الموضوع: >: كيفية توصيل البطارية من عربية مبطلة لعربية شغالة ؟! أرجو التوضيح !؟!

طريقة التوصيل اللى انت قولت عليها تمام
القاعدة بإختصار الكهربا بالكهربا والأرضى بالأرضى

مافيش بطارية 450 وات ! لو البطارية 55 أمبير ده معناه إنها 660 وات ! هى بطاريتك كام أمبير ؟ أعتقد مش أقل من 55

فيه كابلات بطاريات كتير فى السوق وغالباً مقاسها كافى مش محتاج تشغل دماغك بالتفاصيل دى

سيبك من الأسلاك اللى معاك دى
بص لازم تاخد بالك من حاجة مهمة أوى
ال 600 وات بتوع ال 220 فولت غير ال 600 وات بتوع ال 12 فولت خالص
فى الحالة الأولى اللى هيمشى فى السلك 2-3 أمبير بس ، فى حين فى الحالة التانية اللى هيمشى فى السلك 50 أمبير بحالهم !! والعبرة فى إختيار نوع السلك بالأمبير مش بالوات - يعنى فى الحالة الأولى سلك 2-3 مللى ممكن يكون كافى فى حين فى الحالة التانية لازم سلك 12-16 مللى
ال 600 وات بتوع ال 220 فولت يعنى أقل من نص حمل مكواة ولا سخان ، يعنى سلك 3 مللى يشيلهم ويفيض كمان ، إنما ال 600 وات فى بطارية العربية محتاجين كبل تخين مش أقل من 12 مللى عشان الأمبير 55 على الأقل

مش هتفرق فى حاجة الإتنين فى الآخر واصلين ببعض ، ماعرفش اللى بينصح بكدة إيه وجهة نظره بس مافيش أى فرق بين إن توصل بسالب البطارية أو أى جزء معدن فى العربية
أنا بفضل توصل فى أقطاب البطارية مباشرة عشان الكلابات اللى فى نهاية الكابل تلاقى حاجة تمسك فيها كويس ، لو التوصيل مهزوز شوية هيحصل شرز (شرارة) ودى ممكن تسيح أى حاجة جنبها