شوفوا رحمة ربنا بينا؟؟؟؟
حرم أكل لحم الخنزير بسبب الأضرار اللي ممكن يسببها للانسان
دا فيديو بيبين تأثير سكب الكولا على لحم الخنزير حيث يؤدي الى خروج الديدان على السطح
[youtube]http://www.youtube.com/watch?v=p2eEw26J0z8[/youtube]
عرض للطباعة
شوفوا رحمة ربنا بينا؟؟؟؟
حرم أكل لحم الخنزير بسبب الأضرار اللي ممكن يسببها للانسان
دا فيديو بيبين تأثير سكب الكولا على لحم الخنزير حيث يؤدي الى خروج الديدان على السطح
[youtube]http://www.youtube.com/watch?v=p2eEw26J0z8[/youtube]
سبحان الله
الحمد لله علي نعمة الاسلام وكفي بها نعمة
الديدان الشريطية معرضة جميع الماشية لها و ليس الخنزير وحده
الحمد لله على نعم الله التى لا تحصى ولا تعد
بس ايه التفسير العلمي لكدة حد عندة فكرة
الحمد لله علي نعمة الاسلام وكفي بها نعمة
الدودة دي أعتقد اسمها Trichinella Spiaralis و فعلا بتتنقل من لحم الخنازير. و لكن فيه دودة مشابهة ليها جدا الTaenia Saginata بتتنقل في اللحم البقري و الاتنين بيتحولوا لديدان طولها ممكن يوصل لعشرات السنتيمترات تعيش في أمعاءنا.
فلو حضراتكم شايفين الفيديو ده مقزز و بغض النظر عن الدين سبب كافي لعدم أكل لحم الخنازير, فهو كمان سبب كافي لعدم أكل اللحم البقري أو أي نوع من اللحوم.
و طبعا في أنواع ديدان تانية كتير بتتنقل في اللحوم و كل أنواع الأكل مش بس اللحوم.
برضو توضيح تاني الدودة دي مش بتبقى موجودة الا لو الحيوان مصاب بيها و الدكتور البيطري أهمل في كشفها لأنه لو كشفها مفروض يعالجها أو يعدمها.
و تسوية اللحوم كويس بتقتل الدودة بسهولة جدا. انما عدم تسويتها كويس بيخليك معرض للمرض.
مشاركاتك محدودة ولكن مؤثرة وذات دلالة واضحة أظنها لا تخفى على أحد
كل البشر والحيوانات معرضون لأنواع الأمراض لكن هناك فرق بين حيوان يعاف القاذورات والمزابل فينتج لحما طيبا وبين حيوان مضروب به المثل في القذارة والنجاسة ولا يلتذ إلا بأكل الفضلات البشرية والحيوانية ويعيش وسط المزابل فينتج لحما خبيثا كريها طعمه ورائحته ولا يمكن أن يطاق إلا بعد معالجة شديدة وأعجب ممن يفعل هذه المعالجة كأن عليه نذر أن يعذب نفسه (أتستبدلون الذي هو أدنى بالذي هو خير)
شكرا علي الفيديو والموضوع الرائع..........جزاك الله خيرا
لا كلام بعد كلام بحري
وبعدة مليون علامة تعجب واستنكار
يعنى لو حد عنده ديدان و شرب كوكاكولا هتطلع منه كده؟
مع إن مافيش تفسير علمي للحصل في الفيديو ده إلا إن أكيييد محدش فينا هياكل لحم خنزير مهما كان طعمه
يعني أفهم من كلامك إنك شخصيا مش بتاكله ومتعرفش الفرق بينه وبين بقية اللحوم....
عموما ممكن تسأل أى طالب صغير في طب بشري أو بيطري وهو ممكن يوضحلك ماذا تعني كلمة (خنزير ولحم خنزير)....مش عاوزين نكون زي الناس اللي بتجري جوه القطار في عكس اتجاه سيره...الناس اللي بتدمن الكحوليات بعد فترة بيكون طعم الكحول أحسن على لسانهم من طعم الماء النقي واللبن الزكي فمتاخدش على كلام النوعية دي لأنهم في الحقيقة بياكلوه عشان سعره مش أكثر...وبالمناسبة فأذكر إن الأنبا شنودة من حوالي سنة تقريبا قال في عظة الأربعاء عن الخنزير أن لحمه ضار جدا بالصحة وحذر النصارى من أكله لأنه يصيب بأمراض خطيرة
الأمريكان وهم من يعشقون الخنازير ويربونها بصفة أساسية في مزارعهم ويأكلونها بشراهة حينما يريدون أن يصفوا أحد الناس بالخسة والدناءة وسوء المعشر يسبونه بـ (pig)
أعتقد التفسير العلمي هو ان الديدان بيضايقها حموضة الكوكاكولا فبتحاول تهرب.
أيوا. بس أعرف ناس مسيحيين و أجانب كتير بياكلوه و بيفضلوه على بقية الأنواع.اقتباس:
يعني أفهم من كلامك إنك شخصيا مش بتاكله ومتعرفش الفرق بينه وبين بقية اللحوم....
أنا طالب في طب بشري و لحد دلوقتي مأخدتش في لحم الخنزير غير انه بينقل أمراض زيه زي بقية أنواع اللحوم.اقتباس:
عموما ممكن تسأل أى طالب صغير في طب بشري أو بيطري وهو ممكن يوضحلك ماذا تعني كلمة (خنزير ولحم خنزير)....
أنا معتقدش ان لحم الخنازير بيعمل ادمان و كونه رخيص مفروض يديهم انطباع نفسي انه أوحش مش أحسن من بقية اللحوماقتباس:
مش عاوزين نكون زي الناس اللي بتجري جوه القطار في عكس اتجاه سيره...الناس اللي بتدمن الكحوليات بعد فترة بيكون طعم الكحول أحسن على لسانهم من طعم الماء النقي واللبن الذكي فمتاخدش على كلام النوعية دي لأنهم في الحقيقة بياكلوه عشان سعره مش أكثر...
