أسئلة حول الومستر

**bahaahssn** · 20-08-2009 12:34 AM

سلام عليكم يا شباب
كان عند كام سؤال عن الرومستر و محتاج مساعدتكم لأنى بفكر أشتريها
1- أسعار الرومستر ايه كنت سامع من ان اول فئة فيها كانت بحوالى 89000 1600 سى سى هاف اوبشنز كان فيها راديو بس افتكر و ممكن ولاعة كمان مع أنى مبدخنش بس أوبشن برده
2- جودة الرومستر اية علما بأنى راكب كورسا 1600 موديل 2004 وعملت اللى عليها و زيادة شوية و بتستحمل اى حاجة فى اى وقت و البودى بتاعها قوى اوى
3- هل الرومستر فيها مشاكل فى التقفيل؟ كنت قريت هنا ان فى اكتر من حد كان بيقول عاندو مشاكل فى فيوزات و لمبات بتنور و حاجات كدة
4- هل الأكصدامات بتاعتها بتستحمل ولا عملة زى اليارس و طبعا كلنا عارفين الترييح اللى بيحصل كل يوم لأى حد سواء فى الركن او على الكبارى
5- اداء العربية عامل ازاى فى الجرى و فى الثبات و هل ارتفاع العربية بيعمل مشاكل فى الجرى من الهوا زى اليارس
6- التوكيل و ضمان العربية قد ايه

شكرا يا شباب على المساعدة و يا ريت اراء اللى جربوها

**fmohiy** · 20-08-2009 11:32 AM

you will find here all info you need on the roomster

http://www.nilemotors.net/Nile/80655-2009.html

**fmohiy** · 20-08-2009 11:48 AM

أنا معايا العربية من 10 يوم و عملت بها 1500 كم

2- الجودة كويسة و سكودا كلها تقفلها نضيف و جودة زي الالماني
3-أنا كان عندي مشكلة في الفيوزات لان المعرض كان شايل حبة منهم في التخزين، يعني مشكلة معارض مش مشكلة جودة
4-أنا شايفهم جامدين و يستحملو لكن مجربتش أي مواقف
5-إرتفاع العربية لا تشعر به أبداً في الحركة. هي ثابتة جداً و جبت بها 140 بسهولة و كانت زي الفل، لكن هيا في الاصل عربية mpv عائلية مش معمولة للجري. الماتور حلو بعد التاني و موش بتاع تجميع
6-التوكيل في المبيعات بقاله فترة معاملته وحشة لكن مركز الصيانة محترف و محترم. الضمان سنتين بدون حد أقصى للكيلو متر و ضمان بجد زي ما سمعت من أصحابي ملاك اوكتافيا

**fmohiy** · 20-08-2009 11:50 AM

style manual - 86000
sport manual - 110000
style auto - 110000
comfort auto - 129000

all prices will change , possibly decrease, for 2010 model

**beihoo** · 20-08-2009 11:52 AM

المشاركة الأصلية كتبت بواسطة bahaahssn

سلام عليكم يا شباب
كان عند كام سؤال عن الرومستر و محتاج مساعدتكم لأنى بفكر أشتريها
1- أسعار الرومستر ايه كنت سامع من ان اول فئة فيها كانت بحوالى 89000 1600 سى سى هاف اوبشنز كان فيها راديو بس افتكر :u_thin1[1]::u_thin1[1]: و ممكن ولاعة كمان مع أنى مبدخنش بس أوبشن برده
2- جودة الرومستر اية علما بأنى راكب كورسا 1600 موديل 2004 وعملت اللى عليها و زيادة شوية و بتستحمل اى حاجة فى اى وقت و البودى بتاعها قوى اوى
3- هل الرومستر فيها مشاكل فى التقفيل؟ كنت قريت هنا ان فى اكتر من حد كان بيقول عاندو مشاكل فى فيوزات و لمبات بتنور و حاجات كدة
4- هل الأكصدامات بتاعتها بتستحمل ولا عملة زى اليارس و طبعا كلنا عارفين الترييح اللى بيحصل كل يوم لأى حد سواء فى الركن او على الكبارى
5- اداء العربية عامل ازاى فى الجرى و فى الثبات و هل ارتفاع العربية بيعمل مشاكل فى الجرى من الهوا زى اليارس
6- التوكيل و ضمان العربية قد ايه

شكرا يا شباب على المساعدة و يا ريت اراء اللى جربوها

إنت بتسأل عن واحدة من أفضل العربيات في فئتها في مصر

و إختيار موفق إن شاء الله و ربنا يوفقك و تلاقيها في أحد المعارض لأنها معدش في منها في التوكيل.

