الموضوع: دعوة لفعل الخير

السلام عليكم و رحمة الله و بركاته

بداية
واضح جدا جدا إن فيه حاجة غريبة هنا في المنتدي بتربط اعضاءه ببعض و بتخليهم يخافوا علي بعض في كل حاجة.. حتى لو إن معظم الاعضاء لم يتقابلوا من قبل..
إلا انهم مش بيترددوا في اعطاء النصيحة لمن يحتاجها او مساعدته .. ابتغاء مرضاة الله ..
و عرفنا كلنا اللى حصل لصديقنا فيي المنتدى ( محمد ) الذي لم اتشرف بمقابلته و لم تمهلني الظروف لمساعدته ( نظرا لظروف مادية قاحلة في ذلك الوقت )
فـ و انا قاعد بقلب الموضوع في دماغي و افتكرت ان كان فيه واحد محتاجني و ما اقدرتش امد ليه يد المساعدة.. مهما كانت الظروف.. زعلت جدا اوي من نفسي و حسيت اني ماليش اي لزمة في الدنيا

بعدها
جه في دماغي اننا نحاول ننسق فيما بيننا لعمل خيري يعم علينا كلنا بالثواب و المغفرة من الله.
و يكون باسم المنتدي كله ( يعنى نحاول نكون قدوة لباقي المنتديات التانية )

بس لحد دلوقتي مش عارف العمل ده هيكون ايه بالضبط..
فقلت أفتح موضوع للمشورة عليكم..
عشان نكون على استعداد لو حد مننا وقع في مأزق نكون مستعدين لكده

فياريت اللى في دماغه فكرة يشاركنا بيها عشان الفائدة تعم علينا و على اصدقائنا و على منتدانا و بلدنا

المشاركة الأصلية كتبت بواسطة mrsailor

ممكن تراجع المشاركات على الموضوع ده
اقتباس:
المشاركة الأصلية كتبت بواسطة mrsailor
و الله يا استاذ احمد انا فكرت فى ان كلنا نشترك فى جهاز لان المبلغ اللى ممكن نجمعه حايجيب جهاز ممكن يفيد الناس اكتر من التبرع لجامع او التبرع منفردين لان مهما اتبرعنا منفردين المبلغ مش حايكون بالحجم اللى ممكن نجمعه من الاخوة اللى عاوزة تشارك .. و موضوع التبرع ده مافيش اسهل منه .. بالضبط زى الاشتراكات بتاعة المقابلات .. و علشان نرفع الحرج عن الناس ممكن نوحد المبلغ ( مثلا نقول المطلوب مبلغ 20 جنيه من كل عضو ) و احسبها لو 1000 واحد اتبرع حايبقوا 20000 جنيه فما بالك ب 10000 عضو فى الحالة دى حايبقى حوالى 200000 جنيه .. و ده ممكن يجيب حاجات كتير .. اما موضوع اننا ما بنعرفش فى الاجهزة انا كنت اقترحت ان واحد زى الدكتور احمد عبد الغنى و بعض الاعضاء اللى عندهم خبرة طبية يروحوا المستشفى اللى كان بيتعالج فيها المرحوم و يسألو ممكن تكون المستشفى محتاجة جهاز ايه .. و الدكتور احمد نظرا لخبرته ممكن يتولى الموضوع شراء الجهاز ده .. و لو فاض مبلغ الدكتور احمد و الاعضاء اللى معاه حايكونوا اقدر مننا على معرفة ممكن يجيبوا ايه تانى ينفع المستشفى و المرضى اللى فيها نظرا لخبرتهم الطبية .. الفكرة ان الثواب اللى حانعمله يتعمل بحيث يكون صدقة جارية و فى نفس الوقت نفيد بيه حد محتاج .. و دى فكرة توحيد الجهود و جمع مبلغ كبير .. انا تليفونى 0123279988 اتفقوا ازاى حانجمع المبلغ و انا جاهز علشان اعطيه للعضو اللى حايتولى جمعه .. بس ياريت التحرك يكون سريع علشان بعد فترة الموضوع حايعدى و مش حايبقى ليه نفس التأثير زى اى حاجة حزينة او مفرحة بتعدى فى حياتنا

والله ياريت الكلام ده يتنفذ وبسرعة
لأن زي ما احنا شعب عاطفي ومحب للخير وبنتجمع دايما ساعة الشدة ..... لكن يبقى العيب الخطير ..... مش بنعرف نشتغل جماعي
ياريت نايل موتورز يكسر القاعدة دي ...... انا معاكم
وده الرابط بتاعه من اول صفحة
http://www.nilemotors.net/Nile/148673-a.html

انا عارف و قريت الموضوع و شاركت فيه
و حبيت اعمل موضوع لوحده للتنسيق
بين الاعضاء و مشاركة الافكار
و اهوه اديني مستنى اي افكار جديدة نقدر نساعد بيها الناس