انا جديد هنا وعاوز مساعدة

**BLOSKY** · 14-05-2010 01:20 PM

[OVERLINE] [/OVERLINE][OVERLINE][/OVERLINE][OVERLINE][/OVERLINE]
[OVERLINE]

سلام لكل المنتدي المنتدي الحقيقية هنا ثري للغاية بكم مذهل من المعلومات

انا جديد معاكم هنا في المنتدي انا عندي عربية صغنونة كدا 128 عارف عارف بيقفشوا اللي راكبيين 128 دلوقتي

انما هاعمل اية بقي انا نفسي ومني عيني اركب عربية فيها تكيف وبعدين نبقي نتنافش تبقي سيراتوا ولا اسبيرانزا دا مش موضوعنا خالص
انا قررت اجيب عدد اتنين فردة كاوتش جداد للعربية لان فية اتين اتخطي عمرهم ال 5 سنوات بكتير وانا بركب التيوبلس
واللي هايتغيروا دول بيردجيستون اندونيسي
ولكن انا لاقيتة غالي
فمفكر في الكمهو دلوقتي ياجماعة اية رائيكم اولا في الكمهو فية ناس بتقول انة وحش في الفرامل والسرعات الواطية
وبيبقي حلو بعد 120
بشوفها من العيد للعيد

انا بركب مقاس 70/165/R13
الفردة ديا عريضة شوية ولكن مناسبة لل 128
وانا من زمان بركب المقاس دا
ولاقيت الفردة الكمهو ب 210 جنية
وهي ارخص الكاوتش الجيد
انا بدور علي السعر ياجماعة وفي نفس الوقت الجودة قدر المستطاع يعني مش السعر علي حساب الجودة
وروحت محل تاني بيقولي عندة حاجة اسمها ماكسيس باين انا بصراحة اول مرة اسمع عن النوع دا وباين انة تيلاندي وفرق بينة وبين الكمهو 10 جنية فطبعا الكمهو ماركة معروفة
وبعدين انا عاوز اعرف عن معامل التاكل
TRADWEAR
وانة الرقم دا كل ما كان اعلي كل ما كان احسن
وانة ممكن يبقي 240 او 330
وكمان عاوز اعرف معامل قوة الفرملة
TRACTION
وبيبقي يا اما
AA
A
وتقريبا فية AB
ودا غير رمز درجات الحرارة ارجوكم تدلونتي
لحسن مبلغ مابين 400 و450 مش سهلين بالنسبة ليا
وانا عاوز اجيب احسن حاجة ممكنة واعلي جودة
انا منتظر اجابتكم وترشيحاتكم ليا باسرع وقت ودمتم
وسؤال بالمرة
اية رائيكم في موضوع ملو العجل بالنيتروجين
هو صحيح الفردة ب 5 جنية ولكن لو كانت هاتفرق بشكل كبير مع العربية يبقي امري لله اجرب
مستني اجابتكم يا اصحاب الخبرة والمعرفة وماتبخلوش علي
اخوكم بلوسكاي

[/OVERLINE]

**BLOSKY** · 15-05-2010 01:21 AM

بس ستة زارو الموضوع ومافيش ولا حد جاوب اية مافيش حد يساعد ولا اية الموضوع استني كمان شوية مش هاقول رايء متسرع

**BLOSKY** · 16-05-2010 01:37 AM

حقيقي انا مصدوم جدا جدا من الانانية الموجودة في المنتدي هنا ومستغرب ازاي المنتدي بقي ثري بكم المعلومات اللي فية مع الانانية اللي انا شايفها
11 واحد دخلوا الموضوع وماحدش كتب ولا معلومة
اممممممممممممممممممم

_____________________________

تحذير وأنذار للعضو

يرجى تحرى الدقه فى أختيار ألفاظك أثناء تناول المواضيع مع زملائك

فى حالة تكرارك لمثل هذا الأسلوب

سيتم تطبيق عقاب شديد

مشرف قسم الورشه

**lobna_yaseen** · 17-05-2010 06:57 PM

ماتزعلش من أعضاء المنتدى الظاهر إن اللى دخلوا مايعرفوش زيهم زيك وأنا معاهم وممكن يكون داخل علشان يعرف الإجابه بس تأكد إن أول ماحد يدخل الموضوع ويكون عارف حاجه هيقولك على طول
الكلام ده عن تجربه شخصيه وربنا معاك

**SHNORY** · 17-05-2010 07:21 PM

حضرتك وصفت الاعضاء بالانانيه لانهم محدش رد عليك
مع ان مفيش ولا عضو وصفك بالتكاسل لانك معملتش بحث في المنتدي
اعمل بحث يا باشا الاول وبعد كده اسئل براحتك

**ahmedsamir79** · 18-05-2010 09:22 AM

المشاركة الأصلية كتبت بواسطة macdiv

يعني مش عايز احبطك ولا حاجه بس التخصص الزايد اوي الللي انت بتفكر بيه مش مهم بالمره في السرعات تحت ٩٠ ... انا شايف ان انت مصدع نفسك زياده ... الكومهو كويس و اليريلي احسن و في عندك مجال واسع للاختيار في حدود امكانياتك ،، و ربنا يوفأك

+1

**eslamspirit** · 26-05-2010 11:22 AM

البريللي معقول جدا و ممكن يزيد في السعر عن الكومهو حاجة بسيطة
و انا راكب عندي 13/165 بس حاسس انة عريض شوية لان المقاس اللي بينصح بية 145/13
ممكن 155 /13 لو فية
المكسيس سمعت عنة انة طري و كويس في المطبات
اما النيتروجين فيفضل انة مش من اول ملو لازم تجرب الاول بالهوا و تشوف التسريب و اية النظام