أنا معرفش صراحة و لكن أعتقد لو فعلا حصل فتلاقيه كان عايز يهدّي المسيحيين بسبب انفلونزا الخنازير. حضرتك لو فعلا عايز تثبت ان الخنازير فيها خطورة انها تنقل الأمراض أكتر من البقر أو الدواجن ابعت لي أبحاث أو احصائيات بتقول كده, مش مجرد اقتباسات لرجل دين.اقتباس:
وبالمناسبة فأذكر إن الأنبا شنودة من حوالي سنة تقريبا قال في عظة الأربعاء عن الخنزير أن لحمه ضار جدا بالصحة وحذر النصارى من أكله لأنه يصيب بأمراض خطيرة
لأن الخنزير فعلا حيوان دنئ و خسيس. و لكن أنا مش شايف ايه علاقة ده بخطورة لحمه على صحة الانسان.اقتباس:
الأمريكان وهم من يعشقون الخنازير ويربونها بصفة أساسية في مزارعهم ويأكلونها بشراهة حينما يريدون أن يصفوا أحد الناس بالخسة والدناءة وسوء المعشر يسبونه بـ (pig)
!!!!!!!طالب في سنة كام؟ لوعندك أي نسخ إلكترونية لكتب ومراجع طبية في الباكتا والبارا ممكن تعمل فيها بحث عن ورود كلمة خنزير وتقارن ده بكلمة بقر مثلا أو ماعز أو أي لحم آخر من اللحوم الطيبة الحلال
هو إنت فهمت من كلامي إني أقصد إن لحم الخنزير بيعمل إدمان؟!!
هو حصل فعلا والغريب إنه قال إنه ضار جدا وخطير جدا ولكنه في نفس الوقت غير محرم مع إن المنطقي إن كل خبيث محرم (يحل لهم الطيبات ويحرم عليهم الخبائث)
أنا برضه مش عارف إنت فهمت منين إن أنا باستشهد بكلامه على الناحية العلمية.....أنا جبت كلامه بس عشان الناس اللي بتدافع عن الخنزير باستماته بحجة إنه مباح في النصرانية...وبالنسبة للإحصائيات والأبحاث بصفتك دارس للطب تستطيع الحصول عليها بسهولة شديدة دون الحاجة إلى أن أرسلها لك
لأن الخنزير دنئ وخسيس فإنه لا يترفع عن أكل الخبائث والجيف والقاذورات ومن هذه الأشياء تتكون لحومه ودهونه وعظامه ومنها تأخذ الطعم والرائحة.....
كنت أتخيل أنك بعيد عن المعلومات الطبية لكن المفترض بحكم دراستك أن تكون هذه الأشياء بالنسبة لك من الأوليات
بالتوفيق لكل خير
خلاص ياباشا دووووس لو حضرتك مش مقتنع انه مضر ممكن تشتريه وتجرب :majd(4):
انا عن نفسي وتقريبا كل مسلم على الاقل مقتنع تمامااااااااااااااا انه مضر مليووووووووووون في الميه
من غير فيديوهات ولا كليبات ولا تحقيقات علميه ولا اثبتات ودلائل وتجارب معمليه
لان ربنا نهانا عن اكله
اعتقد مات الكلام
الخنزير محرم على لسان موسى عليه الصلاة والسلام وإنما جاءعيسى عليه الصلاة والسلام متبعا لشريعة ورسالة موسى لا لينقضها وقال: (لا تظنوا أني جئت لأنقض الناموس والأنبياء.ما جئت لأنقض بل لأكمل)...ولم يأت على لسانه قط ولا في الكتب الموجودة الآن أي ذكر لإباحة لحم الخنزير
أولا ماحرم الله شيئا الا وكان له فعلا تأثيره الضار علي الأنسان
وأثبات ذلك كتاب الله وكلمات الله قال تعالى : ( قُلْ لا أَجِدُ فِي مَا أُوحِيَ إِلَيَّ مُحَرَّماً عَلَى طَاعِمٍ يَطْعَمُهُ إِلا أَنْ يَكُونَ مَيْتَةً أَوْ دَماً مَسْفُوحاً أَوْ لَحْمَ خِنْزِيرٍ فَإِنَّهُ رِجْسٌ ) الأنعام/145
ثانيا : وأما أضرار أكل الخنزير على جسم الإنسان ، فقد أثبت الطب الحديث جملة منها
• يعد لحم الخنزير من أكثر أنواع اللحوم الحيوانية التي تحتوي مادة الكوليسترول الدهنية ، والتي تقترن زيادتها في دم الإنسان بزيادة فرص الإصابة بتصلب الشرايين ، كما أن تركيب الأحماض الدهنية في لحم الخنزير تركيب شاذ غريب يختلف عن تركيب الأحماض الدهنية في الأغذية الأخرى، مما يجعل امتصاصها أسهل بكثير من غيرها في الأغذية الأخرى وبالتالي زيادة كوليسترول الدم
يساهم لحم الخنزير ودهنه في انتشار سرطان القولون والمستقيم والبروستاتا والثدي والدم
يسبب لحم الخنزير ودهنه الإصابة بالسمنه وأمراضها التي يصعب معالجتها
يسبب تناول لحم الخنزير الحكة والحساسية وقرحة المعدة
يسبب تناول لحم الخنزير الإصابة بالتهابات الرئة والناتجة عن الدودة الشريطية ودودة الرئة والتهابات الرئة الميكروبية
