4x4 بس دى بابين يا باشا
شوف الجراند بونتو التربو ب١١٦ ونص وده عرض عليها فيها كل حاجة بلوتوث جنوط١٧ إيرباج مش متأكد ٤ ولا ٦ abs ebd وكمان esp إزاز فيميه تابلوها كاربون فيبر وحجات تانيه كتير
أو تستنى الإيفو أول فئة ب١٠٥ غالبا بس ٧٧ حصان بس
الميجان تحفة بس حجمها مش صغير زي الجراند وتوكيله أفضل شويه من الفيات وقطع الغيار الجراند أرخص بس مش في كل حاجة
ال٢٠٧ إستنى المعرض يمكن تعجبك
التيدا كنت بفكر أجيبها حلوه بس مش حاسس إنها تستاهل التمن ده وفي ناس قالت مش ثابته على السرعات العاليه
الفابيا معرفهاش فمش هتكلم عليها
التريوس بلاش عشان الثبات وكمان فقيرة شويه
حضرتتك انا متفهم حيرتك لاني انا كمان ناوي اجيب عربية في نفس الحدود ديه"100 : 125 الف وهي عربية تانية مع سيتروين بيكاسو
وانا ايض بحب العربيات ذات الامان العالي وبحط في اعتباري درجات الامان زي euro-N Cap ولكن بعد بحث طويل
استقريت علي النيسان تيدا ودة راي في العربيات اللي حضرتك بتقترحها وانا فكرت في بعض منها وبحثت فيها كتير
1- البونتو : شكلها الخارجي جميلة جدا واخده 5 نجوم ف اختبرات اليورو ان كاب
ولكن ضيقة من الداخل وشكل التابلوة عامل زي التلاجة بالبكر الغريب بتعها ده 1400 سس 77 حصان خامات من جوة سيئة كلها فيبر
2- رينو ميجان فرق شاسع بينها وبين البونتو" كحجم - قوة - تكنولوجي - تصميم خارجي وداخلي "هي افضل طبعا و احسن توكيل للسيارات الفرنسية في مصر
ولكن اشتهرت الرينو بانها معقدة بعض الشئ - اسعار قطع غيار الفرنساوي حقيقي غالي " واسالني انا عشان مجرب - دة غيران كفاءة التكييف مش بنفس درجة الياباني "وانا برضة مجرب
3- بيجو 207 "بص ان بحب الفرنساوي بس المشكلة واحدة فيهم
4-نيسان تيدا بالنسبة لي افضلهم جايز يكون الشكل مش waaaaw ولكن هي عملية جدا خاصة ال"hatch back "Plus
compact car واخدة 4 نجوم في اختبارات الامان الامريكية فيها ِABS - EBD - AB -2 Air Bag
,موتور طويل العمر تكيف شديد عفشة تمام عربية ناعمة وسحبها كويس خامات عالية الجودة بالمقارنة للجراند بونتو والتريوس
قليلة العطل توكيل محترم وشكلها رياضي وعالية عن الارض لطيف ياباني 100% مجمل العربية حلوة بالنسبة لسعرها 125 الف
5- التريوس عشان تجيبها في مواصفات امان معقولة وكماليات مش اقل من 140 الف
وفي الاخر لازم تشوفهم كلهم علي الظبية وتقارن .....و غذرا للاطالة وشكرا
شكرا علي المشاركة...انا عايز مثال علي ارتفاع اسعار قطع غيار الفرنساوي... و مقارنتها بمثيلتها في الياباني مثلا
و هل الواحد هايحتاج قطع غيار في اول 3 او 4 سنين لو معاه بيجو او ميجان؟ باستثناء قطع الغيار التي يتم تغيرها في الصيانات الدورية من سيور و بوجيهات و فلاتر و تيل...
و في حالة الحوادث...المفروض التامين هو اللي يتحمل الاسعار العالية
يعني انا عايز اعرف ارتفاع اسعار قطع الغيار المفروض يأثر علي قراري لاي درجة؟؟؟؟ يعني لو عربية عجباني و كل مشكلتها ان قطع غيارها غالية ...المفروض ماشتريهاش؟ طيب هو انا اصلا المفروض في الظروف الطبيعية احتاج قطع غيار قد ايه و بكام؟
النقطة التانية ارتفاع قطع الغيار مسالة نسبية ...يعني كله غالي مافيش حاجة ببلاش حتي الاسبيرانزا حاجتها من التوكيل غالية
لو افترضت ان في قطعة غيار في بيجو او رينو ب 500 جنيه....نفس القطعة في الياباني مش هاتكون ب 100 جنيه...هتبقي ب 400-450 جنيه...مش كده؟
انا عايز اتناقش اكتر مع الاخوة الاعضاء في موضوع قطع الغيار و لاي درجة المفروض ياثر في قرار شراء سيارة معينة مع العلم ااني لا انوي الاحتفاظ بالسيارة اكتر من 5 او 6 سنين