لو لقيت نفسك وزير للنقل والطرق والكباري والمحاور والدائري والأنفاق وكل حاجة تخص حركة النقل والمواصلات في مصر
أيه اللي هاتعمله وليه ؟؟؟؟
لو لقيت نفسك وزير للنقل والطرق والكباري والمحاور والدائري والأنفاق وكل حاجة تخص حركة النقل والمواصلات في مصر
أيه اللي هاتعمله وليه ؟؟؟؟
أول حاجة جت فى بالى أمشى عربيات أسفلت فى كل الشوارع علشان كل الحفر اللى فى الطريق , بسببها ناس بتموت و كاوتش بيتقطع و جنوط بتتكسر و مساعدين بتتضرب
تانى حاجة كل المطبات تتدهن أصفر فسفورى علشان تبان من بعيد
ثالث حاجة أحدد ساعات معينة لعربيات النقل تمشى فيها على السريع
فعلا امر باصلاح جميع الطرق المصريه
الجراجات الجراجات الجراجات
محتاجين جراجات متعددة الطوابق فى كل حتة
الشارع اللى المفروض يشيل حارتين أو تلاتة بتبقا سعته الحقيقية حارة واحدة بسبب السيارات الراكنة
تانى حاجة بقا حالة الطرق والإنارة والحفر
اشيل المطبات الزبالة الي ملهاش لازمة
اعمل محاور سريعة تانية للقاهرة
اشيل البتاعات الحديد الي فالارض و عيون القط الزفت الي فصلاح سالم
هقدم استقالتى هههههههههه حد يروح للهم بأيده
هشيل المطبات اللى ملهاش اى لازمة غير انها تكسر العربية
هتمنى يكون حلم ولو صحيت من النوم
مش هنام تانى علشان ماشوفش الكابوس المزعج
ده تانى
هلم فلوس للصيانة و تجديد الطرق .. و أحطهم بإسمى فى بنك فى سويسرا
1- توفير وسائل نقل جماعية آدمية لتقليل الضغط على الطرق ... زي الدول المتقدمة.
....
مممممممم
2- لما نشوف نتيجة 1
1-هصلح الطرق و ادخل حاجه جديده اسمها اسفلت و اعمل رصيف و اماكن انتظار
2-الغى الترامكو خالص والتوكتوك الغيه وادخل تاتا نانو مكانه هتكون اظرف و أحسن و امان بردوا
3-اعمل موقع او صندوق لتلقى شكاوى و اقتراحات المواطنين
أول وأهم حاجه ، هدخل يوميا على المنتدي هنا وأتعاون مع الأدرة والأعضاء فى أخذ وتنقية ومُناقشة الأقتراحات (هلاقى فين فُرصة تانية أعرف منها المشاكل والحلول أفضل من مُنتدي زى كده )
تانى حاجه هأهتم بوسائل النقل العام (وهدخل نظام الدعاية والإعلان فى الموضوع ، يعنى حاجات زى مشروع فاين فودز بتاع الركوب مجانى ، هفتح المجال ده للشركات بحيث يقدموا خدمات للناس ويتنافسوا فيها)
ثالثا ، التنظيم مع وزارة الداخلية لإعادة تأهيل سائقى الميكروباصات (هدربهم على سلوكيات القيادة المُحترمة وهعملهم رُخص وهعملهم تأمينات وكل ده ببلاش فى مُقابل أنهم يبقوا تحت تصرُفى وتحت سُلطتى وأحكمهم بدل ما هما مبهدلين الدنيا)
رابع حاجة هخصص 3 عربيات للسيدات بدل من 2 فى المترو ، وهخلى زمن التقاطر أقل النصف أو الربع (بحيث يقل الزحام)
خامسا هعمل حملات توعية لسلوكيات المُجتمعه (وهعملها بنفس حوار الدعاية ، يعنى مثلا أعلان برعاية شركات كذا وكذا بحيث أقلل المصاريف وأشجع الشركات فى المُساهمة فى المُجتمع )
كدة يا دكتور مش هانلحق نستفيد منك بحاجة بالعكس ده انت هاتخليني أندم اني عملت الموضوع ده ههههه ( عشان خايف عليك مش أكتر )
بالنسبة للتوك توك احنا ممكن ما نلغيهوش ونخليه نشغله في الملاهي
هايعجب الولاد قوي هههههه
موضوع الرصيف ده من أهم الأفكار اللي لازم تتنفذ صح
اللون الأحمر مخصص للمداخلات الإدارية
الرجاء مراجعة قواعد و قوانين المنتدى
مشرف القسم
10ب
12:45 م
10:05:2010
هأطلع رخصة درجة أولى لمراتي وأشتريلها عربية نقل بمقطورة وأشغلها علي العربية النقل
هأستورد ............ وأعمل في اشتراطات المتانة أن أي عربية يكون فيها .............
