بولو ويكفى فولكس فاجن جروب 115 الف اظن
بولو ويكفى فولكس فاجن جروب 115 الف اظن
الميجان افضل لو مش يفرق تكلفة الصيانة
شكرا للاعضاء علي المشاركة....بس انا عندي سؤال...ليه الميجان عليها اعلي تصويت و مع ذلك انا ماشفتهاش في الشارع غير مرة واحدة بس
العربيات اللي حضرتك مختارها كلها حلوة ....
لكن نخاف من :
- الفيات : اسعار قطع غيارها مبالغ فيه ( دا تقريباً أغلى من الياباني ) ..... و اعادة البيع ( فئات الفيات الجديدة لسه بتقول يا هادي , مفيش غير البونتو الكلاسيك اللي موجود منها كتير في مصر تقريباً ) ...
- البيجو : نفس مشكلة الفيات .... و لو عاوز اجيب 207 , أجيبه موديل قديم احسن , على الأقل موجود منه كتير في مصر برده ...
- الرينو : بالرغم من انها ماركة محترمة و فرنساوي ...... لكني مش باستريح لها , بالإضافة الى ان اشكال عربياتها مش حلو قد كدا ( يعتبر الفلوانس افضل شكل للرينو و يليه الميجان الجديدة ) .....
ميتبقاش غير : النيسان التيدا , و الدايهاتسو التريوس ....
- التيدا : عربية محترمة جداً جداً ...... الهاتشباك حالياً منه فول اوبشن و مفيش منه فول اوبشن بلس ( كلام التوكيل ) ... السيدان منها فول اوبشن و فول اوبشن بلس ....
الهاتشباك فول اوبشن : 118 ألف ...
السيدان فول اوبشن : 119 الف ... ( اسعار توكيل )
السيدان فول اوبشن بلس : 128 الف .... ( سعر توكيل ) و في المصرية 127.5 الف .....
شنطة كبيرة .... تابلوه شيك ..... صالون واسع و محترم ..... تكييف تلاجة كعادة الياباني ..... مكونات ياباني و تقفيل ياباني 100 % من الألف للياء ....
ابعة
- التريوس :
عربية محترمة جداً جداً جداً .......
اسعارها :
للتريوس 5 راكب : اربع فئات ....
المانيوال فئة أولى : 116 ألف ....
الاتوماتيك فئة تانية : 123 الف ....
الاتوماتيك فئة تالتة : 128 ألف .....
الاتوماتيك فئة رابعة : 136 ألف .....
و حاقول لك الفرق في التلات فئات على حسب كلام التوكيل برده ... لان الفروق بتبقى في الكماليات ...
الفرق في التلات فئات : ان الأولى نص كاملة فيها بس 2 زجاج كهرباء ..... بالإضافة الى انه مفيش كاسيت و لا فوانيس شبورة و لا ايرباج و لا أُكر نيكل ...... و لاجنوط سبور
التانية : 4 زجاج كهربا من غير كاسيت و لا اير باج و لا أُكر نيكل ..... و لا جنوط سبور
التالتة : 4 زجاج كهربا - كاسيت سوني أصلي - 2 شاشات lcd صغيرة - فوانيس شبورة - من غير ايرباج و لا فرامل abs و لا جنوط سبور و لا أُكر نيكل
الرابعة : الكماليات السابقة لكن : الكاسيت من الشركة ( مفيش كاسيت سوني ) - مفيش شاشات lcd - فيها 2 ايرباج و فرامل abs و جنوط سبور و أُكر نيكل و امكانية التحكم بالصوت و خلافه من الدريكسيون و فيها 6 سماعات عكس الفئات الأخرى 4 بس ...
التريوس 5 راكب تقفيل ياباني 100 % و مكونات ياباني 100 % .....
طبعاً الفئة التالتة أنسبهم ........ رفاهية اكتر و امان جيد جداً .......
و ممكن تركب لها اير باج و أُكر نيكل و جنوط سبور و اللي انت عاوزه فيما عدا الفرامل طبعاً لأن ده نظام مقيد مينفعش فيه التغيير ...