ومن المعروف أن هناك أيضا بعض الأمراض الخاصة بالبشر ، لا يشاركهم فيها من الحيوانات إلا الخنزير، ومن ذلك الروماتيزم، وآلام المفاصل، وصدق الله العظيم إذ يقول : "إنما حرم عليكم الميتة والدم ولحم الخنزير وما أهل به لغير الله فمن اضطر غير باغ ولا عاد فلا إثم عليه إن الله غفور رحيم" البقرة/173
فهذه بعض أضرار أكل الخنزير ، ولعلك بعد الوقوف عليها لا تستريب في تحريمه ، فلتقف ، ولتبحث ، ولتنظر ، ولتتأمل ، بعدل وإنصاف وتجرد لمعرفة الحق واتباعه واسأل الله تعالى أن يهديك لما فيه خير لك في الدنيا والآخرة
على أننا لو لم نعلم في أكل الخنزير مضرة ولا أذى ، فهذا لا يغير من إيماننا بتحريمه شيئا ، ولا يضعف من تركنا له ، ولتعلم أن آدم عليه السلام إنما أخرج من الجنة لأجل أكلة أكلها من الشجرة التي نهاه الله عنها ، وما علمنا عن تلك الشجرة شيئا ، ولا كان آدم في حاجة إلى أن يبحث في سبب تحريم الأكل منها ، بل كان يكفيه ، كما هو يكفينا ويكفي كل مؤمن ، أن يعلم أن الله حرم هذا فلايصح المجادله في شئ محرم بحرمانيه قطعيه
مش إحنا كده كده مش بناكله؟؟؟
شاغلين نفسنا بطعمه حلو ولا وحش ولا فيه ديدان و لا لأ ليه؟
سنة تالتة. حضرتك اللي بتقول انه بيعمل أمراض أكتر من بقية المأكولات مش أنا و بالتالي حضرتك اللي تثبت كلامك مش أنا. و في عوامل تانية أهم من عدد المرات اللي يتذكر اسمها في الكتب الطبية زي عدد المصابين في العالم أو خطورة الأمراض اللي بتنقلها. زائد انك لازم تثبت ان الأرقام دي أكتر بكتير من بقية المأكولات.اقتباس:
!!!!!!!طالب في سنة كام؟ لوعندك أي نسخ إلكترونية لكتب ومراجع طبية في الباكتا والبارا ممكن تعمل فيها بحث عن ورود كلمة خنزير وتقارن ده بكلمة بقر مثلا أو ماعز أو أي لحم آخر من اللحوم الطيبة الحلال
حضرتك شبهت اللي بياكلوا خنازير بمدمنين الخمور لأن مفيش حد هيحب حاجة رغم انها مقززة الا لو كان مدمن.اقتباس:
هو إنت فهمت من كلامي إني أقصد إن لحم الخنزير بيعمل إدمان؟!!
ده دينهم مش ديننا و ملناش دعوة بيه. أنا بكرر لو حضرتك عايز تثبت كلامك هات مصادر علمية مش كلام رجل دين.اقتباس:
هو حصل فعلا والغريب إنه قال إنه ضار جدا وخطير جدا ولكنه في نفس الوقت غير محرم مع إن المنطقي إن كل خبيث محرم (ويحل لهم الطيبات ويحرم عليهم الخبائث)
حضرتك ممكن تشوف الجدول ده آخر صف عاليمين بيقول كل كائن طفيلي بيتنقل ازاي: List of parasites of humans - Wikipedia, the free encyclopediaاقتباس:
أنا برضه مش عارف إنت فهمت منين إن أنا باستشهد بكلامه على الناحية العلمية.....أنا جبت كلامه بس عشان الناس اللي بتدافع عن الخنزير باستماته بحجة إنه مباح في النصرانية...وبالنسبة للإحصائيات والأبحاث بصفتك دارس للطب تستطيع الحصول عليها بسهولة شديدة دون الحاجة إلى أن أرسلها لك
أنا بشوف خرفان و معيز كتير في مصر بتاكل في الزبالة و بتشرب من المجاري فبرضو مش شرط. و لو كان كلامك صحيح فده معناه ان لو واحد بياكل سمك طول الوقت لازم ريحة جسمه تتحول لريحة السمك حتى لو بيغسل ايده كويس بعد الأكل.اقتباس:
لأن الخنزير دنئ وخسيس فإنه لا يترفع عن أكل الخبائث والجيف والقاذورات ومن هذه الأشياء تتكون لحومه ودهونه وعظامه ومنها تأخذ الطعم والرائحة.....
و لكن أنا موافقك ان الخنزير حيوان مقزز و ديوث و أنا أتقزز اني آكله حتى لو كان حلال و لحمه كويس و مفيهوش مشاكل.
أنا عايش في أمريكا ودرست هنا طب من أوله ،يعني مش جيت أعمل معادلة أو حاجة ، و- إلي هو بيعتبر من أحدث المجالات إلي أمريكا رائدة فيها بجانب الفضاء والصناعات الحربيه أكتر من أوروبا وروسيا ،.....وعمري مادرست عن حاجة فالمنهج وخاصةً ال-/parasitology /microbiology/pathology
بتقول الخنازير بتسبب أي أمراض أزيد عن أي نوع تاني من الحيوانات. هنا لو كانو عندهم شك ذي كدة بنسبة 1% كانت ال-FDA أو food and drug admin منعتو علطول. مين هنا في بلد ذي ديه هيكل لحمة ممكن تضره وهيعمل كدة علشان إيه .