وطبعا هاعمل كوبري يوصل بين بيت مراتي الأولانية لبيت مراتي التانية دون المرور على عم فادي البواب
هأخلي سعر بنزين 80 زي ما هو مع طبعا زيادة كمية المياة المضافة وأنزل بنزين 93 بسعر غالي
يرجى توخي الحرص في مراعاة الذوق العام
الرجاء مراجعة قواعد و قوانين المنتدى
مشرف القسم
10ب
12:47 م
15:05:2010
هجدد الطرق وهحاول احط كاميرات في الشوارع و الميادين (اللي بتبقى فيهم زحمة جامدة) مع زيادة مرتب العساكر والامناء حتى لا يلجئوا للرشوة. وهكتر منهم في الشوارع حتى يكون هناك حلول سريعة لأي مشكلة. و اقوي انارة عواميد النور وهزودها. مع زيادة الاتوبيسات العامة وتوحيد الثمن ب نص جنيه وهقلل الميكرباصات. وهعمل مكافأت للعساكر والامناء نتيجة للي يشوف شغله كويس .
هتقولي اعرف ازاي هقولك بالكاميرات اللي هحطها في اغلب شوارع مصر.
1 اول الحاجة هاعملها هاوقف اعطاء رخص القيادة لمدة عام كامل و هاعمل امتحان سواقة ما حدش يعدى منه ( غير النوابغ فى القيادة اللى يستحقوا الرخصة فعلا ) و هاعمل استدعاء لكل من يملك رخصة قيادة بالفعل للخضوع للامتحان و فى حالة فشله يتم سحب الرخصة و اعطائه مهلة للتعلم و العودة للامتحان مرة اخرى و فى حالة فشله مرة اخرى يتم الغاء رخصته و اعتباره غير مؤهل للقيادة ( و انا طبعا بحكم منصبى هايكون عندى سواق فا مش هاحتاج الرخصة:36_6_3[1]:)
2 تانى حاجة هاعملها هالغى المكروباصات و التكتوك و ما الى ذلك من المواصلات العجيبة اللى ماشية فى البلد دى و مش هاسيب غير التاكسى بعد توحيده فى كل الجمهورية و الاتوبيس العام و و هخلى اجرة الاتوبيس من نص جنية ل جنيه و طبعا التاكسى مش هايستخدم غير من الاغنياء او الطوارئ ! و هاخلى المواصلات يكون ليها خط سير تانى غير الملاكى (خاصة الاتوبيس)
3 بعد ما ظبطنا الناس و خلصنا من فكر الفهلوة و البلطجة فى السواقة و حلينا مشكلة المواصلات نيجى بقة للطرق اولا كل الطرق خارج المدن هاتكون طرق سريعة اقل سرعة 80 و اقصى سرعة زى ما عربيتك تجيب :B4_237:
و جوة المدن هايكون السرعة القصوى 100 و هاتكون كل الطرق عبارة عن انفاق فقط او طرق مغلقة منعا لمرور المشاة من الاماكن الغير مخصصة ليهم:majd(2):( سيبنالكو الشوارع فاضية تعدو منها براحتكو )
طبعا هايتم اصلاح كل الطرق و ازالة كل المطبات و الحفر و البالوعات و ما الى ذلك من العوائق ( و ما الى ذلك تشمل المشاة )
4 هالغى طبعا كل الكماين و كل الرادارت و كل اللجان عشان اريحكوا من الرشوة و الاتاوة و غيرها من كل انواع الفساد . و هاسمح بالفامية((ممنوع طبعا الفامية الغامق اوى اللى مش بيخلى اللى برة يشوف اللى جوة ولا حتى اللى جوة يشوف اللى برة .. مش عارف اية لازمته!! )) و الملصقات مسموح بيها طالما لا تخدش الحياء او تخالف العادات و التقاليد
