من غير عنوان

**mahfouz1983** · 14-05-2010 02:40 PM

مش عارف والله اكتب عنوان للشوفته بصراحه
من يومين بالظبط وبالتحديد يوم الاربعاء الي فات كنت قاعد قدام مكتبي وفيه مطعم جنب المكتب عندي المهم كان فيه قطة بنعطف عليها في الشارع فالراجل صاحب المطعم بيجيب العظم بتاع الفراخ الباقي من الزباين يرميه للقطه تمام المهم كنت قاعد سرحان شوية بصيت للقيت واحده ست عجوزة غلبانه زي ميكون بتزع في القطة وبعدين لقيتها خطفت العظم بتاع الفراخ نت بق القطه وجريت المهم زي متكون لقيت لقيه ومعرفتش احصلها وناديت عليها مرديتش عشان اديها فلوس مبصتليش والله شوفتو يا جماعه احنا حالنا وصل لحد فين في ناس كتير جعانه في البلد يا جماعه ولازم نطلع الزكاة بتعنا من دلوقتي وطول السنه وندي للمحتاج فعلآ وندور عليه لازم الحالة بتاعت الناس وحشة جدآآآآآآآآآآآ الناس مش لاقية رغيف العيش والله وبعدين يا جماعه انا بتكلم في منتدي بحس انه بيتي والله وربنا يقدرنا علي فعل الخير

**SunSet** · 14-05-2010 02:47 PM

الحمد لله الذي عافانا مما ابتلاهم به وفضلنا على كثير ممن خلق تفضيلا

عند حضرتك حق لكن فعلا ان الواحد يقدر يعرف المحتاج فعلا من المدعي وممتهن التسول, ده بقى شئ صعب في الزمن اللي احنا فيه

ربنا المستعان

**nab!l** · 14-05-2010 02:49 PM

لاحول ولاقوة الا بالله
يارب سترك

**gebreel** · 14-05-2010 03:16 PM

لا حول ولا قوة الا بالله

انا كثير ببقى عاوز ادي للناس اللي في الشارع دول حاجة بس اللي بيوقفني اكثر من حاجة
1- تلاقي راجل شنبه في وشه و ما شاء الله فيه صحة للشغل و بيشحت
2- طفل صغير لقاها سهلة و لما بساعدو بيستمر فيها
3- مببقاش عارف مين اللي يستحق و مين اللي لأ

بس فعلا حالة الناس وحشة جداااااااااا

**gebreel** · 14-05-2010 03:36 PM

المشاركة الأصلية كتبت بواسطة mahfouz1983

هو فيه ناس وحشه بس في النقطه دي استفت قلبك يعني قلبك هو الي هيدلك وانا بتكلم ان احنا الي ندور علي الناس الي فعلآ مش عارفه تعيش في الدنيا ابسط مثال المذيع عمرو الليثي بيوصل للناس الغليانه دي ازاي لازم نوصل الزكاه لمستحقيها فعلآ والصدقات هكذا ىزم وانا باكد علي لازم دي لان الدولة انتهي دورها الي الابد ولن تتدعم الدولة المواطن الغلبان احنا لازم نقف جنب الغلبان ونساعده والا ربنا هيغضب علينا ووبعين الطفل الصغير الي بيشحت يعني هو لو كان ابه كويس كان طلعه من التعليم وخلي يمد ايده الحوجه وحشة يا جماعه

هو انا تقريبا معرفتش اوصل لحضرتك فكرتي

انا مش بتكلم على الزكاة الحمد لله والدي بيطلعها و في اماكن محترمة جدا انا بتكلم على نفسي ببقى عاوز اطلع حاجة من مصروفي لله مببقاش عارف اوديها لمين

يعني مثلا انا و اصحابي لمينا من بعض و طلعنا جبنا حاجات لأيتام و رحنا علشان نزرهم دي الحاجة اللي جت على بالنا و هكذا ...

و بالمناسبة يا جماعة في جمعية اسمها اختار اسرة دي جمعية محترمة جدا بيعملو دراسة حالة للأسر الفقيرة بشكل فعلا ممتاز و بيتابعوهم و يقلك الاسرة دي محتاجة كذا و تكفلها باللي تقدر عليه و في الاخر يطلع للعائل بتاع الاسرة شيك باسمه علشان تروح تصرفو من البنك حتى علشان ميبقاش فيه احراج ليهم من انهم يقفو طابور علشان يصرفو الاعالة و كدة و بيتابعوهم من بعيد لبعيد و لو لقيو انهم مش محتاجين و وقفوا على رجليهم بيبعتولك جواب شكر ان الاسرة دي وقفت على حيلها خلاص وبقى فيها ناس بتشتغل و هكذا...

**Mzeid** · 15-05-2010 05:12 PM

لا إله إلا الله
هي وصلت لكدة
يا جماعة لازم نتحرك و نعمل حاجة مش هينفع :(

**devilishtigers** · 15-05-2010 05:54 PM

هو احنا وصلنا لكده
ربنا يرحمنا ويلطف بينا مما سيحدث فيما بعد.
الحمد الله على كل نعمة.

**osoliman88** · 15-05-2010 09:27 PM

أسمح لي صديقي العزيز أن ازيدك من الحب حبة، طبعا هناك من هم في حالة أسوأ من التي رأيتها أنت، وأنا شخصيا أعرف قصص حقيقة تشيب الطفل الصغير، يكفي أن أقول لك أن هناك أسر تذهب للفرارجي وتشتري منه الفراح المريضة التي على وشك الموت بنظام الشروة يعني الفارخة الواحدة ب3 أو 4 جنية. وهناك أسرة الأم تذهب كل أسبوع للأسواق الشعبية في الأرياف وتجلس بجوار بائعي الفراح على إنتظار أن تنفق واحدة من الدجاج ثم تأخذها كي تقوم بطهيها للأولاد.

ربنا يسترها

-

الموضوع: من غير عنوان

LinkBack

أدوات الموضوع

عرض

-

-

-

-

-

-

المواضيع المتشابهه

عنوان كار بويز

ممكن عنوان !!!!!!!!!!

عنوان ابو الحسن

مطلوب عنوان

الكلمات الدلالية لهذا الموضوع

المفضلات

المفضلات

ضوابط المشاركة