وإلي بيخليني مصدقهم انهم علمانيين ولا مسلمين ولا مسيحيين بحيث يخلو النزعة الدينية تأثر على ابحاثهم . كل إلي بيعملوه انهم بيجتهدو في الابحاث علشان يثبتو ما يفيد صحة الانسان . الإسلام حرم أكل الخنزير والمسيحية لم تحرمه ولكن لا يفضل أكله ،من الجائز لعدم العناية به من جانب البيطرين أو لعدم طهيه جيداً . المهم أنا بشرح وجهة النظر الطبية من حيث إلي درسته
من ناحية التجربة ديه أي لحم حيوان مش خنزير بس يترك في الهواء الطلق معرض انه يدود أو يجيله Maggots أو ديدان عن طريق المكروبات اللي موجودة في الجو . هنا في التجربة ديه إضافة البيبسي ساعد الديدان أسرع في النمو علشان السكريات المركزة فيه ، بس كانت إيه هتكون نتيجة التجربه لو حطنا اللحمة والبيبسي جوا الثلاجة ، أو لو لو سبناهم برة الثلاجة في مكان معقم كلياً 100%, مفش ديدان هتطلع في التجربه .هنا على فكرة المكسيكان بيكلوه أكتر من الامريكان بكتير ، وصحتهم جبارة . ماشفتش حاد جالي عند أعراض ديدان معويه أو حاجة ، بس علشان الرقابة البيطرية هنا وطبخوه بيكون صح
الموضوع داه كان محل اسئلة كتير لما كنت بدرس parasitology والدكاترة هنا يصححولي لو غلطان عن ال-Spontaneous generation
أنا الاستاذ بتاعي إلي بيعلمني جراحة دلوقتي وبيعاملني ذي ابنه يهودي مولود في إسرائيل وجاء هنا صغير ، زيي تمام أنا المصري بس ليه فضل علي بغض النظر عن دينتو أو جنسيتو
ولو الموضوع مناقشاته هتخد طابع الحده بلش نخوض فيها كتير .
مع تحياتي لجميع الأعضاء والمشاركين مسيحيين ومسلمين
اسمحلي كلام حضرتك كله غلط
انا طبيب بشري وأيضا بحضر دبلوما في الأمراض المعدية ومكافحة العدوى
ازاي حضرتك بتقول ان مفيش اي فرق بين خطورة لحم البقر ولحم الخنزير؟؟؟؟؟
اكيد حضرتك طالب طب في اولى او ثانية ولسه ما اخدتش سنة ثالثة, يعني مدرستش علم الطفيليات او علم الأمراض أو علم الأمراض الدقيقة
لو كنت عديت سنة ثالثة, انا مش عارف ايه كتب البارا (علم الطفيليات) والبكتيريا اللي كنت بتذاكر منها لأن المعلومة اللي انت قلتها دي كفيلة تسقطك في اي لجنة شفوي
دا الطلبة في الشفوي لما تنسى دودة ايه العائل بتاعها او الناقل بتاعها بتجاوب يا الكلب يا الخنزير وغالبا واحد منها حيطلع صح من كثر البلاوي اللي فيهم والخنزير اكتر من الكلب بمراحل
من المعروف ان الخنزير هو وعاء مخزن (Reservoir) لعدد كبير من الامراض اكتر من البقر والمعيز
من المعروف ان الخنزير هو عائل اخير definitive host وعائل اوسط intermediate host لعدد اكبر من الامراض والديدان
وحتكلم هنا على الديدان بس عشان لو دخلنا في البكتيريا مش حنخلص:
1. Balantidium coli
[sor2]http://img39.imageshack.us/img39/7816/41064167.jpg[/sor2]
طفيل وحيد الخلية بيعيش في الأمعاء, والقولون بييجي من اكل ملوث ببقايا الخنازير او الصرف الصحي اللي فيه فضلات الخنازير او شرب مياه ملوثة اتعرضت للخنازير
الأعراض:
اسهال وقيء ونزلة معوية مع دوسنتاريا معوية اللي بيسموها بالعربي تعنية
لا تأتي أبدا من الماشية وتأتي من الخنازير
2. Trichinilla spiralis
اللي حضرتك قلت انها اللي موجودة في الاعلان
[sor2]http://img442.imageshack.us/img442/9247/87615846.gif[/sor2]
دودة من الديدان المستديرة وليست الشرطية
بيجي من أكل لحم الخنزير اللي مش كامل النضج
يعني ممكن حته تكون مشوية وفيها جزء مش كامل سوى حيجيب المرض
الأعراض : في البطن تخرج الديدان من لحمة الخنزير وتقوم ببعض النمو , تقوم باخراج كل يوم 1500 يرقة
يبقى عامل زي الانسان اللي انفجرت جواه قنبلة مسامير
كل واحدة من الحلوين دول حتهاجر لعضو مختلف
اللي حتروح الكبد واللي حتروح الكلى واللي حتروح العين واللي حتروح المخ
تخيل القرف: مخك يبقى فيه حويصلة جواها دودة وجايز متاخدش بالك اصلا عشان ممكن يأثر على مركز التفكير او الذاكرة او المشاعر مثلا وميصيبش مركز الحركة او الاحساس يعني الانسان ممكن فعلا تفكيره وعنفوانه يتغير
يعني الكلام ده مش بتوع ناس جهلة
الكلام ده ممكن يتحقق علميا, يعني مش كلام فارغ نتريأ عليه
[sor2]http://img156.imageshack.us/img156/2631/44675908.jpg[/sor2]
أكتر عضو بتحبه الدودة دي هو العين تهاجر الى العين وتسبب العمى
أهم حاجه: المرض يأتي من أكل لحم الخنزير او الفيران
المرض لا يأتي أبدا من الماشية
3. العملاق الكبير دودة التينيا Taenia solium
http://img34.imageshack.us/img34/5458/capturefa.png
الدودة دي ليها معايا موضوع لوحده عشان الناس اللي بتحط دودة في ازاز العربية
