المشاركة الأصلية كتبت بواسطة aymanpt
السلام عليكم ورحمه الله و بركاته ..
أخواني الكرام :-
تصدقوا اني إلي أمبارح ,, كنت بدور علي مشط أليكتروني شغـال بالسوق :( ,,
الأول أشتريت واحد بـ 80 صيني من شارع دمشق , و لم يشتغل ,, و رجعته
بعد كده أشتربت واحد بـ 120 جنية ,, و برضه لم يشتغل و رجعته .
بعد كده أشتريت واحد بـ 180 جنية ,, و نفس الفيلم برضه
بعد كده أشتريت واحد تايواني بـ 160 جنية , و برضه :(
كله ده و كل شوية الميكانيكي ييجي البيت عشان العربية مركونة , يجرب و يتخنق و يروح الورشة تاني ,, و أرجع لشارع دمشق تاني
أرجع المشط ..
في الأخر روحت رايح لوكالة البلح أمبارح ,و أشتريت واحد أستيراد كبيـر كده عن القديم , بـ 130 جنية ,,
و جاء الميكانيكي و جربه و أشتغل الحمدلله ,,
المشكلة في الأتي :-
العربية دارت بصعوبة وقتها (بس الحمدلله بتدور بسرعة دلوقتي) ,, بس صوت المحرك عالي بدرجة شنيعة ,, وفي صوت كركبة كده
و العربية بتطفي في السلانسية ,, و في برجلة في المحرك شديدة ..
المهم الميكانيكي حاول معاها شوية , ما رضيتش تضبط ,, و مشي عشان عنده موعد ,,
دلوقتي انا قلقان امشي بها كده عشان حالة المحرك ده ,, غير ان الفرامل فجأة أختفت و العربية مش بتفرمل أبدأ ..
انا مش عارف ايه اللي قلب حال الموتور بالشكل ده ,, بقي حالته يرثي لها و الله :( ,,
(ملاحظة: الميكانيكي عمل حركة كده مش عجباني ,, شال مقياس الزيت الحديد ,, و نظفه من الزيت و فك أول بوجيه و راح حاطط المقياس ده مكان البوجية ,, و شاله تاني و ركب البوجيه مكانه قرّط عليه ,, ايه الحركة دي ؟ )
تتوقعوا العيب من ايه يا أخواني ؟