يا ريت يا جماعة اللى يجاوب الناس الخبيرة أو المجربة زى كوداك باشا كدة
أنا عندى كاسيت سيدى JVC و سماعات JVC برضو 500 وات 4 واى
اشتريتهم من سنتين و كسلت أجيب جى ام
شغالين زى الفل الحمد لله و الصوت كويس بس مش مميز يعنى
عايز أبيعهم و أجيب كاسيت فيه USB , سماعات 17 سم للأبواب و جى ام بعدين
أهم حاجة عندى يبقى الصوت واضح جدا و مجسم surround و البيز حلو
من تصفحى للمنتدى لاقيت ناس بتشتكى من الkenwood بعد فترة مش بيرضى يطلع السيديهات من التراب , اذا البايونير أحسن ؟
بالنسبة للسماعات فى ناس هنا أجمعت ان الكينوود صوتها أوضح , تمام كدة ؟ و لو جيبتها دبل بيز أبقى مش محتاج صب ووفر قوى ؟
و اية الأحسن , 4 واى ولا 3 واى ؟
سؤال أخير , لو روحت توكيل كينوود مثلا , هايبقى أغلى بكتير من برة ؟
ألف شكر مقدما