5 لو كان من صلاحياتى هادعم كل البنزين حتى ال95 هانزل ال 98 كمان و هادعمه عندا فى اللى بيقول حرام و طبعا هالغى كل الجمارك و هاحط مواصفات و شروط للسيارات المستوردة من الاخر مش هاتتوفر الا فى السيارت الفارهة و الماركات العالمية (فرارى, اودى, بورش,لامبورجينى,استون مارتن, .. الخ )
6 اه هايتم تفعيل سياسة الاحلال للسيارت القديمة (( اجبارى )) خلال عام واحد
7 هايكون فى حلبات مخصصة للسباقات و رياضة السيارات عامة
كفاية كده دلوقتى نسمع آراء الناس بقة :ma:
محدش يزعل منى يا جماعة الكلام ده كله على سبيل المزاح فقط... و هو عبارة عن خليط ما بين اللى نفسى يكون موجود و ما بين السلبيات اللى بعانى منها كل يوم و نفسى تتغير
:satelite:و تحية خاصة لصاحب الموضوع عشان خليتنى افضفض شوية ومعلش طولت عليكوا
انا لو بقيت وزير طرق او نقل
هتلاقي التوكيلات المهمة بقت بتاعت حد من قرايبي وشركات مقاولات الكباري اللي هتشتغل بتاعة حد من اصدقائي
وهتلاقي عربيات المصالح الحكومية كلها من عند قريبي اللي واخد التوكيلات المهمة ده .
وشركات الاعلانات اللي على الطرق هتبقى بتاعة معارفي المقربين .
وهوصل شبكة حديثة جدا من الطرق المرصوفة طبقا للمواصفات الاوروبية للأرض الصحرا اللي ابن الوزير الفلاني اشتراها بعرقة وبحوالي 50 قرش للمتر علشان يعمرها ويبني عليها شقق للطبقات العليا اللي عايشين في خطر في وسط عامة الشعب .
وبعد ما الم تريليونات الفلوس هعمل مائدة رحمن في رمضان للغلابة بتكلفة ضخمة جدا مليون جنيه وتمثل حوالي 0.1 % من ثروتي الطائلة اللي جمعتها من عرق جبين الشعب الخدوم اللي سابني على الكرسي .
وهعمل مستشفى خيري أعالج فيه الناس بمبالغ رمزية بس بشرط ان الدعم للمستشفى دي ما يزدش عن 05. % من ثروتي .
وهشتري كام فيلا كدا في دول اوروبا علشان لو لا قدر الله اتفضحت أسافر بكامل ارادتي لقضاء اجازة او رحلة عمل .
وأخيرا بعد 30 سنة خدمة وشعري يبيض في الشغلانة وضهري ينحني هبني جامع كبير جدا وهبالغ في زخرفته لعل ربنا يغفرلي ذنوبي واهي تبقى حسنة ليا بعد مماتي .
آآآآآآآآآآآآآآآآآه يابلد المعز ويا أرض الكنانة
بقالك قرون بتتنهبي ولسه فيكي خير والحرامية ما بتشبعش
طبعا هعين ابني وكيل وزارة علشان يمسكها بعدي فهو اكتر واحد عند خبرة ودراية في مجال اخفاء الجرائم اللي انا ارتكبتها .
ولو حد من أعضاء مجلس الشعب المحترمين اعترض او قدم فيا طلب استجواب او احاطة والحاجات بتاعتهم دي هبعتلو عربيتين فخمين من عندي قريبي بتاع التوكيلات ده تقديرا مني لجهودة في محاربة الفساد والاهتمام والسعي في ازدهار مصرنا الحبيبة .
ولو الجايزة ما نفعتش هنشوف ازاي نرفع عنه الحصانة ونلبسو قضية او اتهمو بالانضمام لجماعة محظورة واحكمه عسكريا وقعده في السجم عشرتاشر سنة كدا على ما يفقد قواه العقلية
ربنا يستر والتعليق ما يتحذفش ولا انا ما اتوقفش
وجايز يحصل اكترمن كدا
وممكن نوضوعك كله يتحذف يا بدري ، بس اعملك ايه انتا اللي بتقلب علينا المواجع .
