الموضوع: اى محدش عندة 205 بحالة جيدة للبيع؟

المشاركة الأصلية كتبت بواسطة the-hero

طب هى الطبلوة اللى فيها مكييف يعنى فيه تلاجة تكييف ولا لأ
كمبروسور بسربنتينة بالشحن بمجموعة المواسير والخراطيم هيخشوا فى 1000 ج
بس لو بتفكر فى تكييف لازم الماتور 1400 سي سي عشان الاداء يكون كويس
بالنسبة لأماكن الصنيعية الكويسين راجع الموضوع ده برضوا ممكن يفيدك
http://www.nilemotors.net/nile/24198-a.html

هو على كلامه انها محتاجة كمبريسور وسربنتينة وشحن بس ... قال لى التابلوه جاهز وتقريبا قال لى فيه ملفات التكيف او حاجة زى كده ... بس انا شكلى هصرف نظر عن العربية لان الراجل كان عامل اعلان من شهر بيقول فيه نفس الكلام اللى قالهولى امبارح بالظبط ... قال لى امبارح انه لسه مغير موتور من كام يوم وكاتب الكلام ده من شهر فى اعلان تانى ... فالظاهر ان مفيش امانه فى التعامل من الاول فقلت بلاش احسن يلبسنى فى حاجة انا مش قدها ويطلع اساسات العربية فيها حاجة بس معمولة ومتدارية ولا أى حاجة تانية ولا اخدها وتطلع عينى.

وألف شكر ليك على المساعدات دى يا استاذ هيرو وعلى الموضوع الجميل بتاع الورش واماكن بيع قطع الغيار وانا عملت فيه اضافة ان شاء الله تعجب الناس.

المشاركة الأصلية كتبت بواسطة mrm1981

أنا عندي 205 للبيع لو في رغبة في الشراء اتصل بيا عاي 0115490880

المشاركة الأصلية كتبت بواسطة tyseer

انا عندي 205 موديل 87 ماتور 1400 لسة شدادها من شهر بوية اسكنز وسمكرة مساعدين بالتنابير بالبلي استراد فوانيس امامي وخلفي جديد الخلفي فامية سنتر وانزار تيواني ماتور مثبوت الرخصة من شهر واحد شكمان جديد اسطوانة ودسك دبرياج انجليزي جديد فرش جلد جديد فرش ارضية جلد كاست بالفلاشة وكارت الممري جديد بالضمان سماعات جديدة ادريان مرايات اصلي جديدة الكوتش عامل 10000 الف كيلوة البطارية بالضمان تركب بدون اي مصاريف زيت وبنزين سبب التغير حاجز سيارة كيا سراتو وهستلمها قريب لو حبيت تشفها اتصل بي 0114019940

هم العربيتين دول لسه موجودين ولا ايه نظامهم؟ يا ريت لو الاعضاء اللى كانو كاتبين المشاركات دى يردو عليا :)

المشاركة الأصلية كتبت بواسطة the-hero

ياسيدى لا شكر ولا حاجة احنا اخوات وهنا واصحاب والاصحاب مفيش بينهم شكر
ربنا يقدملك مافيه الخير
واضافة هايلة بحييك عليها والى الامام دائما

ربنا يخليك يا استاذ هيرو وعلشان انا لسه جديد هنا معرفش اسم حضرتك ايه ما تقول لى اسمك كده علشان ما اقعدش اقول استاذ هيرو على طول