برجاء الافادة عن كورولا 97

**elwetery** · 13-05-2010 12:42 AM

معروض امامي عربية تويوتا كورولا موديل 1997 ( الفوانيس المسحوبة مش العيون ) كاملة تكييف وباور وسنتر و جنوط و2 ايرباج الزجاج عادي فبريكة بره وجوه ( ماعدا ربع الباب الخلفي شمال عليه معجون ولم يرش ) لكن الحالة العامة للعربية جيده جدا 1600 سي سي هايدروماتيك وماشية 150000 ك معروضة بمبلغ 55000 جنية ... وانا شايف ان المبلغ ده كتير ... يا ريت حد يقولي السعر المعقول ليها كام ؟؟؟ وهل عشان اعالج الباب الخلفي مضطر اني ارش العربية كلها من بره ولا ممكن ارش الباب بس ؟

وشكرا ... محمد الوتيري

**Mahmoud Mosaad** · 13-05-2010 01:13 AM

المشاركة الأصلية كتبت بواسطة elwetery

معروض امامي عربية تويوتا كورولا موديل 1997 ( الفوانيس المسحوبة مش العيون ) كاملة تكييف وباور وسنتر و جنوط و2 ايرباج الزجاج عادي فبريكة بره وجوه ( ماعدا ربع الباب الخلفي شمال عليه معجون ولم يرش ) لكن الحالة العامة للعربية جيده جدا 1600 سي سي هايدروماتيك وماشية 150000 ك معروضة بمبلغ 55000 جنية ... وانا شايف ان المبلغ ده كتير ... يا ريت حد يقولي السعر المعقول ليها كام ؟؟؟ وهل عشان اعالج الباب الخلفي مضطر اني ارش العربية كلها من بره ولا ممكن ارش الباب بس ؟

وشكرا ... محمد الوتيري

بص يا باشا...
أن شايف إن السعر مش كتير لو حالتها كويسة وفعلاً لو زي ما إنت بتقول إن هي فبريكة برة وجوة يتوبأة مش كتير د كمان ١٦٠٠ و ٢ airbag

**mr_sameh** · 13-05-2010 02:14 AM

اعتقد دي مواصفات امريكيه

**elwetery** · 13-05-2010 02:19 AM

المشاركة الأصلية كتبت بواسطة mr_sameh

اعتقد دي مواصفات امريكيه

هي فعلا استيراد

**Mahmoud Mosaad** · 13-05-2010 10:05 AM

المشاركة الأصلية كتبت بواسطة elwetery

يعني فعلا السعر ده كويس .... طب صيانتها وقطع غيارها متوفرة ؟ واسعارها معقوله ولا غاليه ؟

أنا زي ما قلت لحضرتك إن السعر دة كويس لو حالتها تمام ،بمعنى إن مايكونش فيها حاجة جامدة زي أساسيات مش سليمة أو حاجة فالميكانيكا تتكلف كتير أو العفشة زي علبة الدركسيون أو المساعدين .
أهم حاجة تكشف على كل حاجة فيها كويس جداً من أول الدواخل لحد كل function في التابلوه عشان في حاجات مش ممكن متلأهاش أو تطلع غالية .
بالنسبة لقطع الغيار إسأل على حاجة ال-١٦٠٠ الأول ومعتقدش إن هتلاقي فرق بين ال-١٣٠٠ وال-١٦٠٠ غير في المكنة وعشان هي أمريكاني هتلاقي فرق في الإكصدمات ود اللي ممكن تطلع قليلة في السوق .
وعموماً لو حضرتك تقدر تنزل لحد شارع دمشق وتسأل على كل حاجتها عند الشركة العالمية لقطع الغيار الأصلية وهتلئيه حطت علامة تويوتا كبيرة أهتشفهة من بعيد وفي غيرو كتير عندهم الحاجات التجاري زي الياباني والكوري .

**elwetery** · 13-05-2010 12:28 PM

الف شكر يا استاذ mahmos2000 علي معلوماتك القيمة

**mr_sameh** · 13-05-2010 03:02 PM

ياباشا الامريكي في اختلاف عن مواصفتنا بالنسبه للموتور كان زمان في مشكله لكن دلوقتي كل الناس بتسقطه يعني قطع الغيار موجوده بالنسبه للعفشه فيها اختلاف كمان زي نظام الفرامل التيل مختلف لكن ممكن يتعدل عادي وكمان في اختلافات تانيه لكن غير متذكر بالنسبه للسعر انا شايف انها لازم تنزل لحد 50

**Ahmed Galal** · 13-05-2010 04:33 PM

عربية ممتازة امريكانى و توكل على الله و الرجالة قالوا كل اللى يتقال جزاهم الله خير بس لو عرفت تنزل شوية مش خسران حاجة و راجع علي اساسيات العربية ضرورى و غير كده كل حاجة موجودة و متوفرة استيراد و اصلى و طبعا لازم تخلص موضوع الحظر عشان تمشى مستريح