ياما وزراء كويسين مش في النقل بس حاولوا يعملوا حاجة بجد واتشالوا
ولو هاتاخد فعلا الصلاحيات انك تنفذ صح........اكيد كل اللي الاعضاء قالوا عليه في المشاركات السابقة
بعد سنة من توفير الوسائل الآدمية للمواصلات ...
2- إحلال جميع المركبات موديل ما قبل سنة 80 .... زي الدول المتقدمة برضه عشان :
أولاً الناس تستخدم المواصلات الآدمية اللي عملتها ... و تشجعني ازودها و اعملهم مقابل لعربياتهم اللي تم تخريدها
ثانياً اللي رايح مشوار بعربيته مع العائلة يعرف يركن
ثالثا الناس تعرف تتنفس هواء نظيف
هو الناس اللي بتقول هلغي التوكتوك ... هو التوكتوك دا تبع الوزارة ولا اية ؟؟؟ دا شئ كدا طلع من لا شئ ... لا هو طبع وزارة ولا غيره
انا كده هطلب أمسك الداخلية علشان اول حاجة ابدأ بيها القضاء على مثيري الشغب ومحاولي قلب نظام الحكم اللي زيك .
و ساعة ما ابقى وزير نقل هوصي عليك ( حبيبي )في الوزارة يضبطك ومش هخليك تفكر وتشغل دماغك مرة تانية وهفهمك ان دي سياسة بلد ، وان اللي انا بعمله ده الصح انت وامثالك من عامة الشعب هخدهك لجولة سياحية في زنازين المحروسة وهتهمكو بانكو بتهددو الامن القومي وهعمل مؤتمر وهقول في الآتي : إن على من يرفع الشعارات أن يقدم برنامجه ويطرح أفكاره ويعلن عن سياسته وينتظر الناخب ليقول رأيه فيما يطرحه من خلال صندوق الانتخابات .
وطبعا هتكون سيادتك وكل الناس اللي بيشغلو مخهم ويحاولو ينظفو البلد في الزنزانة ومش هتعرف وكله اللي هتعمله ساعتها انك هتلعن اليوم اللي انت شغلن في دماغك ومش هتطلع من عند حبيب الا بعد ما اكون عملتلك غسيل مخ .
يا بدري لو انا ما بقتش وزير ما تسبش الناس تعمل فيا اللي انا كنت عايز اعملو فيك ده يا بدري ، ابوس ايدك يا بدري ما تسبنيش ابقا اعمل مظاهرة او وقفة احتجاجية للافراج عني .
1- هردم النيل واعمله طريق سريع دورين , اسوان - القاهره واحط عليه رادارات كل كيلو :sailor:
2- النفق الدائرى , نفق ثعبانى يربط اطراف القاهره ببعض واعمله 4 حارات علشان الناس تجرى وتسحب براحتها :flirt:
3- كوبرى علوى يربط مدينه نصر بأخر شارع الهرم وملوش اى نزله او طلعه غير الهرم ومدينه نصر , يعنى الى يركبه يكون فى نيته انه يروح مكان من الاتنين دول بس :crazy4:
4- هلغى نزله الدائرى الخاصه بميدان لبنان , خليها تولع
5- اصلاح كل المقصات على الدائرى , واسفلته من اول وجديد حسب المواصفات العالميه , بس اعمل كل كيلو مطب وبلاعات عشوائيه ( اغير مكانها كل فتره ) :007:
أو اريح دماغى من كل ده واتعاون مع باقى الاجهزه , ممنوع سير العربات فى شوارع القاهره ونقضيها عجل ونعمله مرور وقانون وحبشتكات , ونخترع مكان فى العجله للمثلث علشان مهم وضرورى وممنوع ركوب العجل بغير الزى الرسمى , شورت وتيشرت ابيض طبعا للرجاله , الستات ممنوع اصدار رخصه نهائيا ونجيب العجل ده من الصين :1[1]:
و هعمل دوريه راكبه و اسعاف طائر, متهيقلى ممكن الاسعاف الطائر ده ينزل نسبه الوفاه فى الحوادث اكتر من النص.
