الموضوع: سؤال عن الواجب فعله قبل السفر للعمرة

المشاركة الأصلية كتبت بواسطة sara2001

الف مبروك وعمره مقبوله بإذن الله
اهم حاجه ترتيب الحجز في فنادق قريبه جدا من الحرم في مكه ومن مسجد الرسول عليه الصلاة والسلام في المدينه والتأكد من ذلك قبل السفر لأن شركات السياحه في الغالب مش بتقول حقيقة بعد المكان
ترتيب عدد السكن في الغرفه من هنا كتابة ذلك في التعاقد مع شركة السياحه
قبل السفر يفضل اخذ تطعيم خاص بالأنفلونزا العاديه لأنه بيفرق جدا مع الزحمه
شراء سجاده مخصوصه وعدم السجود على السجاد الموجود هناك بدون السجاده الشخصيه لأنه بيتسبب في نقل العدوى
تجهيز شنطة ادويه خفيفه للطواريء مثل ادوية برد او مسكنات
في حاجه بتحصل هناك لو دي اول عمره هي ان الناس بتوه من بعض
يفضل التوجيه بأنها تتفق مع اللي معاها على المقابله عند بوابه معينه بعد العمره وهكذا والأحسن يكون معاها موبايل للطوارىء
مش فاكره في ايه تاني مهم

انا سالت على التطعيم قالوا ان مفيش تطعيم للانفلونزا العادية دلوقت لانه موش موسمها وخدت تطعيم انفلونزا الخنازير والكبد الوبائى
لو فيه اى معلومة تانية اكون شاكر لحضرتك

المشاركة الأصلية كتبت بواسطة karim_mohy

هو اماكن الفنادق والغرف وعدد المتواجدين بالغرف دول اهم حاجة.......وساعات شركات بتاخد فلوس زيادة عشان تخصيص غرف معينة او عدد اقل ....ودول اهم شيء.....وطبعا تحضير شنطة السفر والتأكد من عدم نسيان شيء

وفي حاجة كمان......خط الموبايل........في ناس كتير بتشتري خط من هناك بتاع 75 او 100 ريال وبيتكلموا منه..........وفيه موضوع التجوال ع الخط المصري بس ناس كتير بتعمل حوار الخط السعودي

وتروح وترجعلك بالسلامة....وعمرة مقبولة ان شاء الله

الف شكر على تعبك

المشاركة الأصلية كتبت بواسطة moood

أولاً عمره مقبوله إن شاء الله
الضروريات
-سمعه شركه السياحه إلى هى طالعه معاها
وياريت تسأل حد يكون مجربها " للأسف فى شركات بتنصب جاااامد فى الموضوع ده "
-أماكن السكن تكون قريبه.
-توافر مرشد كويس لتذكيرك ببعض الأشياء والإجابه على بعض الإستفسارات
-تشترى خط موبايل من هناك " أرخص لو هى هتتصل او لو انت إتصلت عليه"وافضل فى التشغيل " تنشيط الخدمه"
-شويه مسكنات وأدويه المعتاده بتاعت البرد و المغص والحاجات دى
-الأدوات الشخصيه كامله
-طبعاً تاخد كارت من الفندق أول لما تنزل وكارنيه من شركه السياحه و برنامج الرحله و تبادل أرقام تلفونتها مع بعض المعتمرين معها تحسباً لأى شئ كان.
-لو تاهت عن المجموعه تروح لأى حد من الشرطه أى حد والناس محترمه جداً جداً وتديله الكارنيه و برنامج الرحله وهيقوموا بتوصيلها فوراً للمكان و للمجموعه
-لو هتروح برى أو بحرى بلاش الشنط الكتير
بلاش بلاش بلاش
وياريت تكون الهدايا فى المعقول مش شنط شنط عشان هتتعذب فيهم بجد فى الميناء او مع الأتوبيس وفى التنقلات.


هوه ده إلى فاكره حاليا لو فى أى إستفسار قول وانا لو عارفه أجاوب حضرتك.
وعمره مقبوله وترجع لك بألف ســــــــــــلامه

الف شكر على مروروك

المشاركة الأصلية كتبت بواسطة aif

عمرة مقبولة ان شاء الله
سؤال ... هي الوالدة راحت عمرة قبل كدة ولا اول مرة ؟؟..... اعتقد انها تفرق كتير
...
بالنسبة لكبار السن العمرة طبعا فيها مشقة .... لكن ربنا بييسر الامور برحمته
السفر المفروض يكون طيران علشان البري والبحر مشقة كبيرة بالنسبة لكبار لسن

هيا راحت حج وعمرة
بس كان من فترة كبيرة وكان والدى معاها