اول ما بشوفها بفتكر الهلع اللي بيجيلنا لما كنا بنذاكر الديدان الشريطية اللي بتيجي من لحم الخنزير واللي ممكن يوصل طولها ل 25 متر
[sor2]http://img249.imageshack.us/img249/4914/67304195.jpg[/sor2]
25 متر طول الدودة الواحدة وانت طول الامعاء كلها من اول البق لفتحة الشرج 9 متر زي ما حضرتك عارف
ولولا ان الدودة دي شريطية يعني ملهاش سُمك كان الانسان يموت من انسداد الامعاء بعد ما ياكل لحمة الخنزير بحبة بسيطة
[sor2]http://img175.imageshack.us/img175/507/47719006.jpg[/sor2]
الدودة تاتي من اكل لحم الخنزير غير كامل السوى برضه
يعني ممكن حته لحمه مشوية وجزء بسيط منها ينقل العدوى
البلوى المسيحة اللي اسمها Taenia solium ومقارنة بينها وبين T.saginata اللي هي دودة الماشية
http://img94.imageshack.us/img94/3322/63957920.gif
تلاحظ حضرتك ان الاثنين بييجوا بنفس السبب والاثنين بيعملوا اسهال
انما النتيجة مختلفة خالص
لو بصيت للصورة اللي على اليمين حتلاحظ ان الخنزير بس هو اللي بيكمل المرض لآخره وبيعمل Cysticercosis
استحالة أستحالة ثم أستحالة ان لحم الماشية حتى لو اكلته ني من عند الجزار يعمل اكتر من شوية اسهال عشان فيه دودة حتطلع في الامعاء
انما دودة الخنزير:
1. هي دودة شريطية مكونة من الف مقطع
2. كل مقطع فيه 100000 بيضة : ايوة ميت الف بيضه
3. يعني الدودة الواحدة فيها 100000000 بيضة ميت مليون بيضة
كل بيضة منهم ادامها سكتين :
1. أول كارثة على المحيطين باللي بياكل لحمة الخنزير
البيضة تنزل في البراز وساعتها لو راحت لمصدر اكل او شرب لاي بني ادم ثاني حتكون مصيبة
يعني مثلا لو حضرتك دخلت مطعم مثلا وطلبت من البياع انه يعمل لك سندوتش فول وهو كان متعشي امبارح لحمة خنزير
حتبقى كارثة الكوارث على حضرتك
2. ثاني كارثة على اللي بياكل لحمة الخنزير نفسه
البيضة تنزل في البراز وساعتها لو صحي من النوم وفطر مثلا وبلع البيضة دي
حتفقص ساعتها يطلع منها يرقات
اليرقات دي حتهاجر بالآلاف تروح الكبد والطحال والمخ والعين والاعصاب
[sor2]http://img248.imageshack.us/img248/6534/83925822.gif[/sor2]
حيبقى عامل زي الانسان اللي انفجرت فيه قنبلة عنقودية
وفيه عندنا في طب الاعصاب مرض اسمه Neurocysticercosis
العيان بيقعد يجيله صرع وتشنجات وساعات عمى او طرش من اكل لحم الخنزير لغاية العيان ما يموت
برضه ممكن المخ يتأثر في مناطق متبانش بسرعة
زي مثلا مركز المشاعر والاحاسيس والذاكرة والغيرة مثلا
ودا بيفسر علميا ان فعلا ممكن آكل لحم الخنزير يبقى معدوم الغيرة والغيرة مش بس على الزوجة, ممكن تبقى على البلد او الدين او الاولاد.
جميع الامراض اللي ذكرتها مشروحة بالتفصيل في موقع: مركز الأمراض المعدية العالمي CDC, ولاية جورجيا الأمريكية
إلي dr حمادة
كل الي حضرتك بتقولوا صح 100%, في حالة إن كان الحيوان عنده الدودة في جسمه . زي مافيه حيوانات مصابة بالمرض ، فيه حيوانات سليمه وقابله إلي الاكل. لو حضرتك بتقول إن كل الخنازير عنداهة الدود داه في جسمها تبقى غلطان . لو أسعدك الحظ وجيت تحضر الماجستير ال-ID أو INFECTIOUS DISEASE عندنا هنا في أمريكا هتعرف إن أي حالة من اللي حضترتك ذكرتها هنا لازم وأكرر لازم نبلغ عنها ، ولو معملتش كدة ممكن تفقد رخصة مزاولة الطب علشانها . علشان يعرفو إيه سبب المرض وجاي منين وإن كان فيه أسباب إلي إنتشاره. داه الطب اللي إتعلمته في أمريكا . كل الحالات اللي سمعت عنها ومشفتهش كانت لمكسيكان مهاجرين جم بها من عندهم لأن الكشف البيطري عندهم ضعيف ، وداه يذبت اللي بقوله
كلام حضرتك صح برضه
انا مقلتش ان الخنزير بيتولد وهو عنده المرض
الخنزير بيجيله العدوى بعد الولادة
بس دا لا يمنع انه العائل النهائي في بعض الحاجات والعائل الاوسط في الحاجات الثانية
كون بقى ان حضرتك بتقصد ان في أمريكا لازم تبلغ بيه Notifiable disease
طب ما هو نفس الحاجات بتتطبق هنا على التيفود والحمى الشوكية
لازم لو اكتشفت حالة في مصر ابلغ عنها
وبرضه في مصر ممكن افقد رخصة الطب لو ما بلغتش عنهم
ولكن اساس الموضوع
معنديش استعداد ابدا اني اصاب بالصرع والعمى
لان احد المزارعين (غلط غلطة) وتمت اصابتي باحد الامراض دي
الدنيا ساعتها مش حتسوى مليم
أنا مش لاقي في الآية جزء بيقول انه مضر. ثانيا كنت طالب مصادر موثوق فيها مش موقع ديني بيحاول يلفق الكلام العلمي على مزاجه.اقتباس:
أولا ماحرم الله شيئا الا وكان له فعلا تأثيره الضار علي الأنسان
وأثبات ذلك كتاب الله وكلمات الله قال تعالى : ( قُلْ لا أَجِدُ فِي مَا أُوحِيَ إِلَيَّ مُحَرَّماً عَلَى طَاعِمٍ يَطْعَمُهُ إِلا أَنْ يَكُونَ مَيْتَةً أَوْ دَماً مَسْفُوحاً أَوْ لَحْمَ خِنْزِيرٍ فَإِنَّهُ رِجْسٌ ) الأنعام/145
