مين اللبيب ده يا رجاله :)
عرض للطباعة
مين اللبيب ده يا رجاله :)
طب شد حيلك معايا وشوف لي سهم تانى مع الكابلات
انا ناوي اخش بتقلي
انا الىل هنقذ البورصة المصرية من الانهيار
انا الى هشد البورصة المصرية من تانى لفوق
انا اللى هخلي المؤشر كله اخضر في اخضر في اخضر (ويا ريت ميجيش واحد لسة مبتأ زيي ويقولي اخضر هو انت هتشتغل في الدولار)
انا اللى هولع البورص من تاني
انا اللى هخلي المؤشر يعدي ال10 الاف نقطة
هخش البورصة بييجي 3 ولا 4 الاف جنيه
اي اي اي :khd: :khd: كل ده ضرب خفوا شوية يا ظلمة هاتبقوا انتم وماجد شوقي
واضح انك بتهزر
بس لو بتتكلم جد الاسهم اللي انا مهتم بيها و عايز اقلل متوسطات سعر شرائي ليها و شايف انه وصلت الحضيض
كابلات , اسكوم , بايونير , المصرية للدواجن
حصل معايا موقف غريب و عايز أسألكم لو حصل موقف زيه مع حد فيكم ....
انا بشتغل مع شركة حلوان للسمسرة مع فرع مديننة نصر و عامل تداول الكتروني و الصراحة الناس هناك محترمين و فاهمين شغلهم ...
طبعا انا بشتغل في المنيا و حلوان ليها فرع هناك و رحتلهم عشان اعمل ايداع لقيت واحد هناك اسمه ايمن و انا متعمد اقول اسمه وكان شغله عشان لو حد في المنيا يخلي باله منه , المهم الراجل قعد يحور معايا كتير من غير داعي و كل شوية يقولي انت بتابع مع مين و انت لازم تتابع مع حد و انت حجم محفظتك قد ايه طبعا انا كنت عارف قصده عشان حصلت مشكله قبل كده بينه و بين واحد زميلي على نسبة ارباح كان عايزها منه و كسبه 20 الف و بعدها خسره 30 الف المهم انا نفضتله لأني مقتنع ان التعامل في البورصة لازم يكون بناء على دراسة و علم مش اادي دقني لواحد يوديني في داهيه ..
المهم وانا قاعد معاه لفيت واحد بيكلمه و فهمت من الكلام انه زبون عنده و قاله سيبني 10 دقايق و اكلمك و راح طالب واحد و سأله يشتري ايه و يبيع ايه و راح راجع للراجل الاولاني قاله اللي ابتاني قاله ....
كل ده ممكن الواحد يقول و ماله محلل فني كبير و ليه مندوبين لكن المصيبة بقى و انا بقلب معاه عرفت انه دبلوم كهربا و قريبه عضو مجلس اداره و هوه اللي شغله منفذ في الشركة ....
و لما لقي ان مفيش فايده مني حاول يبيعلي اشتراك في برنامج المؤشر ب 75 جنيه في الشهر مع ان شركة حلوان بتبيع اشتراكات في مباشر ب 40 جنيه في الشهر....
خلاصة القصة الطويلة دي انت لو اديت دماغك لسمسار أو منفذ عمليات في البورصة يبقى انت اللي بتضيع فلوسك بنفسك و بايديك بترمي شقى عمرك في الارض ....
يا ترى حصل معاكوا حاجة زي كده ؟
شوف حضرتك البتحيه ده حصل معايا من 3 سنين جه واحد صديق شغال فى المقاصه و قالى ادخل البورصه ده كل حاجه بتزيد ده كان شهر فبراير 2008 المهم مكدبتش خبر رحت عملت كود و كان فيه واحد تريدر معرفه نصحنى بشركه هوا كان شغال فيها بعد كده سابها و فتح كافيه
المهم روحت عملت أيداع ربنا يعوض عليا وعليكوا . التريدر أشترلى اسهم بالفلوس كلها عايز أقول انى داخل فة أعلى نقطه حققتها البورصه المصريه تقريبا و الأسعار الموجوده دى أكيد لا تمت ليها بأى صله التريدر من الأخر شكله كان قاصد و ربنا أنتقم منه خلاص المهم كنت عايز أخرج عند 9000 تقريبا معرفتى بالبورصه بصراحه كانت قليله و عارف أنى غلط بس ده ميمنعش أنى أحظر من حقد بعض التريدرز على عملا دى بس نبذه على البيحصل أصلى روحت شركات كتير .
عندك كمان بيرميير و الشروق شاشات مجانيه , الشروق مجانا بعد مجموع العمليات ب 50,000 فى الشهر .
انا قصدي على السماسره و المنفذين في شركات السمسره مش بسأل على شاشة متابعة
قبل حلوان كنت بشتغل مع نيوبرنت فرع المنيا برضه و قلت يا واد متروح تتابع في الشركة وسط الناس و سيبك من الموبايل و المتابعة لوحدك أو مع ناس على النت و روحت و ياريتني مارحت
كنت محلل و مظبط و مقرر و عملت ايداع و جيت يا محترم احط امر شراء
البيه المنفذ قالي ايه يا عم انت بتعمل ايه بس ؟ هوه انت فلوسك حرام ؟ مش شايف السوق احمر ازاي ده يوم بيع مش شراء خالص ....
طبعا كنت لسه جديد في السوق و بتعامل معاه على انه راجل كبير و فاهم و في نفس الوقت لسه قلقان من تحليلي و رحت موقف امر الشراء بناء على كلامه الله يخرب بيته و بيت اللي مشغله و ده خسرني مبلغ كبير كنت هكسبه لو نفذت امر الشراء ....
الشركات عندها رعب من أى يوم نزول سوق (السوق أحمر) بيقفلوا الكريدت تقريبا من خبرات سابقه بوقعات ( ثلاثاء أسود .. و غيرو
فى أول تجربتى مع البرورصه كنت أستشير ينصح "لا بلاش شرى السوق لسه فيه تحت" مع أن فى الغالب اليوم ال السوق بيكون فيه متمرمط اوى دى بتكون أيام شرى و بيحصل بعدها أرتداده فيها مكسب مرضى