الموضوع: شكـــــــــــــــــــــــ ـراً علـــى اللوجــــــــــــــــــــ ان

المشاركة الأصلية كتبت بواسطة د.محمود صلاح

الف مبروك ... ربنا يحفظهالك من شر الطريق

المشاركة الأصلية كتبت بواسطة ahamed7405

الف مبرووووووك ربنا يعطيك من خيرا و

يكفيك شرها
ويباركلك فيها ان شاء الله

المشاركة الأصلية كتبت بواسطة elassar2010

مبروك وربنا يباركلك فيها ويعطيك خيرها ويكفيك شرها

المشاركة الأصلية كتبت بواسطة yahiazakaria

الف مبروك وربنا ييعطيك خيرها ويكفيك شرها إن شاء الله

بارك الله فيكم كلكم وشكرا جدا على مشاركاتكم وتهانيكم ، أتمنى انى اهنيكم دايما فى كل مناسباتكم السعيدة وربنا يفرحكم ويسعدكم زى ما انتم اسعدتونى ، شكرا لكل واحد منكم

((
الله يبارك فيك ومتشكر على مشاركتك واهتمامك ، السعر اللى كان مطلبوب فيها 54000 جنيه وعامله 36000 كيلو ، ودا كان أقل سعر لقيته أثناء ما كنت بأدور على لوجان اوربى للبيع على مواقع النت ، لكن الحقيقة خلصت على 51500 جنيه ، واتمنى انى ما احتاجش اى اوراق زى انت ما قلت الحقيقه كلام حضرتك منطقى .)) ، ((
اولا: الف مبروك علي العربيه واختيار موفق باذن الله
ثانيا: ربنا يحفظك ويحفظ لك عربيتك ويكفيك شرها ويديك خيرها ..امين
ندخل في الجد
السعر اللي حضرتك اشتريت بيه سعرممتاز جداجداجدا ولكن بالنسبه لك كمشتري لانه
1- لو حاله العربيه ممتاز
2- تقفيل روماني يعني اوربي يعني افضل نسبيا من المغربي
3-سعر شرائها علي ما اعتقد كان 74000 جنيه فبحسبه بسيطه العربيه قلت عن تمنها في ظرف سنه ونص 22500 جنيه وده مكسب للمشتري وخساره فادحه للبائع
ولو حسبنا علي سعر الزيرو المغربي 68000 يعني الفرق 16500 جنيه في سنه ونص وعلي كم قليل 36000 يدوب العربيه بتفوق.

نصيحه من اخ
1- توجه للتوكيل لاجراء صيانه لان من الممكن صاحبها الاصلي ميكونش مواظب علي الصيانه
2- غير زيت وفلاتر وفلاتر بنزين
3- بص علي السيور لانك قربت علي 40000كم مقلتش تغيرهم
4- خليهم يبصوا علي التكييف وينظفوه

وفي النهايه
ارجولك دوام الصحه والعافيه. ))


الحقيقه ان شكر حضرتك واجب لأنك نورتنى وأفدتنى برأيك ، و نصحتنى نصيحه أخويه ، وكمان باركتلى وبعدين اتمنيت ليا الصحه والعافيه ، طيب أشكرك على ايه ولا ايه ، انت ما سبتليش حاجه اعبرلك بيها عن عرفانى وخلتنى احس ان أى شكر هيكون أقل من اللى انت تستحقه ، يبقى ما فيش عندى غير انى أطلب منك انك تسمحلى ألا أشكرك لأنى لوحاولت مش هأعرف أوفيك حقك ، لكن اقبل صادق دعواتى ليك ان ربنا يسدد خطواتك دايما وييسرلك اللى يفيدك فى كل مجال زى انت ما أفدتنى وشجعتنى ، وبالمناسبه مشاركتك من أكتر المشاركات اللى هأعتز بيها لأنها كانت موضوعيه وفى الصميم وشامله كمان وفوق كل ده انا كنت نفسى حد يطمنى ويقيم البيعه زى انت ما عملت ، مش هأقولك شكراً لكن جزاك الله خيراً

المشاركة الأصلية كتبت بواسطة zkralla

ربنا يياركلك فيها ويكفيك شرها
محمود شاكر أنت منور

شكراً لحضرتك وربنا يبارك فيك وينور عليك لأنك انت اللى منور وذوقك عالى

المشاركة الأصلية كتبت بواسطة ahmadmidop

الف مبروووووووووك ياباشا

الله يبارك فيك ، ويوفقك فى امتحاناتك ويسهلها عليك وتطمنا وتبشرنا فى اقرب وقت ان شاء الله