الفرامل ... و كيفية التعامل معاها ...

السلام عليكم
عندي طلب صغير من كل الوحوش ... شوية اسئلة ... و ياريت اللي يعرف ميبخلش ...:36_3_10[1]:
1) فرامل اليد : الاحسن لما تقف ... تقفلها على قد ما تقدر ولا تكة او تكتين بس؟؟(مين الاحسن للتيل علما بأن العربية حتكون واقفة على ارض مستوية و مفيش ميلان)
2) في الفرملة العادية ... مين الاحسن (للتيل و الطنابير برضه) : الفرملة براحتك اوي ي ي ي و على مهلك ولا الفرملة السريعة ( يعني تهدي العربية اسرع ما يمكن بس بالراحة مش جامد يعني) على اساس ان الواحد مثلا يحاول يقلل مدة الاحتكاك بين التيل و الطنابير ؟:shine[1]: بس طبعا حتكون ضاغط اكتر علي الفرامل
3) يعني ايه رجلاش ؟ (التوكيل بيعمله و بتلاخظ ان الفرامل بقت اقوى و الهاند بريك تقيلة) ... وده يتعمل كل اد ايه؟
و شكرا

:rfds:فين ال 16 مشاهدة؟:fdsa:

متابع باهتمام

فرامل اليد بتستخدم لاخر مشوارها لان تكة او اتنين مش هايدوك تاثير قوى و هيا بتبقا احسن دايما بالذات فى المناطق المايلة عشان ما تحملش على الفتيس خصوصا المانيول
و رجلاشها بيتم بتحريك بكرة مشرشرة بسن مفك الطنبورة الخلفية بتحرك القباقيب بتاعت الفرامل عشان تقرب من الطنبورة و ده كل ما يحصل تاكل دورى فى القباقيب لغاية ما تقرب من نهاية عمرها و تتغير و بيخلى الفرامل احسن
الفرامل العادية الصح فيها العقل و عدم الهبد على الاقل عشان الناس ما تلبسش فيك لو هاتفرمل و ما تقفش مرة واحدة و لو عربية مانيوال يفضل الفرملة دايما و العربية على نقلة يعنى بدون دبرياج و ده عشان تحافظ على التيل و كمان تاخد قوة فرملة احسن عشان المكنة بتساعدك و هيا على الجير انك تقف و الاوتو بردك الفرامل تكون بالعقل و شوية بتاخد سنس الفرملة بتاعتك

طيب في حاجة ... انا في عادة اني دايما افصل التروس و اعمل العربية عالمور و انا بفرمل .. مش كده احسن للموتور؟

اقتباس:

---

المشاركة الأصلية كتبت بواسطة bloody_stone

طيب في حاجة ... انا في عادة اني دايما افصل التروس و اعمل العربية عالمور و انا بفرمل .. مش كده احسن للموتور؟

---

انت كده هاتاخد مسافة توقف اطول يعنى اللى بتعمله مش كويس و بالذات على السرعات و ان شاء الله على حد علمى مالهاش دعوة الفرملة على النقلة بالتاثير على الموتور يعنى ما تقلقش

لا على السرعات من اول 60 بفرمل و انا موصل الجير بس القصد عالتالت او التاني ؟

و بالنسبة للهاند .. في ناس تقولك لما تقفل عالاخر احسن للتيل و ناس تقولك لا اقفل تكة او اتنين
مين بقى احسن لأن التيل اللي ورة بيكون حدوة و طنبورة مش زي اللي قدام؟.

اقتباس:

---

المشاركة الأصلية كتبت بواسطة bloody_stone

لا على السرعات من اول 60 بفرمل و انا موصل الجير بس القصد عالتالت او التاني ؟

---

انا دلوقتى بالممارسة باقدر اعملها على كل النقلات و حتى لو انا داخل اشارة بدنى ماسك فرامل بون تموير لحد ما يبقا بينى و بين اللى قدامى مسافة عربية كاملة تقريبا بامور و الطريقة ديه لا اثرت معايا فى المكنة فى اى شىء بالعكس الفرامل عمرها بيطول و بتقعد بكفاءة عالية مدة كويسة لانك كده بتخفف الحمل عليها غير بقا ان توقفك بيكون احسن بكتير من الدبريج مع الفرامل

اقتباس:

---

المشاركة الأصلية كتبت بواسطة bloody_stone

و بالنسبة للهاند .. في ناس تقولك لما تقفل عالاخر احسن للتيل و ناس تقولك لا اقفل تكة او اتنين
مين بقى احسن لأن التيل اللي ورة بيكون حدوة و طنبورة مش زي اللي قدام؟.

---

بردك استخدمها على الاخر و ما تخافش لان باى حال العربية واقفة و عمر ما التيل هايتاكل و هيا واقفة التيل بيتاكل بالاحتكاك مع الطنبورة و على سرعة فخد احسن اداء من فرامل اليد بسحبها للاخر و ما تسمعش كلام تكة و تكتين ده و الله اعلم

[gdwl]3) يعني ايه رجلاش ؟ (التوكيل بيعمله و بتلاخظ ان الفرامل بقت اقوى و الهاند بريك تقيلة) ... وده يتعمل كل اد ايه؟[/gdwl]