نص الحقيقة كذبة كبيرة. اللحوم الحمراء + البيض + السمنة + الزبدة بيزودوا احتمالات تصلب الشرايين بدرجة كبيرة جدا. و على فكرة بقى الخمور بكمية صغيرة بتقلل حدوثه.اقتباس:
ثانيا : وأما أضرار أكل الخنزير على جسم الإنسان ، فقد أثبت الطب الحديث جملة منها
• يعد لحم الخنزير من أكثر أنواع اللحوم الحيوانية التي تحتوي مادة الكوليسترول الدهنية ، والتي تقترن زيادتها في دم الإنسان بزيادة فرص الإصابة بتصلب الشرايين ، كما أن تركيب الأحماض الدهنية في لحم الخنزير تركيب شاذ غريب يختلف عن تركيب الأحماض الدهنية في الأغذية الأخرى، مما يجعل امتصاصها أسهل بكثير من غيرها في الأغذية الأخرى وبالتالي زيادة كوليسترول الدم
عايز مصدر موثوق فيه للكلام ده.اقتباس:
يساهم لحم الخنزير ودهنه في انتشار سرطان القولون والمستقيم والبروستاتا والثدي والدم
يسبب لحم الخنزير ودهنه الإصابة بالسمنه وأمراضها التي يصعب معالجتها
نص الحقيقة كدبة كبيرة. كل أنواع المأكولات من أول السلطة مرورا بالحلاوة الطيحينية و اللحوم و الأسماك بكل أنواعها ممكن تنقل الديدان الشريطية دي و طفيليات و بكتيريا تانية كتير.اقتباس:
يسبب تناول لحم الخنزير الحكة والحساسية وقرحة المعدة
يسبب تناول لحم الخنزير الإصابة بالتهابات الرئة والناتجة عن الدودة الشريطية ودودة الرئة والتهابات الرئة الميكروبية
ايه علاقة ده بكلامنا؟اقتباس:
ومن المعروف أن هناك أيضا بعض الأمراض الخاصة بالبشر ، لا يشاركهم فيها من الحيوانات إلا الخنزير، ومن ذلك الروماتيزم، وآلام المفاصل
برضو هنا مش بيقول ان فيها ضرر.اقتباس:
، وصدق الله العظيم إذ يقول : "إنما حرم عليكم الميتة والدم ولحم الخنزير وما أهل به لغير الله فمن اضطر غير باغ ولا عاد فلا إثم عليه إن الله غفور رحيم" البقرة/173
بالضبط. سيدنا آدم خرج من الجنة لأنه عمل أمر منهي. ممكن التفاحة دي كان فيها او مكنش فيها ضرر. انما سيدنا آدم اتعاقب لأنه عمل أمر منهي. زي بالضبط الناس اللي بتحاول تقول اننا مأمورين بالصلاة لأن فيها فايدة صحية لنا أو نفسر آيات قرآنية على مزاجنا و نحاول نربطها بأي اكتشاف علمي حديث, و بعدها تلاقي الاكتشاف العلمي العظيم ده طلع غلط و شكلنا بقى وحش.اقتباس:
فهذه بعض أضرار أكل الخنزير ، ولعلك بعد الوقوف عليها لا تستريب في تحريمه ، فلتقف ، ولتبحث ، ولتنظر ، ولتتأمل ، بعدل وإنصاف وتجرد لمعرفة الحق واتباعه واسأل الله تعالى أن يهديك لما فيه خير لك في الدنيا والآخرة
على أننا لو لم نعلم في أكل الخنزير مضرة ولا أذى ، فهذا لا يغير من إيماننا بتحريمه شيئا ، ولا يضعف من تركنا له ، ولتعلم أن آدم عليه السلام إنما أخرج من الجنة لأجل أكلة أكلها من الشجرة التي نهاه الله عنها ، وما علمنا عن تلك الشجرة شيئا ، ولا كان آدم في حاجة إلى أن يبحث في سبب تحريم الأكل منها ، بل كان يكفيه ، كما هو يكفينا ويكفي كل مؤمن ، أن يعلم أن الله حرم هذا فلايصح المجادله في شئ محرم بحرمانيه قطعيه
أنا مش هاكل لحم خنزير لأني منهي عنه و لأن الخنزير حيوان مقزز. انما أنا مش عايز واحد مسلم يقول لذوي الديانات التانية لحم الخنازير متحرم علينا لأنه فيه خطورة صحية و بعدها يطلع كلامه غلط.
انا مش عايز اخش فى تفاصيل و بحترم جميع الاخوه المسيحيين و معتقداتهم فوق دماغى
بس زى بحرى ماقال- انا بس اشرح سنه زياده ان المسيح عليه السلام لم يأت بدين لجميع الناس و انما كان لبنو اسرائيل لما ضلوا عن رساله موسى و عشان كده مافيش كتاب سماوى نزل مع عيسى عليه السلام على عكس موسى عليه السلام
الكتاب السماوى يحدد المعاملات و الشريعه و ما الى ذلك كما فى التوراه
التوراه دين يبين كافه هذه المعلومات و المواريث و ما الى ذلك و ذلك ليس موجود فى الانجيل
عشان كده بحرى قال موسى مش عيسى عشان الحلال و الحرام مذكور عند موسى عليه السلام
المسيح عليه السلام نور للبشريه و لا خلاف على حبنا جميعا له
و ارجو الا اكون تقلت على اصدقائنا المسيحيين و اعبر عن احترامى لهم و عتقداتهم كافه
كويس أوي ، وهو الخنازير بس اللي كل المزارعين بيغلطوا فتربيتها ، أما كل الأنواع التانية من الحيوانات حضرتك ضمنها منهم . أنا مش عايز أدخل في جدال عقيم . أنا عايز أقول إنه زي أية حيوان تاني بينقل أمراض ولا أكتر ولا أقل . مع إختلاف الرعايه البيطرية من مكان لمكان هو داه اللي بيعمل الفرق . بس حضرتك بتحاول تضخم وتكبر الأمراض اللي بينقلها وفي نفس الوقت تتغاضى عن الأمراض اللي ممكن أي حيوان تاني ينقلها .
