مشكلة مزمنة فى تيل الفرامل

**nourahmed** · 07-05-2010 09:43 PM

اولاً السلام عليكم و رحمة الله و بركاته عندى مشكلة مزمنة مع تيل الفرامل انه بيصفر كل لما ادوس فرامل بالرغم انه جديد بقالو 3 اسابيع و دى مش المرة الأولى انى اواجه المشكلة دى يمكن دة ثالث طقم تيل فرامل اجيبه خلال 7 شهور , اول مرتين كنت بشتريه من محل اورجينال مرة و بدر شاهين مرة بشارع شبرا بعد كدة الميكانيكى قاللى طبخة التيل مش كويسة و نصحنى اشترى من فيات 2000 بجوار جريدة الجمهورية برمسيس على اساس انه وكيل و فعلاً اشتريت طقم جديد من هناك و قبل ما اركبه خليت الميكانيكى يفك الطنابير الأمامية و مسحتها عند الخراط و بعد كدة ركبت الطقم الجديد و بعد اسبوع ابتديت اسمع الصفارة مرة تانى مش عارف اعمل ايه ......!!!!!!!!!!

**sweetheart_** · 07-05-2010 09:56 PM

انا كمان عندى المشكله دى وبتظهر لما اكون مشيت بالعربيه مشوار كبير يعنى وهى برده مش بتصفر انما لما بسافر بيها مثلا تيجى فى نص الطريق وتبتدى تصفر هى الاول كانت بتصقر على طول رحت لفراملكوا فى الملك الصالح قالى الطنابير مش محتاجه خرط وصنفر التيل من الحراف وركبه وبقت بتصفر لما بتسخن بس مش عارف من ايه هو انا عندى الطنابير البرواز اللى حوالين اللحميه بارز شويه يعنى اللحميه اوطى منه سنه هل دا هو السبب

**mohamed_e36** · 09-05-2010 05:03 PM

برضو انا بعاني من نفس المشكله وده برضو تالت طقم اغيرو وغيرت الطنابير وبرضو مفيش حل ياريت لو حد عندو حل للمشكله دي يفيدنا

**darkangel007** · 10-05-2010 02:42 AM

اغلبية انواع التيل الى فى السوق منيلة بنيلة و انا بعانى من الموضوع دة اوى!

**mohamed_e36** · 10-05-2010 03:27 AM

طيب ايه الحل حنفضل ماشيين كده
انا فكرت اروح املا التيل بس مش عارف املاه فين وهل ده حل كويس ولا مش عملي

**sweetheart_** · 10-05-2010 03:32 AM

انا بفكر اخرط الطنابير ولو الراجل قالى مش محتاجه هقوله اخرطها وملكش دعوه عشان انا حاسس انها من الطنابير مش من التيل

**م.محمد علاء** · 10-05-2010 03:32 AM

عندي المشكله دي فى ال عربيه 128..قولت للميكانيكى قالى حاجه عاديه نتيجه إرتفاع درجة الحراره و التيل بسخن مع الطنابير..
كونها عاديه لانها مش ضرر..
بس سببها جاي من خامات التيل الرديئه المستعمله..مع الحراره
والله أعلم

**nourahmed** · 12-05-2010 02:55 PM

[grade="00008b ff6347 008000 4b0082"]
ملحوظة غريبة ان كل المشاركين فى الموضوع بيواجهوا نفس العيب !!!!!!!!!!!!!!!!!!!!
[/grade]يا ريت حد متخصص او من اهل الخبرة يساعدنا فى حل المشكلة دى.

**hobaz** · 12-05-2010 03:13 PM

نفس المشكلة ومتابع معاكوا بس بتهيألي هي خامات رديئة مش اكتر...

**nourahmed** · 15-05-2010 03:54 PM

واضح ان مشكلة تيل الفرامل دى مشكلة عامة تقريباً نظراً لسوء الخامات و كل اللى اشترك فى الموضوع بيعانى منها مفيش حد متخصص عارف يساعدنا.......................