في الجراند التريوس .... دي تقفيل اندونيسي , لكن لما رحت أخر مرة التوكيل قالوا ان الجديد كله تقفيل ياباني ..... و دي سبعة راكب بتبدأ من 140 ألف لحد 160 ألف .......
التريوس عموماً .... صالون واسع جداً و مريح ..... تكييف تلاجة كعادة الياباني ..... شكلها أسد .... يعيبها شكل التابلوه البسييييط جداً جداً جداً ........
-------------------------------------------------------------
لكن في نصيحة معظمنا بيعمل بيها : اشتري ليك و للسوق .....
و العربية المناسبة ليك و للسوق بالفعل هى التريوس 5 راكب .....
أولاً : لأنها منتشرة أكتر من التيدا ...
ثانياً : توكيل محترم و بيتابع معاك لحظة بلحظة في حالة الصيانة من أول ما تودي عربيتك الصيانة لحد ما تستلمها و تمشي بيها كام يوم .. ( دا لا يمنع ان توكيل النيسان محترم برده ) ...
ثالثاً : عربية عالية عن الأرض و تستحمل شوارعنا المهببة اللي في مصر و قطع غيار متوفرة ( يمكن بره التوكيل مش قد كدا , بس العربية لما بتنتشر بتلاقي ) ....
رابعاً : ياباني منه فيه .....
خامساً : اعادة بيع يمكن مش قوية ...... لكن العربية بقى لها كتير في مصر , يعني ح تلاقي اعادة البيع معقولة ... و ده بالنسبة للعربيات اللي حضرتك مختارها .....
في برده ملاحظتين :
- حضرتك ممكن تفكر في المازدا 3 , سعرها بقى ب 131 الف ( و ده سعر التوكيل نفسه ) ... و ده لفترة محدودة ( بس اعتقد ان السعر دا للمانيوال منها ) ...
- او ممكن تفكر في النيسان صني سوبر صالون .... عربية محترمة سعرها متوازن و معقول ..... و فيها معظم الامكانيات ...
طبعاً القرار يرجع لحضرتك في الآخر ........ و ده مجرد رأي ! ... :) :)
عفوا ... لم تذكر السياره الرائعه جدا ... >>>>> فورد فيستيا
و أخبار الفابيا إيه يا برنس؟؟ :)
من رأيي البيجو و البونتو رقم 1 في اختياراتك
ثم الميجان و لو عايز رأيي عربية امكانيات رائعة و مميزات عديدة هي الستروين c4 بجد تحفة بس عيبها في سعر اعادة البيع و قطع الغيار و الصيانة انما لو بتفكر تركبها هتركن البي ام و تستخدمها دايما و انا ناوي علي واحدة في القريب العاجل ان شاء الله بس استخدام :)
فعلا البونتو رقم واحد بالنسبة لي دلوقتي و شايفها كتير في الشارع و جميلة جدا لكن البيجو...طلعت مقلب...اصلا الموديل الي انا كتبته في الاستطلاع مش بيبيع و مش موجود في الشارع خالص...شفتها مرة واحدة بس...انا باتكلم عن 207.....الي موجود و منتشر 206 و دي قديمة و مش بتنزل دلوقتي غير سيدان و مش فرنساوي تقريبا ايراني او تركي و النوع التاني 308 و دي كبيرة شوية و غالية...لكن ال 207 الجديدة مش ناجحة في مصر و علي فكرة قالولي في معرض السيارات بتاع شهر 6 ان توكيل بيجو مش عايز يسوق 207 عشان هتوقف ال 308 لتقارب السعر ..يعني التوكيل نفسه مش عايزها تتباع
البونتو هي الي اثبتت نفسها فعلا في الكم شهر الي فاتوا و نازلة بسعر منافس و طبعا النتيجة واضحة في الشارع....
الميجان كمان...بغض النظر عن كونها كويسة او لا مش بتبيع خالص و عمري ما شفتها