هسألك سؤال واحد وجاوب عليه . هل تعتقد إنه ممكن يبقى فيه خنزير عليه رقابة بيطرية سليمة ومافيهوش أي أمراض في حين إنه ممكن يكون فيه بقرة أو معزه أو حتى جمل معلهش رعاية وعندهم كل الأمراض . لو اجابتك آه يبقى متفقين ، وياريت لو تشرفنا هنا في أمريكا ، نبقى سعداء لاستضافتك
يا سيدي الفاضل أنا في سنة تالتة و لسا واخد الHelminths الترم اللي فات بس برضو احنا شغالين بالترمات فمراجعتهاش من فترة.
أنا عاجبني أسلوب سردك و لكن أنا حاسس ان فيه بعض المبالغة.
الTrichinella Spiralis أنا مقلتش انها شريطية.
الTaenia Solium له مشاكل برضو ميستهانش بيها و معتقدش انه بيتعالج من تلقاء نفسه.
الCysticercosis مش بيحصل في الT.Solium الا في المراحل المتأخرة.
لو اتصاب بالمرض ممكن. غير كده أنا مش شايف علاقة. و بعدين لو كان كلامك صحيح كان الخنزير هو كمان زي ما هو ديوث ييبقى الطبيعي ان يجيله تشنجات مثلا.اقتباس:
ودا بيفسر علميا ان فعلا ممكن آكل لحم الخنزير يبقى معدوم الغيرة والغيرة مش بس على الزوجة, ممكن تبقى على البلد او الدين او الاولاد.
و بعدين في parasites كتير بتتنقل من أكل حاجات غير الخنزير زي الفاشيولا أو الToxocara Canis أو Diphyllobothrium.
الله عليك يا دكتور hamadamdph وعلى شرحك الوافي العلمي الذي قطع قول كل خطيب، وانا لا اقدر على الاضافة بعد هذا. لكن لي مجرد تنبيهات:
اولا: الفيديو مضرووووب وغير حقيقي وبصوا كدا على قائمة الفيدوهات المتعلقة هاتلاقي ناس كتير جربت وماطلعش دود. دا مش معناه إن لحم الخنزير صحي. دا مجرد معناه إن الكوكاكولا لا تساعد في إخراج الديدان من لحم الخنزير فقط
ثانيا: لحم الخنزير حرام حرام حرام حتى لو كان قليل الأمراض لأنه محرم بنص، وما يحرم بنص لا يحتاج إلى تبرير علمي. فقط إما ان تطيع إو تعصي
ثالثا: الخنزير محرم في اليهودية (العهد القديم) ولكن الغرب كله يعيش على لحم الخنزير لكن هذا ليس معناه إنه حلال في العقيدة المسيحية، والمسيحيون المصريون الملتزمون لا يأكلون الخنزير.
رابعا: ارجوك يا دكتور اكد لنا صحة تلك المعلومة أن اغلب التجارب على الأنسجة البشرية (الأدوية مثلا) تتم على الخنازير في المقام الأول قبل التجارب البشرية؟؟؟؟
من الاخر بس علشان الموضوع ميتطورش اكتر من كدا .. احنا المسلمين والحمد لله محرم علينا تماما تماما اكل لحم الخنزير .. ولينا طريقة معينة في دبح الماشية بتساعد بنسبة 80% من ال تخلص من البكتيريا والديدان الموجودة في الماشية والتي لا يمكن مقارنتها طبعا بالموجودة في لحم الخنزير. بعكس الدول الاخري ال بتقتل او تخنق او تكهرب الخنزير حتي الموت ودا بيساعد ان الديدان تفضل موجودة في جسمة.
بعد كلام الدكتور hamadamdph وشرحة العلمي الاكثر من رائع من يحب من غير "المسلمين" ان يكل لحم الخنزير يتفضل ماحدش منعة وكل واحد حر في نفسة . واعتقد ان جميع الاخوة المسيحيين في مصر يقرفوا انهم ياكلو هذا الحيوان (المعفن). والسبب الوحد لتلربيتة هنا في مصر بأعداد قليلة هو السياحة
والله Dr حمادة مجبش الكلام داه من دماغه داه جابه من كتب microbiology و- ال-parasitology اللي أمريكا وأوروبا هما اللي نشرنها. هو حتى قال على موقع ال-CDC وداه الموقع بتاع الامراض المعدية وتطورها . والطبيعي لو فيه دولة أو حد بيعمل ابحاث ولقى عن حيوان بينقل أمراض وفيه خطورة على البشر إنه يمنع أو حتى يحذر من أكله وداه ، وداه اللي مشفنهوش حصل حتى الأن .
