كويس وفيه اسباب تانيه تخلى من حق العميل انه يطالب باستبدال العربية بس انا مش حافظ البنود دى
اتمنى اكون صح لان لما واحد يشتري عربية جديدة مليانة عيوب وبتتفك وبتتصلح قدامة تبقى جديدة ازاى بس
لكن جهاز حماية حقوق المستهلك ممكن يقعدك جنبه سنتين علشان يثبت ان العيب فى العربية مش سوء استخدام فاحنا بنقول وعلى ايه تتصلح احسن