اهم حاجه هفكر فيها هي حل مشكلة المرور في مصر والقاهرة بشكل اخص
ومشكلة المرور في القاهرة في رأيي حلها الوحيد هو تشجيع المواطنين على ركوب المواصلات العامة وترك سياراتها ودة مش هيحصل الا لما المواطن يجد حاجتين في المواصلات
1- مواصلات آدمية مكيفه بسعر معقول
2- مواصلات سريعه تخفض من زمن الرحله
وبدل الحكومة ما تصرف الملايين والمليارات على الطرق الدائريه والمحاور والأنفاق والكباري (أثبتت أنها مسكنات لا تستوعب الكم الهائل في السيارات) ، يتم التوسع في شبكات مترو الأنفاق لكل مناطق القاهرة وربطها بالمدن الجديدة
بالأضافة للأهتمام بالنقل النهري وهو الكنز المفقود في القاهرة لأنه سيوفر من زمن الرحله بشكل كبير بالأضافه لقلة تكاليف انشائه بعكس مترو الأنفاق
:vctry:
باشا ... باشا .... باشا
- و ردم النيل مشروع هايل (هو جايبلنا ايه غير وجع الدماغ هيخدوا الميه هيسيبو الميه هيبنوا سدود يووووه ) ... ممكن بقي نخش علي البحر الابيض نعمله باركينج دولي
- بالنسبة للكوبري ممكن نزلة في اول الهرم ..... يعني حاجة استثنا كده
عشان انا في مدينة نصر و اهل مراتي في اول الهرم :stink[1]:
و يجعله عامر
حستقيل طبعا
هو في حد مجنون ياخد مسؤولية الوزارة دية !!
الوزارة دية من الوزارات اللي المسكين اللي بيختاروة فيها بيدفع تمن كل وزراء النقل من 1952 لحد النهاردة من يوم ما المهندس سيد عبد الواحد ما مات في مكتبة علي إيد جمال سالم بسكتة قلبية
و الله مش هاقول اكتر من اللي الناس قالته , فيه اقتراحات جميلة فعلا
انا غالبا اللي هاعمله اني هاخد كل الكلام الحلو اوي اللي الناس هنا قالته و هاعمل بيه خطة و اطلب ميزانية لتنفيذها , و غالبا بالتعاون مع الناس الحلوة هنا هانحط طريقة بسيطة لتدبير الميزانية دي , و بعد تقديم الخطة و طلب الميزانية ... و بعد الموافقة على الخطة بالظبط .... هاعرف خبر اقالتي من الجرايد
:)))))))))))))))))))))))))
ياااااااه ده الواحد يعمل عمايل
اولا لازم ولابد وحتما يطلع قانون باحترام حرم الطريق على الجانبين علشان التوسعات فى المستقبل
ثانيا اى طريق يتم عمله بالاسفلت ويحدث به مشاكل قبل المدة المحددة له او عمره الافتراضى هاقدم مهندس الاشراف اللى استلمه لمحاكمة عسكرية
والا على ايه عسكرية انا اطلع بيه موقف العاشر واقول للناس عليه وهى تتصرف بمزاجها
اعين ناس بتفهم ابعد من تحت رجليها لايجاد حلول للشوارع القديمة وكيفية تعديلها
يللا اسيبكم بقى احسن المسقعة بردت خالص
لما اكل هاجى اكمل
اولا الا هتمام بالنقل النهري
ثانيا مفيش ولا عربيه تركن فالشوارع عامه زي مثلا وسط البلد
ثالثا انشاء طرق علي اعلي مستوي
رابعا يوم الخميس مفيش عربات نقل تمشي داخل البلد وخارجها علي الصحراوي مثلا
علي كل اشاره لازم يكون ظابط واقف علي الاقل مش عسكري ياخد المخالفه وصاحب العربيه يشوفه يقوم نازل من العربيه ويطبق ايده فعشريه ويقوم شاطب علي الرقم مثلا يعني
الاهتمام باطرق داخل العشوائيات ( التكاتك والموتوسيكلات الصيني )