الخنزير محرم أكله في الإسلام بنص ، يبقى مش هيتاكل حتى لو مبيجبش أي أمراض . ولكن في نفس الوقت مش علشان محرم نحاول نثبت عن طريق العلم إن أكله ممكن يجيب كل الامراض الفتاكة لأن العلم مثبتش كدة حتى الأن . أو العلم قال إنه زي أي حيوان تاني لو مفيش رعاية بيطرية عليه ممكن يتصاب وينقل الامراض ديه للإنسان
داه كل إلي عايز أقوله
طبعا كل الشكر لدكتور حمادة علي مجهودة في اظهار اشياء كثيرة كانت تخفي علي بعضا منا
بخصوص بقي ان لحم الخنزير محرم نص. فا كل المحرمات علينا احنا بنطيع الله ورسولة من غير نقاش , لاكن ربنا سبحانة وتعالي لية حكمة في كل افعالة سبحانة وتعالي بداية من خلقة السموات والارض في 7 ايام وهو القادر علي خلقها في اقل من عشر الثانية, ثم خلقة ادام وحواء في الجنة ومن ثم وسوس لهم الشيطان وعصي ادم ربة فعوقب بالحياة علي الارض الي ان يشاء الله ( وهنا بعض الناس تسئل طب لية من الاول ماخلقهمش في الارض؟ ودا لعدة اسباب ومنها لكي يعلموا ان الشيطان هو العدو الاول للانسان ويجب التقيد بما امر الله بة حتي تكون الجنة هي ملازنا في الاخرة ان شاء الله) وهناك الكثير من الدلائل ان كل ما يفعلة سبحانة وتعالي لة حكمة قد نعلمها الان وقد يطول علينا الامر حتي نعلمها . وفي الايام المعاصره التي نعيشها او قبل ذالك ببضع عشرات من السنين اتضحت الكثير من الاشياء مثل السبب في تحريم الربا وفي الازمة الاقتصادية الاخيرة التي هزت امريكا والعالم كلة وتسببت في كوارث مادية اتضح السبب واكيد حضرتك تعلم اكثر مني بهذا الموضوع واسبابة للدرجة التي جعلت بعض الدول العلمانية في التفكير في تطبيق الشريعة الاسلامية في مايخص المعملات النقدية. الحاجة الثانية تحريم الخمر ودي مش محتاجة شرح واكيد كلنا عارفين اضراار الخمر علي صحة الانسان. الحاجة الثالثة تحريم اكل الميتة والجيفة وهنا في نقطة مهمة جدااااااااااا كل علماء الطب اثبتوا ان لحم الحيوانات الميتة او النافقة فية كمية كبيرة جدااا من البكتريا والديدان وتسبب بالعديد من الامراض للانسان وطبعا ممنوع بيعها في كل الدول وبلاخص الدول ال حضرتك بتستشهد بيها في ردك ولم يعترفوا زي ما حضرتك بتقول بأضرار اكل لحم الخنزير مع ان سبحان الله اية التحريم في كلا الامرين هي اية واحدة( إِنَّمَا حَرَّمَ عَلَيْكُمُ الْمَيْتَةَ وَالدَّمَ وَلَحْمَ الْخِنْزِيرِ ) البقرة/ سبحان الله بيخدو ال يعجبهم بس وبيدفعوا عن الشئ الاخر قمة التناقض في افعالهم!!
اما بخصوص تحريم لحم الخنزير فهو لم ينزل نص بدون تعليل زي ما حضرتك بتقول راجع كتاب الله المصحف الشريف تجد فية في سورة الانعام
{قُلْ لَا أَجِدُ فِي مَا أُوحِيَ إِلَيَّ مُحَرَّمًا عَلَى طَاعِمٍ يَطْعَمُهُ إِلَّا أَنْ يَكُونَ مَيْتَةً أَوْ دَمًا مَسْفُوحًا أَوْ لَحْمَ خِنْزِيرٍ فَإِنَّهُ رِجْسٌ)
والرجس يطلق على ما يستقبح في الشرع ، وفي نظر الفطر السليمة ، وهذا التعليل وحده كاف ، وورد تعليل عام وهو الذي ورد في تحريم المحرمات من المآكل والمشارب ونحوهما وهو يرشد إلى حكمة التحريم في الخنزير ، وذلك التعليل العام هو قول الله تعالى : ( وَيُحِلُّ لَهُمُ الطَّيِّبَاتِ وَيُحَرِّمُ عَلَيْهِمُ الْخَبَائِثَ ) الأعراف/157 ، فهذا يشمل بعمومه تعليل تحريم لحم الخنزير ، ويفيد أنه معدود في نظر الشريعة الإسلامية من جملة الخبائث .
حاجة اخيرة .. طبعا معروف ان محرم اكل لحم الكلاب والقطط ومن المعروف ايضا ان دول جنوب شرق اسيا الصين وهونج كونج وغيرها تأكل هذة اللحوم من زمان ال ان ظهر مرض السارس وما وباء السارس الذي أجتاح الصين و جنوب شرق آسيا إلا نتيجة لأكل لحم الجوارح والكلاب وحسب ما أعلن فتحت عنوان " السارس سببه اقبال الصينيين على أكل القطط والكلاب البرية "
قال علماء من الصين وهونج كونج أن الفيروس المسبب للالتهاب الرئوي اللانمطي (سارس) قديكون انتقل إلى البشر من حيوانات سنور (قطط) الزباد وكلاب الراكون.
وذكر راديو الصين نقلا عن العلماء أن خمسة من ضمن عشرة تجار حيوانات تم فحصهم في إقليم جوانجدونج جنوبي الصين وجد لديهم فيروس السارس ويعتقد أن المرض نبع من إقليم جوانجدونج على حدود هونج كونج.
والان ومنذ اربع شهور تقريبا تم منع اكل لحوم القطط والكلاب في الصين مع فرض عقوبات وغرامات علي من يأكلها او يتاجر فيها.
من المعروف ان الاجراءات الوقائية تأتي دائما متأخرة , وغدا لناظرة قريب وانا متأكد انة سيأتي اليوم الذي يتم منع اكل لحم الخنزير في هذة الدول