1- بالنسبة للمواصفات ممكن تلاقيها في التوقيع تحت و أول فئة فيها ب 87 ألف.

2- جودة الرومستر هي جودة الفولكس فاجن بنكهة تشيكية (سكودا) .. العربية موتورها و الجيربوكس و العفشة فولكس و هتلاقي عليهم علامات فولكس و أودي. و أستحمالها طبعا -بمشيئة الله- كبير لأنها سكودا .. أكثر عربية محملة صاج طبعا دا غير الشاسيه قوي.

3- بالنسبة للتقفيل .. من وجهة نظري تقفيلها مميز جدا .. انا قعدت في العربية و شفت كل حتة فيها .. مفيش فيها مكان حسسني إنها مش معمولة بإهتمام. و الحقيقة ما سمعتش عن حد إشتكى منها و طبعا ده كلامي انا مش حاجة قاطعة يعني.

4- الإكصدامات بتاعتها أقوى من اليارس و انا شفت ورا الاكصدام الأمامي بار حديد في الصدر لتدعيم الاكصدام و حماية الصدر.

5- مجربتهاش في الجري لكن متوقع إنها تكون بأداء جيد خاصة أنها أقوي من الفيليشيا تقريبا بضعف عدد الأحصنة (105 حصان) و بعزم كبير (153 نيوتن). عموما هي عربية مش معمولة للجري لكن أداءها هايكون مرضى جدا .. كان فيه أحد الأخوة هنا جابها و عمل لها تقييم و كان بيشيد بثباتها جدااااا و أفضل من اليارس في حكاية الهوا دي بكتير.

6- توكيلها من ناحية المبيعات زفت يفضل تجيب العربية من بره .. بالنسبة للصيانة فهو توكيل متوسط يعني مش سوبر و لا منتهى السوء .. ضمان العربية سنتان بدون حد أقصى للكيلومتر و عليها ضمان 12 سنة ضد الصدأ.

**beihoo** · 20-08-2009 11:55 AM

المشاركة الأصلية كتبت بواسطة fmohiy

style manual - 86000
sport manual - 110000
style auto - 110000
comfort auto - 129000

all prices will change , possibly decrease, for 2010 model

الاسبورت المانيوال ب 115000 مش 110000.

كانوا قالولي إنها جايز تنزل أغلى شوية عشان سعر العربية كان نازل أقل من قيمتها. طبعا كلام بتوع المبيعات.

المتوقع إن موديلات 2010 تنزل بسعر أعلى شوية عشان الانخفاض المنتظر للجمارك (4%).

**bahaahssn** · 20-08-2009 07:41 PM

شكرا يا شباب على المساعدة بجد ساعدتونى جدا بس محدش يعرف الاقى الفئة الأولى اللى سعرها 86000 1600 سى سى فين عشان انا مش لاقيها خالص مع انها مش منتشرة طاب راحت فين ؟

**beihoo** · 21-08-2009 12:17 AM

المشاركة الأصلية كتبت بواسطة bahaahssn

شكرا يا شباب على المساعدة بجد ساعدتونى جدا بس محدش يعرف الاقى الفئة الأولى اللى سعرها 86000 1600 سى سى فين عشان انا مش لاقيها خالص مع انها مش منتشرة طاب راحت فين ؟

بصراحة صعب جدا تلاقيها .. ربنا يعينك و تلاقيها .. من حوالي شهرين كده كانت أخر واحدة من الموديل ده خارجة من الوكيل قدامي و قالي دي أخر قطعة منها عندي.

بصراحة العربية فعلا قيمتها أكبر من تمنها و هي كانت 87000 مش 86000.