الموضوع: عن البورصه المصريه

والله يا دكتور انت جيت على الجرح
انا والله ربنا يعلم انا خسران قد ايه فى (بورصه الندامه ) دى وربنا يعوض علينا وحسبى الله ونعم الوكيل فى الحراميه والنصابين اللى ماليين البورصه دى .. دى ماتعتبرش بورصه بالمعنى المحترم المتعارف عليه فى الخارج دى عامله زى سوق السيارات المستعمله بتاع الحى العاشر انت عاوز تبيعه اسهمك والاسهم زى الفل وفابريكه بره وجوه (يعنى الشركه بتكسب وموقفها المالى كويس ) بس بالرغم من ده تلاقى تاجر مرتزق (ميكر ) عمال ينزل فى سعر السهم علشان يكسب من وراك اضعاف مضاعفه وانت لازم تطلع خسران ... انا قلتها مره قبل كده اللى يدخل البورصه دى يبقى بيحكم على نفسه بالاعدام واللى يسمع كلام السماسره والناس اللى عامله انها بتعرف ميكرات وهى ملهاش فى البتنجان حتى يستاهل اللى يجراله .. كلمه اخيره (حسبى الله ونعم الوكيل فيك ياللى فى باللى )

مش بالفهم بس عن تجارب كتير وخساير مش عارف اطلع منها
فيه سرقة بتحصل بمعنى السرقة ، وفيه تقييمات غلط وفيه ناس بتموت السهم بالعافية وبالقصد ، وفيه حيتان كل مصلختها همها ولا يسعوا لإستثمارات إنما مجرد لمكسب سريع بأى طريقة كانت عشان يخرج وياخد المكسب ده
عشان كدة البورصة فى مصر مش ماشية بأى منطق ولا التحليلات بتنطبق عليها

المشاركة الأصلية كتبت بواسطة sameh

مش بالفهم بس عن تجارب كتير وخساير مش عارف اطلع منها
فيه سرقة بتحصل بمعنى السرقة ، وفيه تقييمات غلط وفيه ناس بتموت السهم بالعافية وبالقصد ، وفيه حيتان كل مصلختها همها ولا يسعوا لإستثمارات إنما مجرد لمكسب سريع بأى طريقة كانت عشان يخرج وياخد المكسب ده
عشان كدة البورصة فى مصر مش ماشية بأى منطق ولا التحليلات بتنطبق عليها

اللى بيحصل دلوقتى فى البورصة قمة السرقة واخرها الفضيحة اللى حصلت النهاردة
دخل جهينة المقصورة واستثناها من قواعد القيد زى ما عمل مع القلعة والناس اتخرب بيتهم فيها
طب اشمعنا هى
طب ما اليكو واية اى سى اللى محققين ارباح بالملايين وفيهم الوف المساهمين اولى
ولا اجواء والفضايح اللى حصلت فيها
انا مش عارف العملية ماشية ازاى