الموضوع: رجاء المساعدة من عشاق البيتلز

المشاركة الأصلية كتبت بواسطة hotboja

هو فى 3 انواع من البيتلز 1300 و 1302 و 1303
بنسبة لو عينك على 1300 هيكون سعرة من اول 7000 الى 13000 حاسب الحالة والتوضيب اللى فية وخالى بالك فى الموديل دة من الرقبة اللى فى الشنطة قدام تكون سليمة

ام لو عايز السوقة مريحة يبقى 1302 او 1303 على شان فيه مساعدين امامى وشغل فى العفشة على وصلونها اوسع شوية والزجاج فى 1303 بموبيها كمان المودلين دول مفيهومش رقبة فى الشنطة لكن ممكن ترفعة فى البنزينة وهيابن لو فيها حاجة او لا
سعرة من اول 11 الى 17 وفى منه مكيف ودلع اخر حاجة :)


ام الكابولية يفضل انها تكون وريجنال وابعد عن اللى مش واريجنال مع ان ممكن يكون سعرة مغرى بس مش بتتعمل صح زاى الوريجنال ووكمان ممكن تكون عاملة حداثة وعاملوها كابولية

بس غير كدة احب اقولك انها جامدة العربية وحلوة قوى من كل شى
موفرة فى البنزين

ياباشا انا متشكر جدا جدا على اهتمامك وافادتك ليه
وانا فعلا بدور على حاجة تكون نظيفة ومكيفه
والله المستعان

اكتر عربيات بيتلز كابورليه شفتها كانت فى اسكندريه ... يعنى طبعا مع الحرص الشديد فى معاينة العربيه علشان الغش ونقص الضمير واللى يقولك انها فابريكه كابورليه من المصنع وفى الاخر يطلع محولها بعد حادثه .....الخ - لو عندك اى من اصحابك او معارفك هناك ممكن يشوفلك عربيه كابورليه.... وربنا يوفقك فى عربيه نضيفه ان شاء الله

المشاركة الأصلية كتبت بواسطة ramremo

اكتر عربيات بيتلز كابورليه شفتها كانت فى اسكندريه ... يعنى طبعا مع الحرص الشديد فى معاينة العربيه علشان الغش ونقص الضمير واللى يقولك انها فابريكه كابورليه من المصنع وفى الاخر يطلع محولها بعد حادثه .....الخ - لو عندك اى من اصحابك او معارفك هناك ممكن يشوفلك عربيه كابورليه.... وربنا يوفقك فى عربيه نضيفه ان شاء الله

ياباشا الف شكر على مرورك الكريم

طيب انا بس ليه استفسار انا عرفت ان ال1303 بتعمل حوالى 15 او 17
الكابورليه الاوريجنال اخرها موديل كام وتقريبا بتعمل كام فلوس

المشاركة الأصلية كتبت بواسطة haroun707

ياباشا الف شكر على مرورك الكريم

طيب انا بس ليه استفسار انا عرفت ان ال1303 بتعمل حوالى 15 او 17
الكابورليه الاوريجنال اخرها موديل كام وتقريبا بتعمل كام فلوس

لأ كام بالظبط انا معرفش بس عارف انها هتزيد عنها جامد لو كابورليه اورجينال وهى بتبقى 1303 لان الزجاج بيبقى بومبيه ماينفعش يبقى عادى -- ممكن حد يفيدنا فى سعرها من البتلزاويه فى المنتدى...

المشاركة الأصلية كتبت بواسطة ابوهاشم

انا كنت شوفت واحده من فتره كابورليه فبريقه
وبصراحه العربيه كانت عباره تحفه
وتحس انها لسه زيرو من الشغل اللى معمول فيها
وصاحبها كان شاريها ب25000جنيه وبصراحه كانت تستاهل
بس خلى بالك ان الكابورليه لازم يكون عندك جراج خاص ليها
يعنى ماينفعش تسيبها فى الشارع
والا مش هتلاقى حاجه فيها

ياباشا تسلم على ردك

انا بصراحة العربية دى عملالى جنان فى دماغى من جمالها

وبعدين انت عندك حق فعلا فى موضوع الجراج دانا ممكن ملاقيهاش هى اساساً هههههههههههه
بس ده ان شاء الله امرة سهل جدا بس الواحد ربنا يكرمه ويلاقى حاجة نظيفة

ادعيلنا وربنا كريم ان شاء الله