شوية إستفسارات قبل الصيانة

**member** · 14-05-2010 04:30 PM

السلام عليكم يا رجال بروتون،،

كان عندي شوية أسئلة قبل صيانة الألف بيرسونا 2010

1- ساعات بحس بكركرة (أو تصقيف) وانا على التاني ايه السبب.
2- بالنسبة للحرارة هي بتبقى قريب من الـ 90 كده وتقريبا ثابتة، ده عادي ولا عالي؟
3- أنا عندي الكاوتشة الطويلة اللي بتبقى على سقف العربية للأسف مكنتش متثبتة كويس والظاهر حد طمع فيها وخدها، فهل ممكن ألاقيها في التوكيل والمفروض حاجة زي كده التأمين بيتعامل معاها ..
4- هل ممكن الاقي سبراي بلون العربية في التوكيل ولا اجيبة منين لأن العربية خدت كام خربوش ينرفزوا (العربية ميتال جراي)
5- الطنابير عليها خط صدا كده (مش في كل العجل) من ساعة ما استلمتها والصراحة ما حاولتش أشيلة، هل اقولهم عليه ولا ايه لأنها مدايقاني جدا
6- الخبطة اللي في نهاية محور الدركسيون ليها حل ولا لأ؟

جزاكم الله خيرا

**ramyar** · 14-05-2010 04:43 PM

[QUOTE=member;3872654632]السلام عليكم يا رجال بروتون،،

كان عندي شوية أسئلة قبل صيانة الألف بيرسونا 2010

1- ساعات بحس بكركرة (أو تصقيف) وانا على التاني ايه السبب. هتروح لوحدها وانتا كمان ياريت تغير البنزينه الي بتمون منها وكمان وانتا في الصيانه قلهم علي موضوع التسقيف ده وهيظبطوا العربيه علي الكومبيوتر انا حصل معايا اكتر من مره ولما غيرت البنزينه راح الموضوع
2- بالنسبة للحرارة هي بتبقى قريب من الـ 90 كده وتقريبا ثابتة، ده عادي ولا عالي؟ عادي جدا وده في اغلب العربيات الجديده كمان الحراره بتكون اقل من ال 90
3- أنا عندي الكاوتشة الطويلة اللي بتبقى على سقف العربية للأسف مكنتش متثبتة كويس والظاهر حد طمع فيها وخدها، فهل ممكن ألاقيها في التوكيل والمفروض حاجة زي كده التأمين بيتعامل معاها .. مش فاهم اي كاوتشه الي تقصد
4- هل ممكن الاقي سبراي بلون العربية في التوكيل ولا اجيبة منين لأن العربية خدت كام خربوش ينرفزوا (العربية ميتال جراي) لما تفتح الكبوت هتلاقي الكود بتاع اللون ممكن تعمله في اي مكان بره
5- الطنابير عليها خط صدا كده (مش في كل العجل) من ساعة ما استلمتها والصراحة ما حاولتش أشيلة، هل اقولهم عليه ولا ايه لأنها مدايقاني جدا هيروح الصدا مع الاستخدام والحراره المتولده من احتكاك التيل والطنابير
6- الخبطة اللي في نهاية محور الدركسيون ليها حل ولا لأ؟ لغايه دلوقتي الخبطه دي مالهاش حل في التوكيل لاكن بيتعمل جلب تفلون وبتتركب في اخر مشوار الاسكترا لاكن الموضوع ده بيتعمل بره التوكيل وانتا ممكن لو لفيت الدركسيون برفق مش هتسمع صوت الخبطه دي في نهايه مشوار الدركسيون واعتقد ان كده احسن ماتفك علبه الدركسيون

والف مليون مبروك علي البرسونا وربنا يباركلك فيها ويكفيك شر العين

**momopersona** · 14-05-2010 04:49 PM

المشاركة الأصلية كتبت بواسطة member

السلام عليكم يا رجال بروتون،،

كان عندي شوية أسئلة قبل صيانة الألف بيرسونا 2010

1- ساعات بحس بكركرة (أو تصقيف) وانا على التاني ايه السبب.
عندى نفس المشكله تقريبا كهرباء وان شاء الله تتظبط
ابئا قوللهم يظبطولك الكهربا عالكمبيوتر

2- بالنسبة للحرارة هي بتبقى قريب من الـ 90 كده وتقريبا ثابتة، ده عادي ولا عالي؟
كده مظبوطه يا باشا

3- أنا عندي الكاوتشة الطويلة اللي بتبقى على سقف العربية للأسف مكنتش متثبتة كويس والظاهر حد طمع فيها وخدها، فهل ممكن ألاقيها في التوكيل والمفروض حاجة زي كده التأمين بيتعامل معاها ..
مش عارف والله
بس اعتقد ممكن تجيبها من الحرفيين من عربيه مقصوصه حوادث وهاتكون رخيصه

4- هل ممكن الاقي سبراي بلون العربية في التوكيل ولا اجيبة منين لأن العربية خدت كام خربوش ينرفزوا (العربية ميتال جراي)
لا دى صعبه شويه

5- الطنابير عليها خط صدا كده (مش في كل العجل) من ساعة ما استلمتها والصراحة ما حاولتش أشيلة، هل اقولهم عليه ولا ايه لأنها مدايقاني جدا
قوللهم بسيطه بتتعمل ومش مهمه حتى لو ماتعملتش

6- الخبطة اللي في نهاية محور الدركسيون ليها حل ولا لأ؟
لا مالهاش حل حتى الان عود نفسك على ان الدريكسيون لفه ونص وابئا وقف ايدك بنفسك قبلها
جزاكم الله خيرا

الرد بالداخل