محتاج عربية فى حدود 75000

**total_n76** · 03-02-2008 07:28 PM

السلام عليكم

والله انا انزل مصر بعد اسبوع وعايز اشترى عربية لمراتى فى حدود 75000 بالظبط فلو حد عنده حاجة ممكن لما انزل اتفرج عليها واخلص على طول لانى مستعجل وياريت لو فى جين 2 او لانسر يكون افضل

ومتشكر ليكم جدا

**total_n76** · 03-02-2008 07:35 PM

انا ان شاء الله جاهز بالمبلغ بس يا ريت تكون حاجة محترمة لان انا معنديش وقت للف والبحث والكشف
بس اكيد هاكشف بس مش قصدى انى هاتوغل فى الموضوع انا باسيب كل حاجة ومتوكل على الله

**total_n76** · 04-02-2008 11:21 PM

هو شكله العرض مش مغرى نهائى
هو مفيش حد فاضى والا ايه يا شباب

**أبو عبدالله** · 05-02-2008 12:09 AM

اولا تيجي بالسلامة
ولو ممكن تساعدنا شويه وتقولنا احتياجاتك ايه للعربيه وايه اللي يفرق معاك في العربيه وايه اللي مش بيفرق او مش هيفرق معاك في العربيه ؟؟؟؟؟

**fahd_628** · 05-02-2008 12:45 AM

ممكن تبص على الموقع دة فية عربيات لانسر و جين 2 معروضين رأى تخش تتفرج على صورهم و حالتهم و تشوف

www.car100100.com

و شكرا

**total_n76** · 05-02-2008 12:28 PM

طبعا شكرا على الرد
الظريف فى الموضوع ان الموقع ده انا باتفرج عليه كل يوم الصبح - لكن عندى عدم ثقة بيه لانهم عبارة عن تجار -
والحاجة التانية انى عضو هنا من زمان بس مش نشط اوى لظروف الشغل لكن يوميا لازم اتابع ولو بالقراية فانا علشان كدة تكونت عندى ثقة بالناس هنا
ثالثا بخصوص طلباتى والله انا مش محدد حاجة معينى هو كل الموضوع انى عامل ميزانية للموضوع وحصرت الموضوع فى عربيتين هما اللانسر والجين تو وازود عليهم الافيو ومش مشكلة عندى قطع الغيار بقى غالية او لأ انا كل اللى عايزه واحدة من دول لان مراتى هى اللى مختاراهم
وانتو عارفين فى الزمن ده ما حدش يقدر يكسرلهم كلمة - بصراحة عايز اكل عيش

**goodwave** · 05-02-2008 03:10 PM

السلام عليكم

اولا ترجع بالسلامة إن شاء الله

ثانيا طالما إنت مسافر ودي عربية لمراتك فخليك في الجديد بدل ما تبهدلها مع الميكانيكية في المستعمل وكمان إستعمال سيدة مش حيكون حاجة جامدة على العربية.

ثالثا المبلغ إاللي إنت حطة مش وحش ويجيب عربية كزيسة بالنسبة لسيدة وممكن يفيض كمان:

1- فرنا فيفا كاملة تقفيل هندي 65000
2-فرنا كاملة تقفيل مصري 70000
3-افيوتقفيل مصري كاملة 76000
4-رينو كليو كاملة 74000
5-كيا بيكانتو كاملة اتوماتيك 70000
6-ديهاتسو سريون (مش فاكر بس مانيوال 1300 ممكن تكون في حدود 75000

وفي نظري كلها عربيات مناسبة جدا لسيدة واحسن الف مرة من المستعمل