التيل الخلفي يمكن ضبط المسافة بينه و بين الطنبوره ( و هذا يسمى الريجلاش ) بحيث يتحكم في مقدار القوه المطلوبه لإيقاف العجل الخلفي
بمعنى أنه كلما كانت المسافة بين التيل و الطنبورة أقل كلما كانت قوة الفرامل على العجلة الخلفية أشد و بالتالي فإن قوة فرامل اليد تكون أشد و تحتاج لعدد أقل من التكات لإيقاف السيارة (في حالة الثبات) على أي منحدر
و يكون التيل الخلفي له موضعين تثبيت ( لكل نصف تيل ) موضع ثابت و موضع متحرك و هذا الموضع المتحرك يتحرك على جزء مسنن مثل الترس و تغيير موضع الجزء المتحرك قرباً او بعداً عن الطنبوره يسمى " ريجلاش "
و يتم ضبط هذا الريجلاش كلما قلت قوة الفرامل و ذلك بسبب تأكل التيل و تشعر بذلك بأن عدد التكتات المطلوبة (لثبات السيارة في موضع السكون ) في فرامل اليد زادت .
و يتم ضبط المسافة بين التيل و الطنبورة بحيث أنه لا يحدث إحتكاك بينهم في حالة عدم الضغط على الفرامل و ذلك حتى لا يحدث تأكل للتيل و بط السيارة قي السحب و زيادة سخونة العجل الخلفي
بالإضافة إلى أنه يمكن ضبط شدة سلك فرامل اليد (مثل ضبط فرامل الدراجة).
و يكنك إيجاد تفاصيل أكثر في هذا الموضوع
http://rb-kwin.bosch.com/us/pool/usa...ice_Manual.pdf

انا بسوق من عشرين سنه وبسوق وبس ومبخدش بالي من الكلام ده زي متكون القياده اصبحت شئ مرتبط بعقلي من غير تفكيير في التفاصيل يعني هل لو الواحد عاوز يهرش في ظهره هيقول ارفع ذراعي الايمن واقوم بتوجيه اليد الي المكان المطلوب ومن ثم تحريك الاصابع ذهابا وايابا علي المكان المطلوب
ولا بتهرش علي طول ---------- اهو القياده معايه زي كده بهرش علطول

اقتباس:

---

المشاركة الأصلية كتبت بواسطة dode2002

انا بسوق من عشرين سنه وبسوق وبس ومبخدش بالي من الكلام ده زي متكون القياده اصبحت شئ مرتبط بعقلي من غير تفكيير في التفاصيل يعني هل لو الواحد عاوز يهرش في ظهره هيقول ارفع ذراعي الايمن واقوم بتوجيه اليد الي المكان المطلوب ومن ثم تحريك الاصابع ذهابا وايابا علي المكان المطلوب
ولا بتهرش علي طول ---------- اهو القياده معايه زي كده بهرش علطول

---

LOOOOOOOOOOOOOOOOOOOOOOOOOOOOL:Ta_clap[1]:

اقتباس:

---

المشاركة الأصلية كتبت بواسطة dode2002

انا بسوق من عشرين سنه وبسوق وبس ومبخدش بالي من الكلام ده زي متكون القياده اصبحت شئ مرتبط بعقلي من غير تفكيير في التفاصيل يعني هل لو الواحد عاوز يهرش في ظهره هيقول ارفع ذراعي الايمن واقوم بتوجيه اليد الي المكان المطلوب ومن ثم تحريك الاصابع ذهابا وايابا علي المكان المطلوب
ولا بتهرش علي طول ---------- اهو القياده معايه زي كده بهرش علطول

---

looooooooooooooooooooooooooooooooooooooooooolll

اقتباس:

---

المشاركة الأصلية كتبت بواسطة Ahmed Galal

انا دلوقتى بالممارسة باقدر اعملها على كل النقلات و حتى لو انا داخل اشارة بدنى ماسك فرامل بون تموير لحد ما يبقا بينى و بين اللى قدامى مسافة عربية كاملة تقريبا بامور و الطريقة ديه لا اثرت معايا فى المكنة فى اى شىء بالعكس الفرامل عمرها بيطول و بتقعد بكفاءة عالية مدة كويسة لانك كده بتخفف الحمل عليها غير بقا ان توقفك بيكون احسن بكتير من الدبريج مع الفرامل

---

كلام تمام:verygood:

اقتباس:

---

المشاركة الأصلية كتبت بواسطة dode2002

انا بسوق من عشرين سنه وبسوق وبس ومبخدش بالي من الكلام ده زي متكون القياده اصبحت شئ مرتبط بعقلي من غير تفكيير في التفاصيل يعني هل لو الواحد عاوز يهرش في ظهره هيقول ارفع ذراعي الايمن واقوم بتوجيه اليد الي المكان المطلوب ومن ثم تحريك الاصابع ذهابا وايابا علي المكان المطلوب
ولا بتهرش علي طول ---------- اهو القياده معايه زي كده بهرش علطول

---

ومن ثم تحريك الاصابع ذهابا وايابا علي المكان المطلوب :C_laugh[1]: دة مكانو فى القسم التعليمى

أخي الفاضل ...

أنا ها أجاوب علي الشق الثاني من سؤالك لأن أكيد الاخوة هنا هايفيدوك في الجزء الاول و الاخير

من الافضل ان سرعتك تكون معقولة خاصة داخل المدن علشان تقلل بقدر المستطاع من أستخدامك للفرامل و تقدر في نفس الوقت تسيطر علي العربية في المواقف الطارئة بمعني

بأختصار و من الاخر مش مهم طول فترة الضغط علي الفرامل لكن المهم هو مقدار قوة الكبس عليها لأن ده هو اللي بيزود معامل الاحتكاك اكثر و بالتالي بيقلل من عمر التيل و الطنابير

و لو حضرتك فتحت الكتالوج و شوفت النقطة دي هتلاقي توصية بالسير بالسرعة المناسبة و تقدير المسافات و تخفيض السرعة بواسطة تقليل الضغط علي دواسة البنزين قبل أستخدام الفرامل


مع خالص تحياتي
م/ سمير الشهاوي